M'akuri 5:39 - Te B'aib'ara

³⁹ ma ngkana mairoun te Atua, ao kam bon aki kona n urua aia botaki. Tai kumeia b'a kam kaawa n noraki iai b'a kam buakana te Atua. Ao a ira nanon ana taeka Kamariera.

M'akuri 5:39 Iomraidhean Croise

Karikani B'aai 24:50

Ao a kaeka Raab'an ma Betuera ao a taku, “Ngkai e bon roko te baei mairoun te UEA, ao bon akea ara b'ai ni baireia.

2.Tamuera 5:2

Ngke e bon uea naba ngkoa Tauro, ao ko bon kairiia naba ara botannaomata nakon te buaka. E a tia ni berita te UEA b'a ko na riki b'a te tia tautaekana Iteraera ma ni kaawakinna kaanga te tia kaawakintiibu.”

1.Uea 12:24

“Kam na aki nako ni buakaniia aomatan Iteraera-bon ami koraki. Nako okirii mwengami. Bon te UEA ngai, ao I bon kariki baikai.” Ao e ongo taeka Roboam ma ana taanga ni buaka, ao a okirii mwengaia.

2.Uea 19:22

Tennakeriba, ko taetae ni karereanti, ko takaarua, ao ko b'ainingareai, Ngai ae Atuan Iteraera ae e Tabu

Iobi 34:29

Ngkana e bon taku te Atua b'a akea te b'ai ae na karaoia, ao akea temanna ae kona n tiribureia. Ngkana E karaba matana, e na aki reke buokaia aomata.

Taeka n Rabakau 21:30

Kam bon aki konaa ni konaa te UEA e ngae ngkana e m'aiti ami atatai ke tera ami kawai.

Itaia 43:13

Bon te Atua Ngai ngkai ao n aki toki. Bon akea ae e konaa n rawei ngkami mai irou. ke n te tei i m'aain kawaiu.

Itaia 45:9

Iteraera, bon akea riaim b'a ko na kauntaeka ma te Tia Karikib'ai. Bon ti te m'angko te tano ngkoe ae ko borikaki iroun te tia karao m'angko. E aki konaa n titiraki te m'angko te tano, “E aera ngkai ko karaoai n te aekaki aei A anga taningau?”

Itaia 46:10

I a kaman taekin baika a na riki mai moana, i m'aain ae a riki. I kakoroa bukin au taeka

Taniera 4:35

E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

Mataio 16:18

Ao I taku nako im, b'a Betero ngkoe, ao N na katea au ekaretia i aon te b'aa aei; ao e na aki kona n ekianako m'aakan te mate.

Ruka 21:15

B'a Ngai ae N na anganingkami te wii ae ribinewe ma te rabakau, b'a a aonga n aki kona aiami n tuuki ao ni kakewei ami taeka.

M'akuri 11:17

Ma ngaia are, ngkana a anganaki aomata aika tiaki I-Iutaia te b'ai n tituaraoi iroun te Atua, ae ti te bo arona ma are E anganira, ngke ti onimakina te UEA are Iesu Kristo, ao antai ngai b'a N na tuka te Atua?

M'akuri 23:9

Ao e riki te takarua ae korakora; a teirake taani koroboki tem'angina ake raoia B'aritaio, ao a kauntaeka, ao a taku, “Akea aron teuaei ae buakaka ae ti kunea. E aki ngkoa ao tao e a tia n taetae nakoina te tamnei ke te anera!”

M'akuri 6:10

Ma a aki kona ni kaitaraa Tetebano n aia taeka i bukina b'a E a tia te Tamnei are Raoiroi n anganna te rabakau n taetae.

M'akuri 7:51

E reita nako ana taeka Tetebano ao e taku, “Aomata ngkami aika a matoatoa nanomi, n ai aron nanoia aomata aika aki onimakina te Atua; ao kam bonoti taningami n aki kan ongo ana taeka te Atua! Kam aki toki n rarawa ni kan ongo iroun te Tamnei are Raoiroi. Kam a manga karaoa naba are a karaoia ngkoa ami bakatibu!

M'akuri 9:5

E kaeka Tauro ao e taku, “Te UEA, antai Ngkoe?” Ao E taku te UEA, “Bon Iesu Ngai ae ko b'ainikirinai,”

1.I-Korinto 1:25

B'a e rabakau riki nanobaban te Atua nakon rabakauia aomata; ao e korakora riki mamaran te Atua nakoni korakoraia aomata.

1.I-Korinto 10:22

Ke ti tangira ae E na un te UEA? Ti korakora riki nako Ina?