M'akuri 6:4 - Te B'aib'ara

⁴ Ao ngaira ti na kabanei riki ara tai n te tataro, ao n tabeakinan ana taeka te Atua.”

M'akuri 6:4 Iomraidhean Croise

Ruka 1:23

Ngke a bane bongin ana tai ni m'akuri Takaaria n te um'antabu, ao e oki nakoni mwengana.

M'akuri 1:14

A aki toki uakekei ni kabaneia ni kakaonimaki ni bobotaki n tatataro, ma aine, ma Nei Maria are tinan Iesu, ma tarin nako Iesu.

M'akuri 2:42

A botum'aka nakon reireiaia irouia taan tuatua, ao nakon aroia n i buokanib'ai; ao a kakaonimaki nakon iriran aia bobotaki n am'arake ma n tataro.

I-Rom 1:9

B'a te Atua bon te tia kakoauai au taeka, ao boni Ngaia ae I toro i rouna n tamneiu i bukin tataekinan euangkerion Natina, b'a I aki toki n uringngkami

1.I-Korinto 9:16

B'a ngkana I tataekina te euangkerio, ao bon akea bukin ae N na kamoamoa iai, b'a I katabeaki iai b'a I bon riai n tataekinna. E na reke kaiu ngkana I aki tataekina te euangkerio!

I-Biribi 1:4

ao n taai ni kabane ake I tataro iai i bukimi ni kabane, ao I tataro ma te kim'areirei,

I-Korote 2:1

B'a I tangiringkami b'a kam na ata arou ni kakorakoraai ni m'akuri i bukimi, i bukiia ake i Raorikeia, ao i bukiia naba aika m'aiti aika tuai n nora matau.

I-Korote 4:12

E kamauringkami Eb'abera, ae raomi, ae ana toro Kristo Iesu, ae e aki toki ni kakorakora n tatataro i bukimi b'a kam aonga n ata raoi te bae E tangiringkami iai te Atua b'a kam na karaoia, ao b'a kam na kabanea ni karaoia.

I-Korote 4:17

Ao kam na kangai nakon Arekibo, “Ko na tarataraa am m'akuri are ko anganaki i bukin te UEA, b'a ko na katia karaoana.”

2.Timoteo 4:2

ko na tataekina ana taeka te Atua, ao ko na kakorakorako ni karaoia i nanon te tai ae riai ke ae e aki; ko na kaoti aroia aomata aika buakaka nakoia, ko na boaiia, ao ko na kaungaia, n reireiia ma te taotaonaki n nano ni kabane.