M'akuri 7:10 - Te B'aib'ara

¹⁰ ao E kamaiua man rawawatana ni kabane; ao E anganna te rabakau ma te aro ae na tatangiraki iai irouni B'arao are uean Aikubita, are E rineia b'a te tia tautaeka i aon Aikubita ma ana utu ni kabaneia.

M'akuri 7:10 Iomraidhean Croise

Karikani B'aai 39:21

Ma e bon memena te UEA iroun Ioteb'a ma ni kakab'aiaa, ma ngaia are, e a tatangira Ioteb'a te tia tararua te karabuuti.

Karikani B'aai 42:6

Ao e kakabonakoi taian uita Ioteb'a are te kowana i Aikubita nakoia aomata ni kabane ake a roko man taabo nako n te aonnaba. Ma ngaia are, a roko naba tarina akekei, ao a bobaraaki i matana nako aontano.

Karikani B'aai 44:18

Ao e waerake Iuta nakon Ioteb'a ao e taku, “Taiaoka Nao, kariaia b'a N na inaomata n taetae ma ngkoe. Tai un irou, b'a bon ti te arona ngkoe ma te uea.

Karikani B'aai 48:16

E bia kakab'aiaia te anera are e kamaiuai man taian kangaanga ni kabane. E bia maiu arau ma aran Aberaam, ao Itaaka i nanoia ataei ni mm'aane aikai. A bia m'aiti natiia, ma aia kariki.”

1.Uea 8:50

Kab'arai aia bure, e aoria ngkana tao e a m'aiti aia bure nakoim. Karaoia aia kairiribai ake a taenikai irouia b'a a na manga karaoa te akoi nakoia.

Taian Areru 22:24

E aki ribaia ke ni kaaki taekaia akana kananoanga n aia tai n rawaawata; E aki tan nako mai rouia, ma E ongo irouia ngkana a tangira buokaia mai Rouna.

Taian Areru 37:40

E buokiia ao E kamaiuia; E kamaiuia mairouia akana buakaka, b'a kioina ngkai a karabaia i rouna.

Taeka n Rabakau 16:7

Ngkana ti kakukureia te UEA ao a na bon kan raoraoniira naba ara kairiribai.

Taeka n Rabakau 2:6

A bane n roko taian wanawana mairoun te UEA ao ai uana naba ma te iangoraoi ao te ataib'ai.

Taeka n Rabakau 3:4

E na tangiriko te Atua ma aomata ao a na atongko b'a ko tokanikai.

Ieremia 39:12

“Kakaaea Ieremia ao kaawakinna raoi. Karaua tararuaia ao karaoi b'aai ni kabane akana e tangiri.”

2.Timoteo 4:18

E na boni kainaomataai te Uea man aaro nako aika bubuaka, ao E na kamaiuai ma ni karinai i nanoni ueana are i karawa. Bon ana b'ai te neboaki n aki totoki. Amen.

Iakobo 5:11

Noria, ti taku b'a a kab'aia ake a nanom'aka. Kam a tia n ongo nanom'aakan Iobi, ao kam ata aron te Uea n tabeakinna n tokina. B'a moan te nanoanga te Uea, ao E akoi.

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.