M'akuri 7:52 - Te B'aib'ara

⁵² Antai i buakoia burabeti ae aki b'ainikirinaki irouia ami bakatibu? Boni ngaiia ake a tiringiia uake a kaman tataekina rokon Teuare Raoiroi, are Ngaia are kam a tia ngkai ni kam'anea ao kam tiringnga.

M'akuri 7:52 Iomraidhean Croise

1.Uea 19:10

Ao e taku Eria, “Te UEA ae Moan te M'aaka, I aki toki ni kakabanea korakorau n ongongotaeka iroum. Ma a tia am Aomata n urui aia berita nakoim. A tia n urui am Baonikarea ao a tiringiia am Buraabeti, ao bon ti nikiraia ngai. Ao ngkai ae a boni kataia naba ni kan tiringai.”

1.Uea 19:14

Ao e taku Eria, “Te UEA ae Moan te M'aaka, I aki toki ni kaakaraoa kabaneani korakorau n ongongotaeka iroum. Ma a tia am Aomata n urui aia berita nakoim. A tia n urui am baonikarea ao a tiringiia am burabeti, ao bon ti nikiraia ngai. Ao ngkai ae a boni kataia naba n tiringai.”

2.Rongorongo 36:15

Ma e nanoangaiia ana aomata te UEA ae te Atua, ao e aki uruaka te Tembora, ma e a kanakoia taiani burabeti are e aki toki ni kauringiia aomata i bukin aia bure.

2.Rongorongo 36:16

Ma a ti ngare aomata ao a kakanikoia burabeti akekei. A aki kubara te b'ai are e kataia n taekinna te UEA nakoia, ni karokoa e a rangi n un n te aro are bon akea ae e konaa ni katokia man katuaeakiia kaain Iuta ao Ierutarem.

Neemia 9:26

Ma e ngae n anne, ao a bon kakaitaraa naba ma n aki ongotaeka nakon am tua. A tiringiia am burabeti ake a aki toki ni kaakauringiia b'a a na rairaki nakoim, ao a karereantia aram.

Ieremia 2:30

I kataia ni katuaaingkami, ma kam rawa n oki nako iu, ao kam tiringiia au burabeti kanga aroia raian aika a tiritiri.

Ieremia 20:2

ai ngaia are e a oreai naba. Ao i mwiina, e tua b'a N na katikaki ma ni kabaeaki n taian tiein n te Mataroa are Beniamin i nanon ana Tembora te UEA.

Ieremia 26:15

Ma ngkana kam kamateai, ao a na bane n reke kaain Ierutarem n te bure n tiringa te aomata ae akea ana bure, i bukina b'a bon mai roun te UEA b'aai ni kabane aika I taekin.

Ieremia 26:23

Ao a kairiia rikaaki nakon te Uea are Ieoiakim, are e a kamatea ao e karenakoaki rab'atana nakon te tabo n taunimate.

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

Mataio 5:12

B'a a b'ainikiriniia burabeti ake a maiu i m'aimi n te aro naba aei. Kam na kukurei, ao kim'areirei, b'a a bati b'aai n tituaraoi ae E katauraoi te Atua i bukimi.

Ruka 6:23

Kam na kim'areirei n te bong arei, ao kam na kibakiba rake ni kukurei, b'a noria, a bati kaniwangami i karawa aika kam na anganaki mairoun te Atua; b'a a karaoi naba baikai aia bakatibu nakoia aia burabeti.

Ioane 16:10

e bure ootana n aron te raoiroi i bukina ngkai N nangi nako n te Tama, ao kam na aki manga norai;

M'akuri 2:23

E a kaman tia ni baireia te Atua, ao E a kaman ataia naba, ae E na tauaki Iesu nakoimi, ao kam kamatea, b'a kam anga nako nanoni baiia aomata aika riri aon te tua, b'a a na tauria n te kaibangaki;

M'akuri 22:14

Ao e taku, “E a tia n rineiko Atuaia ara bakatibu b'a ko na ata nanona are na karaoaki, ma n nora Teuare Atataiaomata, ma n ongo te b'ana mai wina.

M'akuri 3:18

Ma te Atua are E a kaman tataekinna ni wiia burabeti ni kabane ae E na kamarakaki ana Kristo, E a kakoroa bukina n te aro aei.

M'akuri 3:24

Ao burabeti ni kabaneia ake a tia n taetae, ni botaki ma Tamuera ma ake a kaoti i mwina, a kaotioti naba baika na riki ni boong aikai.

M'akuri 4:10

ao e na ataaki iroumi ni kabaneingkami, ao irouia naba kaain te botannaomata ae Iteraera: b'a n aran Iesu Kristo are te I-Natareta, are kam kamatea n te kaibangaki, are E a manga kamaiua te Atua mai buakoia maate, boni Ngaia ae kamaiua teuae tei ni marurung i matami.

1.I-Tetaronike 2:15

ake a kamatea te Uea are Iesu ma taiani burabeti, ao a kakioira nako naba. A aki kakukureia te Atua, ao a ekianako aomata ni kabaneia;

2.Timoteo 3:4

taani kam'anea te aba, taan aki kuba b'a tera ae na riki i mwin te baere a karaoia, taan nanorieta, taan tangira riki kukurein nanoia nakon tangiran te Atua;

1.Betero 1:11

A kataia ni kakaaea b'a antai te aomata, ao te tai ra ake a kaotaki iroun Tamnein Kristo are mena i nanoia ngke E taekini baikai i m'ain rikiia, aika marakini Kristo ake E na taonaki iai, ao te neboaki are E na b'ainna i mwini maraki akanne.

1.Ioane 2:1

Au ataei aika uarereke, I koroi baikai nako imi, b'a kam aonga n aki bure. Ao ngkana e bure temanna, ao bon iai te Tia Tei i bukira are Iesu Kristo ae atataiaomata, are mena iroun te Tama:

Te Kaotioti 19:10

Ao I katorobubua ni bobaraaki i rarikini waena b'a N na taromauria. Ao e taku nako iu, “Tarataraiko b'a ko na aki taromauriai; bon raom n toro ngai, ao raoia naba n toro tarim ake a teimatoa n taua te koaua are E kaotiotia Iesu. Ko na taromauria te Atua n tii Ngaia; b'a te koaua are E kaotiotia Iesu boni ngaia ae angania ana aomata te Atua te kona n taetae ni burabeti.”

Te Kaotioti 3:7

“Ao ko na koroboki nakon ana anera te ekaretia i Biraterebia ni kaangai: “E kaangai Teuare tabu, are kakaonimaki, are iai i rouna ana king Tawita, are ngkana E kauka te mataroa ao akea ae kona ni kainna, ao ngkana E kainna ao akea ae kona ni kaukia.