M'akuri 7:5 - Te B'aib'ara

⁵ Ma bon akea abana ae E anganna mai iai: E aki anganna naba tao ab'akini m'anekana, ma E kab'aka ana taeka n akoi b'a E na anganna b'a abana, ao E na anganiia naba ana kariki i mwina b'a abaia, e ngae ngke akea natina ngkanne i rouna.

M'akuri 7:5 Iomraidhean Croise

Karikani B'aai 12:7

Ao E kaoti te UEA nakon Aberam, ao E taku, “Bon aio te aba are N nang anganiia am kariki.” Ao e karaoa te baonikarea Aberam i bukin te UEA are E kaoti ngkoa nakoina.

Karikani B'aai 13:15

N nang anganiko ma kanoam aaba ni kabane ane ko nooria, ao a na riki b'a am b'ai n aki toki.

Karikani B'aai 15:18

Ao E a karaoa ana berita te UEA n te tabo aei ma Aberam, ao E taku, “I berita b'a N na anganiia kanoam te aba aei ni kabane ni moa man tian Aikubita nakon te karaanga are Iuberetiti,

Karikani B'aai 16:2

ao e taku nakon Aberam, “E tuukai te UEA man te kariki. E aera ngkai ko aki wene ma au toro te aine? E na mena ngkoa, ao e na reke natiu i rouna.” Ao e kariaia Aberam ana taeka Nei Tarai arei.

Karikani B'aai 17:8

N na anganiko ma am kariki te aba ae te iruwa ngkoe iai ngkai. E na riki te aba ae Kanaan b'a aia b'ai ami bakatibu n akea tokina, ao N na riki b'a Atuaia.

Karikani B'aai 23:4

“Bon te iruwa ngai i buakomi, taiaoka ni kaboa te aba teuana nako iu, b'a N na tauna iai rab'atan buu.”

Karikani B'aai 26:3

Maeka ikai, ao N na memena iroum ma ni kakab'aiako. N na anganiko te aba aei ni kabutaa, ao nakoia naba am kariki. N na bon kakoroa bukin te berita are I karaoia ngkoa ma tamam are Aberaam.

Neemia 9:8

Ko karaoa am boraraoi b'a Ko na anga abaia kaain Kanaan ao kaain Eta, kaain Ammon ao Beritaite, ao kaain Iebuti ao kaain Kirekata nakoia ana kariki i bukina ngke e kakaonimaki Ao ngkai, Ko a tia ni kakoroa bukin am berita n aron are Ko boni kaakaraoia.

Etekiera 33:24

Etekiera ae natin te aomata, a taku aomata ake a maeka ni kaawan Iteraera ake a uruaki, “Bon ti Aberaam ae e anganna te UEA te aba ae Iteraera ni kabane. Ti a rangi ni m'aiti n aomata ngkai ao bon taani b'aib'ai ngaira n te aba aei.”

Te Tua-Kaua 10:11

Ao E kaangai nako iu, Moote, katauraoiko b'a ko na kairiia aomata nakon te aba are I a tia n berita iai nakoia aia bakatibu.

Te Tua-Kaua 11:9

are E a tia ni berita iai te UEA nakoia ami bakatibu, ma kanoaia. E rawata iai te miriki ao ana karewe te manibeeru, ao kam na maeka ikekei ma ni kukurei iai n te tai ae maan.

Te Tua-Kaua 2:5

ma kam na aki buakaniia. I a tia n anganiia aaba ake a tabukibuki ake Teira, ma ngaia are, bon akea ae I anganingkami mai iai, ao bon akea naba teutana ae na reke nnen waemi iai.

Te Tua-Kaua 34:4

Ao E taku te UEA, Moote, aio te aba are I taekinna ngke I berita nakoia Aberaam, Itaaka, ao Iakob'a b'a N na anganiia kanoaia. I a tia ni kaotia nakoim, ae ko na aki ri nanon te Karaanga are te Ioretan ma n rin n te aba arei.