M'akuri 5:27 - Te B'aib'ara

²⁷ Ao ngke a roko, ao a kateia i matan te Tanirim. Ao e kaekaia aia mataniwi ibonga ni kaangai,

M'akuri 5:27 Iomraidhean Croise

Mataio 5:22

ao Ngai I taku nako imi, b'a ane un nakon tarina, ao e na kateaki n te kabowi b'a e na baireaki taekana; ao ane kangai nakon tarina, Akea warem; ao e na tei i matan te Tanirim b'a e na baireaki taekana iai; ao ane atonga tarina b'a akea uaana ao e na motikaki taekana b'a e na teweaki nako n te ai are i moone.

Ruka 22:66

Ngke e a ngaina, ao a botaki aia unimm'aane aomata ma aia mataniwi ibonga ao taani koroboki; ao a kaira Iesu nakon aia kabowi, ao a kangai,

M'akuri 22:30

Ngke e a ingabong, ao e kan ata koauani bukin are e bukinaki iai B'auro irouia I-Iutaia teuare aia mataniwi tautia; ma ngaia are e kab'araa B'auro, ao e tuangiia ibonga ake mataniwi ma kaain te Tanirim ni kabaneia b'a a na botaki; ao e kaira rio B'auro, ao e kaaki i mataia.

M'akuri 4:7

A kateia taan tuatua i mataia, ao a titirakiniia ni kaangai, “N te m'aaka ra, ke n te ara ra ae kam karaoa iai te baerei?”

M'akuri 5:21

Ao ngke a tia n ongo aei, ao a rin n te Tembora, ngke e a tib'a moa n ingabong, ao a reirei iai. Ao e roko aia mataniwi ibonga ma raona nako, ao a weteia aia unimm'aane tibun Iteraera i bukini karaoan aia kabowi are te Tanirim, ao a kanaanako nakon te karabuuti b'a a na kairaki taan tuatua nakoia.

M'akuri 5:34

Ma e teirake te B'aritaio temanna ae kaain te Tanirim, ae arana Kamariera, ae te tia reirei taekan te tua, ae karineaki irouia aomata ni kabaneia, ao e tua b'a a na kaotinakoaki taan tuatua, ao a na tiku i tinaniku n te tai ae aki maan.

M'akuri 6:12

A kauniia aomata, ma unim'aane, ma taani koroboki, ao a taua Tetebano ma te matoa, ni kairia nakon te Tanirim;