M'akuri 8:21 - Te B'aib'ara

²¹ Akea nakoam ao akea tib'angam n te baei, b'a e aki eti nanom i matan te Atua.

M'akuri 8:21 Iomraidhean Croise

2.Rongorongo 25:2

E ngae ngke e ongotaeka Amatia iroun te UEA ni kaakaraoa ae e raoiroi, ma e rawa ni kakororaoa ana kakaonimaki.

Neemia 2:20

Ao I taku, “Bon ana toro te Atua ae e tautaekana karawa ngaira, ao ti na bon kakororaoa ara m'akuri. Ti na manga moana katean Ierutarem, ma bon akea ami b'ai n ana b'ai nako, b'a bon akea tib'angami n rongorongona.”

Taian Areru 36:1

Akea karinean te Atua irouia taani bure; ti te bure kanoan aia iango.

Etekiera 14:3

Etekiera ae natin te aomata, a tia ni manga moana taromauriakiia bouannanti m'aane aikai, e ngae ngke e na manga karekeia n te bure ae e korakora riki. Ma ngaia ae I aki kan taekina te rongorongo nakoia.

Nakoaia Ibonga 13:8

E na manga tuoa riki te ibonga, ao ngkana e a tia n raka nako, e na katanoataa te aomata anne b'a e aki itiaki; bon aorakin te kun ae e kakamaaku.

Ab'akuka 2:4

Ao aio te rongorongo, “Ana bon aki tiku ni maiu aika a buakaka, ma aika a raoiroi ana bon maiu i bukin aia kakaonimaki nakon te Atua.”

Ruka 1:6

Ao a b'aina te maiu ae raoiroi Takaaria ma Nei Eritabeta i matan te Atua n aroia n tou mwin ana tua ma ana moti nako te Uea n aki bubure iai.

Ioane 21:17

E a manga taku riki Iesu nakoina, “Timon, ae natin Ioane, ko tangirai?” E rawawata nanoni Betero ngke E katenua ana tai Iesu ni kaangai nakoina, “Ko tangirai?” Ao e taku nakoina, “Te Uea, Ko atai b'aai ni kabane; Ko ataai b'a I tangiriko.” E taku Iesu nakoina, “Kakaam'arakeia au tiibu.

M'akuri 8:37

E taku Biribo nakon te iunaki, Ko na b'abetitoaki ngkana ko onimaki ma nanom ni koaua. Ao ngaia e taku, I kakoaua b'a Iesu Kristo bon Natin te Atua.

I-Ebeto 5:5

B'a kam bon ata aei, b'a akea te aomata ae te tia wene ni bure, ma te tia kammaira, ma te tia mataai ni kanib'aib'ai ae te tia taromauri bouananti, ae na karekea Ueani Kristo ma te Atua.

Te Tua-Kaua 10:9

Ao E berita te UEA b'a E na teimatoa ni karekei aia b'ai kanoan Rewi, ao boni ngaia anne bukina ae E aki anganiia iai abaia, ngke E tib'atib'a te aba i aoia taiani baronga.

Te Tua-Kaua 12:12

ngkami ma ami utu, ao ami toro, ao kam na bootaki n te tabo n taromauri, b'a E a tia te UEA ae Atuami n anganingkami te totokanikai ni b'aai ni kabane aika kam a tia ni karaoi.

Ebera 4:13

Bon akea te b'ai teuana ae karikaki ae na raba mai Rouna; ma a bane b'aai ni kakiaki rabunaia ma ni kaotaki raoi i matan Teuare Ngaia ae ti nangi taekin arora nako Ina.

Iotua 22:25

E a tia ni karaoa te Ioretan b'a tiara ma ngkami. Tiaki Atuami te UEA! Ao ane a na tuukia ara kariki ami kariki rimwi man taromaurian te UEA.

Te Kaotioti 2:23

ao N na kamateia natin neierei, ao ane a na bane ekaretia n ataai b'a te tia tirotiroi naano ma iango aika raba Ngai; ao N na anganingkami n tatabemaningkami nako booni mwin ami m'akuri.

Te Kaotioti 20:6

E a kab'aia ane e reke nena n te moa ni manga-maiu; bon ana aomata ni koaua te Atua. Akea m'aakan te mate are te kauoua i aoia aomata aika ai aroia aikai: a na riki b'a ana ibonga te Atua ma Kristo, ao a na uea ma Ngaia tengaa te ririki.

Te Kaotioti 22:19

ao ngkana iai te bae e kamaunaa te aomata man taeka ni burabeti n te nira ni boki aei, ao te Atua E na anaa mai rouna tib'angana n te kai ni maiu ao man te kaawa are tabu, ake a koreaki taekaia n te niira ni boki aei.