M'akuri 5:3 - Te B'aib'ara

³ E taku Betero nakoina, “Anania, e aera ngkai e anaaki nanom iroun Tatan b'a ko na kewe nakon te Tamnei are Raoiroi, ao b'a ko na taua teutana man te m'ane are boon te aba?

M'akuri 5:3 Iomraidhean Croise

Iobi 22:13

Ma kam taku, “B'a tera ae na ataia te Atua? E aki kona ni motika taekan temanna b'a a raba matana n taian nang aika rotongitong.

Taeka n Rabakau 20:25

Ko na aki b'aka nako nanon te b'ainikam'ane n arom ni berita nakon te Atua ma te aki karaurau ni iango!

Te Minita 5:4

Te Atua e aki tangiriia aomata aika a nanobaba. Ma ngaia ae, ko na aki waeremwe ni kakoroa bukin am taeka ni berita nakon te Atua.

Itaia 29:15

ko a bon reke n te kaangaanga, ngkana ko kataia ni karabai am babaaire mai roun te UEA! Ke ngkana ko taku b'a a na aki konaa n nooraki baika ko karaoi n te roo.

Ieremia 23:24

i karawa ao i aon te aonnaba. Bon akea taabo aika a raba aika kam na konaa ni karabaingkami mairou.

Otea 11:12

E b'anga ni kewe Iteraera nako iu, Ngai ae Atuaia ae kakaonimaki ma n tabu; a otab'aniniai n aia kewe, ao e taromauri anti tabem'aang Iuta.

Warekaia Iteraera 30:2

Ngkana iai ane karaoa ana berita nakon te UEA, ao kam riai ni kakoroa bukin ami taeka.

Mataio 13:19

Ngkana e ongo taekan Uean te Atua te aomata ao e aki ata nanona, ao e roko iai teuare buakaka n anaa are e a tia n unikaki i nanona; aei te koraa are unikaki ri rarikin te kawai.

Ruka 22:3

Ao e rin Tatan i nanon Iuta are arana teuana Itekariota, are temanna i buakoia uake tengauni ma uoman.

Ioane 13:2

Ao ngke a am'arake, ngke e a tia te riaboro ni karina te iango i nanon Iuta, are natin Timon Itekariota, b'a e na kam'anea Iesu,

Ioane 13:27

I mwin te tai are e reke iroun Iuta iai te m'akoro ni kariki, ao e a rin naba Tatan i nanon Iuta. E taku ngkanne Iesu nakoina, “Tai tab'ara, karaoa ane ko nang karaoia.”

M'akuri 5:2

ao mani booia are reke, e taua teutana mai iai Anania, ao buna e ataia naba, ao e uota nikirana nakoia taan tuatua b'a a na kawakinna.

M'akuri 5:4

Ngke e tuai ni kaboaki, tiaki bon abam? Ao ngke e a tia ni kaboaki, ao tiaki b'a bon am b'ai m'anena? E aera ngkanne ngkai ko karekea i nanom b'a ko na karaoa aei? ko aki kewe nakoia aomata, ma ko kewe nakon te Atua!”

M'akuri 5:9

E taku ngkanne Betero nakoina, “E aera ngkai e bo nanom ma buum b'a kam na kataa Tamnein te UEA? Noria, a tei ngkai i matan te mataroa rorobuaka ake a tia n tauna buum, ao ane a na manga uotiko nako naba!”

Te Tua-Kaua 23:21

Kaain Iteraera, ngkana kam karaoa te berita ae tabu b'a kam na anga ami b'aintangira nakon te UEA, ao kam na karaoia naba n te tai ae waekoa, b'a ngkana E roko te UEA ni kakaea te b'aintangira are ko berita iai, ao ko na bure n urua te berita ngkana ko tuai n anga am b'aintangira.

Iakobo 4:7

Ma ngaia ae kam na irira nanon te Atua; ao kam na rarawa nakon te riaboro, ao ane e na biri nako mai roumi iai.

1.Betero 5:8

Kam na kamarurungngkami, ao b'aina te tatauraoi. B'a e aiwaa ami kairiribai are te riaboro n ai aron te raian ae bekorara, n ukoukora konana b'a e na ongnga.