M'akuri 7:49 - Te B'aib'ara

⁴⁹ E taku te UEA, Karawa au kaintokanuea, ao aonnaba neni katokani waeu. Te aeka n auti tera ae kam na kateia i buku? Ke tera neu ni motirawa?

M'akuri 7:49 Iomraidhean Croise

1.Uea 22:19

Ao e taku Mikaia: Ongora n te b'ai aei. Ao I noora naba te UEA b'a E tekateka i aon ana kaintokanuea ma b'aai ni kabane aika a maiu i karawa b'a a bootaki ni katobibia.

1.Uea 8:27

E aki tau karawa i bukin nnen ni maeka te UEA ae te Atua. Ao Ko nang kanga riki ni maeka n te aonnaba i nanon te Tembora ae I karaoia?

2.Rongorongo 6:18

E bon aki tau buuburan karawa i bukim, te UEA ae te Atua. Ao ko nang kangaa riki ni maeka n te aonnaba n te Tembora ae I a tia ni karaoia aei?

Taian Areru 11:4

E mena te UEA i nanon ana Tembora are tabu; ao e mena ana Kaintokanuea i karawa. E tarataraia aomata ni kabaneia n taabo nako, ao E atai baika a karaoi.

Itaia 66:1

E taku te UEA: Au kaintokanuea karawa ao nnen katokaniwaeu aonnaba. Tera te aekaki n auti ae ko na karaoia ibuku? E nga te tabo ae N na motirawa iai?

Ieremia 23:24

i karawa ao i aon te aonnaba. Bon akea taabo aika a raba aika kam na konaa ni karabaingkami mairou.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Mataio 23:22

ao ane m'anewea arani karawa b'a te b'ai ni kakoaua ngkana e taetae n tuea, ao e taetae n tuea n ana kaintokanuea te Atua, ao iroun naba Teuare tekateka i aona.

Mataio 24:2

Ao E kaekaia Iesu ni kangai, “Tiaki kam nori baikai ni kabane? E koaua ae I a tuangngkami b'a ane e na bon aki tiku ikai te atibu teuana i aon te atibu teuana; a na bane ni kab'akaki.”

Ioane 4:21

E taku Iesu nakoina, “Neiko, ko na kakoauaai b'a ane na roko te tai are a na aki taromauria iai te Tama aomata i aon te maunga aei, ke i Ierutarem.

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.