M'akuri 6:5 - Te B'aib'ara

⁵ A bane ni kukurei n te taeka arei te koraki arei; ao a rinea ngkanne Tetebano, ae te aomata ae te tia onimaki ni koaua ao e on n te Tamnei are Raoiroi; a rinea naba Biribo, ma Berokoro, ma Nikanora, ma Timon, ma Baremena, ma Nikorao ae te I-Antioka ae tiaki te I-Iutaia, ma e a tia n rairaki nakon te Aro n Iutaia.

M'akuri 6:5 Iomraidhean Croise

Karikani B'aai 41:37

Ao a kariaia te iango anne te uea ma ana aobitia,

Taeka n Rabakau 15:1

E karaua te nano ae e un te kaeka ae e nanorinano, ma a kakiriweea te nano taeka aika a kaebuebu.

Taeka n Rabakau 15:23

E boni kakukureia aomata nako te anga te taeka n te tai ae e riai.

Mika 3:8

Ma ngai bon irou, E a tia ni karina tamneina ao korakorana te UEA irou, ao E anganai ataakin te eti ao te ninikoria ni kan tuangiia Iteraera aroia aika a bure.

Mataio 23:15

A na reke kaimi, taani koroboki ma B'aritaio, aika taani m'am'ana-te-aba! B'a kam ri nanoni marawa ao kam ri aon te aba b'a kam na anaa nanon te aomata nakon ami koaua; ao ngkana e reke, ao kam karaoa ae e na reke iai uoua aron taun teuanne n riki b'a kaaini Keenna n ai aromi.

M'akuri 11:19

A kauamaaeaki nako taan onimaki n tain te b'ainikirinaki are e mate iai Tetebano. Iai ake a nako n toki i Boinike, ao i Kubero, ao i Antioka, ao a tataekina ana taeka te Atua nakoia ti I-Iutaia.

M'akuri 11:20

Ma iai taan onimaki tem'angina aika I-Kubero, ao I-Kurene, ake a nako Antioka ao a tataekina te UEA are Iesu nakoia I-Erene naba.

M'akuri 11:22

A ongo taekaia uakekei kaain te ekaretia i Ierutarem, ma ngaia are a kanakoa B'arenaba b'a e na nako Antioka.

M'akuri 11:24

B'a te aomata ae e raoiroi B'arenaba, ao e on n te Tamnei are Raoiroi, ao bon te tia onimaki ni koaua. Ao a bati aomata ake a tib'a onimakina te UEA.

M'akuri 11:26

Ao ngke e reke i rouna, ao e kairiia nako Antioka. Teuana aia ririki ni bobotaki ma kaain te ekaretia ikekei, ao a reireia aomata aika bati. Antioka bon te tabo are a moa n atongaki iai taan onimaki b'a Kristian.

M'akuri 11:27

Ni boong akekei ao a roko i Antioka burabeti mai Ierutarem.

M'akuri 13:1

Iai burabeti ma taan reirei aika mena n te ekaretia i Antioka, aika B'arenaba, ma Timeon are arana teuana Nikera, ao Roukio are te I-Kurene, ao Manaen are kaikawaki ma Erote are te tia tautaeka, ao Tauro.

M'akuri 15:22

E tara n raoiroi nakoia taan tuatua ma unimm'aane ma kaain te ekaretia ni kabane b'a a na kanakoia aomata aika rineaki mai buakoia nako Antioka, b'a raoni B'auro ma B'arenaba. A rinea ngkanne Tira ao Iuta are arana teuana Baretaba, aika aomata aika rangi n onimakinaki i buakoia taari.

M'akuri 2:4

A bane ni kaonaki n te Tamnei are Raoiroi, ao a taetae n taetaen aaba tabeua, n ai aron are E anganiia te Tamnei b'a a na taetae iai.

M'akuri 21:8

Ao n te bong are i mwina, ti nako ao ti roko i Kaitareia; ti rin n ana auti Biribo are te tia tataekina te euangkerio, are temanna i buakoia uake itiman ngkoa; ao ti tiku i rouna.

M'akuri 22:20

ao ngke e tiringaki Tetebano are e tataetae i bukim, ao ngai naba are I tei ni kakoauaa b'a e bon riai matena, ao I kawakini kunnikaiia ake a kamatea.”

M'akuri 6:10

Ma a aki kona ni kaitaraa Tetebano n aia taeka i bukina b'a E a tia te Tamnei are Raoiroi n anganna te rabakau n taetae.

M'akuri 6:3

Ma ngaia aei, taari, kam na rineia itiman i buakomi aika kakoauaki b'a a on n te Tamnei ma te rabakau, ao ti na katabeia n te m'akuri aei.

M'akuri 6:8

E rangi ni kakab'aiaki Tetebano iroun te Atua, ao e on n te m'aaka: e karaoi m'akuri ni kamimii aika ab'ab'aki ma kanikina i buakoia aomata.

M'akuri 7:1

Ao e taku aia mataniwi ibonga nakon Tetebano, “A koaua taeka akanne?”

Te Kaotioti 2:15

Ao bon iai naba i roum tem'angina ake a tou mwin aia reirei te koraki ake raon Nikorao n te aro naba anne.

Te Kaotioti 2:6

Ma iai arom aei: ko ribai aia m'akuri raon Nikorao, ake m'akuri ake I ribaai naba.