M'akuri 4:34 - Te B'aib'ara

³⁴ Akea i buakoia ae e kai nanona n te b'ai teuana: b'a ake iai abaia ma aia auti, a kabo nako, ao a uoti m'aneia,

M'akuri 4:34 Iomraidhean Croise

Mataio 19:21

E taku Iesu nako ina, “Ngkana ko kan riki ni moan te raoiroi, ao ko na nako ni kabo nako am b'ai akana iai i roum, ao booia, anganiia akana akea aia b'ai, ao ane na reke i roum iai am b'ai i karawa. Ao nako mai, irirai.”

Mareko 10:21

Ngke E taratara teuarei Iesu ao E tangiria, ao E taku nako ina, “Teuana te b'ai ae akea i roum. Naako, kabo nako am b'ai akana iai i roum; ao booia, anganiia akana akea aia b'ai, ao ane na reke i roum iai am b'ai i karawa; ao nako mai irirai.”

Ruka 12:33

Kam na kabo nako ami b'ai, ao anga m'aneia b'a b'ai n tituaraoi nakoia akana akea aia b'ai; kareke ami b'auti-ni-m'ane aika na aki riki ni m'ane, ma baika kakawaki aika na aki kona ni bane i karawa, ike e aki rooroko iai te tia iraa, ao e aki ururu b'aai iai te koa.

Ruka 16:9

Ao I taku nako imi, Kabonganai kaub'aimi aika b'ain te maiu aei b'a b'aini karekeaia raomi; ao ngkana a bane, ao ane kam na m'aneaki n akoaki ni ne ni maeka ake a aki mamauna.

Ruka 22:35

Ao E taku nako ia, “Ngke I kanakoingkami ma akea ami b'auti ni m'ane ao akea nen ami b'ai ma ami kauniwae, iai te b'ai ae kam kainanoia ae e aki reke i roumi?” Ao ngaiia, a kangai, Akea.

M'akuri 2:45

A kabo nako abaia ma aia b'ai nako, ao a tib'atib'ai booia nakoia ake a onimaki, ni kaeti ma kain nanon temanna ma temanna.

M'akuri 4:37

Iai abana ae e kaboa nako, ao e anga m'anena nakoia taan tuatua.

2.I-Korinto 8:14

b'a ngkai a bati ami b'ai n te tai aei, ao e raoiroi b'a kam na buokiia te koraki ake iai kainanoia; ao ngkana iai kainanomi, ao ngaiia a bati aia b'ai, ao a na manga buokingkami; ao a kaboraoaki aromi n te aro aei,

Te Tua-Kaua 2:7

E a tia te UEA ni buokiira i nanon ririki aika 40 aika a tia n nako ngke ti mena i nanon te rereua ae korakora aei. A tia n reke iroura b'ai ni kabane aika ti kainanoi, ao E a tia naba te UEA ni kakab'aiaira ma ni kakatotokanikaira ni b'aai ni kabane ake ti karaoi.

1.I-Tetaronike 4:12

Ao n te aro aei kam na kamoamoaki iai irouia aomata ake tiaki kaain te ekaretia, ao a na akea te bae kam na kainanoia.

1.Timoteo 6:19

ao n te aro aei a kaiko iai kaub'aia ae na riki b'a aaia ae e raoiroi i bukini boong aika na roko, b'a e aonga n reke i rouia te maiu ni koaua.

Iakobo 1:27

Aio te Aro ae itiaki ae aki kam'ara i matan te Atua ae te Tama: bon tararuaia akana a mate tamaia ma aine aika a mate buia ni kain nanoia; ao te kawakinna te aomata b'a e na aki baareka ni b'ain aon te aba.