M'akuri 7:36 - Te B'aib'ara

³⁶ E kairiia Mote ni kaotinakoia, ngke e tia ni karaoi m'akuri aika kamimii ma kanikina n te aba are Aikubita, ao n te Nama are Uraura, ao n te rereua angaun te ririki.

M'akuri 7:36 Iomraidhean Croise

Neemia 9:10

Ko ataia b'a a tia Uean Aikubita ao ana mataniwi ma ana botannaomata n kateibuaka nakoia am aomata. Ma ngaia are, Ko karaoi kakai aika a kakamaaku ni kaaitaraia kaain Aikubita ao Ko a manga karekea kinaakim are e bon teimatoa.

Taian Areru 95:10

Abwi au ririki n rangi n ribaia te koraki arei. Ao I taku, ‘Ai bure ra nanoia! A rawa ni kan ongeaba nakon au taeka.’

Taian Areru 95:8

“Kam na tai kamatoatoai nanomi, n ai aroia ami bakatibu ngkoa i Merib'a, N ai aroia n te bong arei n te rereua i Mata,

Te Otinako 12:41

N tokin te ririki ae abubua tenibwi, a bane n nako iai barongan nako ana aomata te UEA ni kiitana Aikubita.

Te Otinako 14:21

Ao e arora nako baina Moote i aon taari, ao E uka taari ni kaokia te UEA n te angi mainiku ae korakora. E kare ni katoa tairiki n te aro are e a onika taari nakon te aba ae m'auteretere. Ao e bwenauaaki taari

Te Otinako 16:35

Ao a kang maana Iteraera i nanon 40 te ririki ni karokoa rokoia i Kanaan, are a tekateka raoi iai.

Te Otinako 3:20

Ma ngaia are, N na kamanenaa m'aakau ni karaoi taian kamimii n aroia nako ma n oroia kaain Aikubita ni kab'akaia. Ao ane e na kanakoi ngkami iai te uea.

Te Otinako 33:1

E taku te UEA nakon Moote: Ko na kairiia aomata ni kaotinakoia mai Aikubita. Katauraoiko ngkai b'a ko na kairiia nakon te aba are I a tia ni berita iai nakoia aia bakatibu ake Aberaam, Itaaka, ao Iakob'a.

Ioane 4:48

E taku Iesu nakoina, “Ngkana kam aki noori kanikina ma m'akuri aika kamimii, ao kam rawa n onimaki.”

M'akuri 13:18

Ao E buobuokia n te rereua i nanon ae tao angaun te ririki, e ngae ngke a aki raraoi aroia nakoina.

M'akuri 7:42

Ao E tannako te Atua mai rouia, ao E katikuia n aroia b'a a na taromauri itoini karawa; n ai aron are koreaki n aia boki burabeti, ni kaangai, “Ngkami aika te botannaomata ae Iteraera, tiaki i buku maan ake kam tiring ao kam anga b'a ami karea n te rereua angaun te ririki?

Te Tua-Kaua 8:4

A aki roko n te mangaingai kunnikaimi, ao a aki roko n te konaaki waemi i nanon 40 te ririki aika nako.

Ebera 3:8

ao kam na tai kamatoatoai nanomi, n ai aroia te koraki ngkoa ake a rawa ni kani kairaki n tain te kataaki n te rereua.

Ebera 3:9

Ike a kariria iai te Atua ami bakatibu ni kataia, ao a nori naba ana m'akuri angaun te ririki.

Ebera 8:9

E na aki ti te bo ma te boraraoi are I karaoia ma aia bakatibu n te bong are I tauu baiia iai ni kaotinakoia man te aba are Aikubita. I bukina ngke a aki kakaonimaki nakon au boraraoi, ai ngaia anne are I aki mutiakiniia iai, bon ana taeka te Uea.