M'akuri 5:19 - Te B'aib'ara

¹⁹ Ma ngke e a bong, ao e kauki mataroan nako te karabuuti ana anera te UEA, ao e kaotinakoia, ao e taku nakoia,

M'akuri 5:19 Iomraidhean Croise

Taian Areru 146:7

E kaeti raoi taekaia akana karawaawataaki, ao E anganganiia akana baki kanaia. E kainaomataia akana kabureaki te UEA

Taian Areru 34:7

A kakawakinaki akana karinea te UEA iroun ana anera, Ao e kamaiuia man taiani kaangaanga.

Itaia 61:1

E niniai Tamnein te UEA ae te Atua ao e taniai! E a tia n rineai te UEA ao e kanakoai b'a N na tuangiia ake a karawaawataaki te rongorongo ae e raoiroi, ao ni kamaiuia aika a uruaki nanoia, ao ni katanoata nakoia taekan te kainaomataaki nakoia buure nako ao taenikai nako.

Taniera 3:28

Ao e taku te uea, “Neboa Atuaia Tiateraka ma Metiaka ao Abeteneko! E a tia ni kanakoa ana anera ni kamaiuia Ana aomata aika a toro i rouna ma ni kakoaua. A kukurei n anga riki rab'ataia nakon te kamateaki nakon ae a na bobaraaki n taromauria te anti temanna i rarikin Atuaia.

Mataio 1:20

Ma ngke e iangoa aei, ao noria, e kaoti ana anera te Atua nako ina n te mii, ao e kangai, “Ioteb'a, ae natin Tawita, tai maaku n anaa Nei Maria b'a buum: b'a E riki te baere i nanoni birotona mairoun te Tamnei are Raoiroi.

Mataio 1:24

Ngke e uti Ioteb'a mani matuuna, ao e karaoa are e tuangnga ana anera te Atua; ao e taanga ma Nei Maria,

Mataio 2:13

Ao i mwina ngke a tia n nako, ao noria, e kaoti ana anera te Atua nakon Ioteb'a n te mii, ao e taku, “Tei rake ao kaira te merimeri ma tinana ni biri nako Aikubita, ao mena iai ni karokoa tuangam i Rou; b'a ane e na ukoukora te merimeri Erote b'a e na kamatea.”

Mataio 2:19

Ngke e a tia ni mate Erote, ao noria, e kaoti ana anera te Uea nakon Ioteb'a n te mii, ao e kangai,

Mataio 28:2

Ao noria, e roko m'aeiein te aba ae korakora; b'a e ruo mai karawa ana anera te Atua, ao e roko ni karabinoa nako te atibu, ao e tekateka i aona.

Ruka 1:11

Ao e kaoti nako ina ana anera te Uea n tei man te angaatai n iteran te baonikarea are a kabuokaki iai karea ake a boiarara.

Ruka 2:9

E kaoti ana anera te Uea nako ia, ao e oota nako mimitongin te Atua ni katobibiia, ao a taonaki n te maaku.

M'akuri 10:3

Ngke tao te aoa tenua n te tanimaeaontaai, ao kanga e kamiiaki: e nora raoi ana anera te Atua b'a e rin n te tabo are e mena iai, ao e kaangai nakoina, “Korenerio!”

M'akuri 12:23

Ao e oreaki n te tai naba arei Erote iroun ana anera te Atua, b'a e aki angan te Atua te neboaki; ao e rangi ni baki rab'atana b'a e m'ata nanona, ao e mate n tokina.

M'akuri 16:26

Ao e a karina naba n roko m'aeiein te aba ae korakora, n te aro are e m'aeiei naba te tabo are e tei i aona te karabuuti; ao a bane n uki ngkekei naba mataroan te karabuuti, ao a b'ara kabaeaia buure ni kabaneia.

M'akuri 27:23

B'a e tei i rarikiu ngke e bong ana anera te Atua, are ana aomata naba ngai, ao are I tataromauria

M'akuri 8:26

E taetae ana anera te UEA nakoni Biribo, ao e kaangai, “Katauraoiko b'a ko na nako aiaki, nakon te kawai are wairio mai Ierutarem nako Kaata.” Aei te kawai n te rereua.