M'akuri 4:31 - Te B'aib'ara

³¹ Ngke a tia n tataro ni bubuti, ao e m'aeiei te tabo are a botaki iai; ao a bane ni kaonaki n te Tamnei are Raoiroi, ao a tataekina ana taeka te Atua ma te ninikoria.

M'akuri 4:31 Iomraidhean Croise

Itaia 65:24

Im'ain tokin aia tataro, ao N na kaekai aia tataro.

Mataio 21:22

Ao te b'ai ane kam bubuti n te tataro, e na reke nako imi, ngkana iai ami onimaki.”

Ioane 14:12

Bon te koaua ni koaua ae I a tuangngkami b'a ane onimakinai ao e na karaoi m'akuri aika I karaoi; ao e na karaoi m'akuri aika ab'ab'aki riki, i bukina b'a N na nako n Tamau.

Ioane 15:16

Kam aki rineai; ma I rineingkami, ao I bairei ami m'akuri, b'a kam na nako ni kariki uaa aika bati, ao a na aki mauna uaami; ma ngaia are ngkana iai te bae kam butiia iai Tamau n arau, ao E na anganingkami.

Ioane 15:7

Ngkana kam teimatoa n nim ma Ngai, ao a tiku au taeka i nanomi, ao kam na bubuti baika kam tangiri, ao a na reke iroumi.

M'akuri 14:3

Ma ngaia are, a kamaniia B'auro ma B'arenaba ni maeka i Ikonio, n tataekina taekan te UEA ma te ninikoria. Ngke a karaoa aei, ao a anganaki iroun te UEA te kona ni karaoi kanikina ma m'akuri ni kamimii b'a ana b'ai ni kakoaua i bukin aia taeka are a taekinna i bukin ana akoi b'a e koaua.

M'akuri 2:1

Ngke e roko te bong are Bentekota, ao a bane ni botaki ake a onimakina Iesu n te tabo ae ti teuana.

M'akuri 2:2

Ao e rina n roko te neaa mai karawa, ae kanga ai aroni karongoaan ukin te ang ae baibati, ao e kaona nanon te auti are a tekateka iai.

M'akuri 2:4

A bane ni kaonaki n te Tamnei are Raoiroi, ao a taetae n taetaen aaba tabeua, n ai aron are E anganiia te Tamnei b'a a na taetae iai.

M'akuri 4:13

A mimi te koraki arei ngke a nora aroni Betero ma Ioane n ninikoria, ao ngke a ataiia b'a aomata n aki reireiaki. A ataiia ngkanne b'a a memena iroun Iesu ngkoa.

M'akuri 4:29

Ao ngkai, te UEA, Ko na tarai aroia n iowawa; ao Ko na anganiia am toro te ninikoria b'a a na taekina am taeka.

I-Biribi 1:14

Ao e riki kabaeakiu b'a kakorakoraan aia kaantaninga m'aitiia taari n aroia n reitaki ma te UEA, ao a rikirake n rangi n ninikoria n taekina ana taeka te Atua.

I-Biribi 1:20

n ai aron nanou ae korakora ma au kaantaninga b'a N na aki mamaa n te b'ai teuana, ma N na rangi n ninikoria n taetae n ai aron aroarou n taai nako ao ngkai naba, ni kaota neboakini Kristo n rab'atau, tao ni maiu ke ni mateu.

Iakobo 1:5

Ngkana akea ana rabakau temanna i buakomi, ao e na butiia te Atua ae tituaraoi, ae kukurei n anganganiia aomata ni kabaneia, ao e na bon anganaki.