M'akuri 8:2 - Te B'aib'ara

² Iai aomata aika onimakina te Atua, aika uota nako rab'atan Tetebano n taunna, ao a karaoa te tanginiwenei ae bati i aona.

M'akuri 8:2 Iomraidhean Croise

Karikani B'aai 23:2

Ao e mate i Kiriatareba i Eberon n te aba are Kanaan, ao e tangi man nanokawaki Aberaam ni matena.

Karikani B'aai 50:9

Ao a raonaki naba irouia taan toka i aon ka ni buaka aika katikitikaki irouia aoti, ao taan toka naba i aoia aoti. Bon te koraki ae korakora.

2.Tamuera 3:31

Ao e tuangiia aomata ni kabane ake raonna ni kaangai, “Kaota nanokawakimi n raeuai kunnikaimi ao ni karin kunnikai aika a mangaingai! Kam na nakonako ririmoan Abenera ao kam na tang!” E nakonako Tawita i akuun te b'ai are e uouotaki iai rab'atan Abenera.

2.Rongorongo 32:33

Ao ngke e a mate Etekia, e taunaki ni m'akoron ruanimateia uea are e kaokoroaki i bukiia uea aika a rangi ni karineaki, ao a bane kaain Iuta ma Ierutarem ni karinea. E a manga uea natina te m'aane are Manate i mwiina.

2.Rongorongo 35:25

Ao e korea te kuna ni mate Ieremia are te burabeti i bukin karinean Iotia. Ao man te tai anne, ao a bane n anenea te anene anne aomata ni kabane i Iuta ake a tang ni maten Iotia. E bon karinaki naba i buakon kuuna ni mate.

Ieremia 22:10

E a mate te Uea are Iotia, ma kam na aki tang i bukina. Ma kam na tang i bukin natina te mm'aane are te Uea are Ioati are e katikitikaki nakon te kaawa teuana, ao e aki manga oki.

Ieremia 22:18

Ieoiakim, bon akea temanna ae e na tang ngkana ko mate. A na bon aki rairaki n titiraki aomata ni kaangai, “E aera ngkai e konaa ni mate ara uea ae e kakannato?”

Warekaia Iteraera 20:29

ao a ataia aomata ae a tia ni mate Aaron, ao a tang i bukina i nanon 30 te bong.

Mareko 6:29

Ngke a ongo ana reirei Ioane taekan te baerei, ao a roko, ao a uota nako rab'atana, ao a kaki i nanon te nne ni mate.

Ruka 2:25

N te tai anne ao iai te aomata temanna i Ierutarem ae arana Timeon. Teuaei e b'aina te maiu ae raoiroi i matan te Atua ao e kakaonimaki; e kaantaninga te tai are na buokaki iai Iteraera man rawawatana, ao e mena i rouna te Tamnei are Raoiroi.

M'akuri 10:2

E kakaonimaki Korenerio nakon ana kaantaninga te Atua, ao e rangi ni karinea te Atua, ti te bo arona ma kaain ana utu; e aki toki n angaanga b'aai n tituaraoi, ao e b'aina te tatataro nakon te Atua.

M'akuri 2:5

Iai i Ierutarem I-Iutaia aika rangi n taua te Aro n Iutaia; a roko man aaba nako i aonnaba.

M'akuri 8:1

Ao e kakoauaa Tauro b'a e bon riai kamatean Tetebano. E korakora b'ainikirinaia kaain te ekaretia i Ierutarem; ao a bane ni kauamaaeaki nako kaaina nako aon te aba are Iutaia ma Taamaria, ma a aki kauamaaeaki taan tuatua.

M'akuri 8:3

Ma Tauro e kataia n urua te ekaretia: e rin i nanon auti nako ni katikiia nako kaain te ekaretia aika mm'aane ma aine, ao e kaakiia i nanon te karabuuti.

Te Tua-Kaua 34:8

Ao a tiku Iteraera n aaba ake a rinano i Moaaba, ike a tanginiwenei iai i bukin Moote i nanon 30 te bong, n aron aia katei.

1.Tamuera 28:3

E a tia ni mate ngkai Tamuera, ao a bane n tang Iteraera ma n tanginiwenei i bukina ao a taunna n oin ana kaawa are e buubura are Ram'a. E a tia ni kairoroia taan kaiwa Tauro ao taan tabunea b'a a na kiitana Iteraera.