M'akuri 8:10 - Te B'aib'ara

¹⁰ ao a bane n ongo i rouna aomata nako, ake a mangori ma ake a kakannato. A taku, “Boni m'aakan te Atua teuaei are aranaki b'a te ‘M'aaka ae Korakora.’ ”

M'akuri 8:10 Iomraidhean Croise

Ieremia 31:34

“A na aki manga reireina temanna i bon irouia aron te ongotaeka i Rou. I berita Ngai ae te UEA nako ia ni kabane b'a a na ongotaeka irou, ti te bo aomata nako ma taan tautaeka. N na kab'arai aia bure, N na m'aninga taekan aia m'akuri aika a buakaka aika a tia ni karaoi.”

Ieremia 42:1

Ao a bane n roko nako iu Ioanan, Ietania, aobitian te taanga ni buaka ake tekorakina, ao aomata ni kabane ake n te m'akoro.

Ieremia 6:13

A bane aomata n nanonrang ma ni buakaka, te kaub'ai ma te kainano. Ni karokoa naba taian burabeti ao ibonga bon akea naba onimakinaia.

Ieremia 8:10

N na anga buuia ma aia tawaana nako ia ianena. A a bane n nanonrang ao n aki raoiroi aomata nako, te kainano ke te kaub'ai. Bon akea naba onimakinaia burabeti ma ibonga.

Iona 3:5

Ao a kakoauai ana taeka te Atua kaain Ninewe. Ma ngaia are, a bonnanoa te aki mamatam. Mairouia kakannato ni karokoia ake a mangori, a karin kunnikai aika a mangaingai ni kaota aia rairanano.

M'akuri 14:11

Ngke a nora te baere e karaoia B'auro aomata, ao a kanene b'anaaia n taetae n taetaen Rukaonia ao a kaangai, “A ruo nako ira anti aika ai aroia aomata!”

M'akuri 28:6

A kaantaninga B'auro te koraki arei b'a e na tibu ke e na b'aka ni mate n te tai naba arei; ma ngke a maan ni kakantaninga ao a noria b'a akea te rekenikai nakoina, ao a bita nanoia n taku, “Bon te anti ngaia!”

1.I-Korinto 1:24

ma nakoia aika rineaki iroun te Atua, aika I-Iutaia ma I-Erene, boni m'aakan te Atua ao rabakauna naba.

2.I-Korinto 11:19

B'a kam kukurei n taon nanomi nakoia akana nanobaba, ngkai kam wanawana!

I-Ebeto 4:14

b'a ti aonga n toki man arora n ataei, n uouotaki nako i aon naao ma ni katiotioaki n aki akaaka n taian ang aika reirei nako mairouia aomata aika taani m'am'anaa te aba, aika kairiia aomata nakon te kairua n aia m'akuri ni wanawana aika bureburea te aba.

2.Betero 2:2

Ao ane a na m'aiti aomata aika na kakairi i rouia n tam'are; ao i bukin aroia anne, ao e na kabuakakaki iai te koaua ni Kristian.

Te Kaotioti 13:3

Iai atun te man arei teuana ae a tia n ikoaki n te ikoaki ae tara n rangi ni kakaiaki, ma e a tia ni mao. Ao a bane kaain te aonnaba n irira te man arei ni mimiakinna.