M'akuri 4:28 - Te B'aib'ara

²⁸ B'a a na karaoi b'aai ni kabane ake Ko a tia ni bairei ni m'aakam ma nanom b'a a na karaoaki.

M'akuri 4:28 Iomraidhean Croise

Karikani B'aai 50:20

Kam kam'aneai, ma E a tia n rairia te Atua nakon te b'ai ae e raoiroi, b'a aonga ni kaawakinaki maiuia aomata aika m'aiti aika maiu n te bong aei man te b'ai are a tia n riki.

Iobi 12:13

ma bon te Atua boton te rabakau ma te korakora.

Taian Areru 76:10

Ko karikiia aomata aika unun b'a a na kabatia riki kamoamoaam; ao naake a kamaiuaki n te buaka ana kateimatoa am toa.

Taeka n Rabakau 21:30

Kam bon aki konaa ni konaa te UEA e ngae ngkana e m'aiti ami atatai ke tera ami kawai.

Itaia 14:24

E a tia ni karaoa te berita aei te UEA ae Moan te M'aaka: A na koro bukin b'aai nako aika a I a tia ni baairei n aron are I taekinna.

Itaia 28:29

E roko te ataib'ai aei mai roun te UEA ae Moan te M'aaka are iai rabakauna ae moan te korakora.

Itaia 37:26

Ko na ongora, ngkai Tennakeriba Irou, Ngai ae te UEA. I baairea te b'ai aei man taai aika a nako. Ao ko tuai man ataia ae bon ti Ngai ni baaireia b'a ngkoe ae ko na karaoi b'aai aikai. I karaoiko b'a ko na urui kaawa aika a buubura.

Itaia 40:13

Iai mairoumi ae e a tia n tuanga te UEA ke n tuangnga te b'ai ae e na karaoia ke ni kaetia?

Itaia 46:10

I a kaman taekin baika a na riki mai moana, i m'aain ae a riki. I kakoroa bukin au taeka

Itaia 5:19

Ao kam taku, “Ke e kawaekoaa Atuan Iteraera ae e tabu ni karaoa te b'ai are e a tia ni berita iai, b'a ti aonga ni bon nooria ngaira.”

Itaia 53:10

E motikia te UEA b'a e na karawaawataaki ana tia m'akuri b'a te karea i bukin kab'araan te bure ao te kaairua i bukiia tabem'aang. Ngkai e na maiu te tia m'akuri b'a e na nooria ake oin ana kariki. E karaoi b'aai ni kabane ake E a tia ni baaireaia te UEA.

Mataio 26:24

E ira nanon taekana Natin te Aomata n ai aron are e koreaki i bukina; ma e na reke kain te aomata are kam'anea Natin te Aomata! E raoiroi riki iroun te aomata anne ngke tao e aki bungiaki.”

Mataio 26:54

Ao e na kanga ngkanne ni kakoauaki te B'aib'ara are taku b'a e riai b'a a na roko baikai?”

Ruka 22:22

B'a E na waki nako Natin te Aomata nakoni kawaina are katauana; ma e na reke kain te aomata are E kam'aneaki i rouna!”

M'akuri 2:23

E a kaman tia ni baireia te Atua, ao E a kaman ataia naba, ae E na tauaki Iesu nakoimi, ao kam kamatea, b'a kam anga nako nanoni baiia aomata aika riri aon te tua, b'a a na tauria n te kaibangaki;

M'akuri 3:18

Ma te Atua are E a kaman tataekinna ni wiia burabeti ni kabane ae E na kamarakaki ana Kristo, E a kakoroa bukina n te aro aei.

I-Ebeto 1:11

A bane b'aai nako ni karaoaki n ai aron nanon te Atua ma ana babaire; ao E a tia te Atua n rineira b'a ana aomata, ngkai ti katiteuanaki ma Kristo, i bukin oin nanona n ai aron are E a kaman tia ni baireia ma ngkoa mani moan rikini b'aai;

Ebera 6:17

Ma ngaia aei, b'a te Atua ngke E kani kaota raoi nakoia taani b'aib'ai n te taeka n akoi b'a E aki kona ni bita nanona are iai, ao E kamatoa ana taeka n akoi n te taeka ni berita,