M'akuri 4:1 - Te B'aib'ara

¹ Ngke a tabe n taetae Betero ma Ioane nakoia aomata, ao a roko naba ibonga ma aia mataniwi bureitimanin te Tembora, ma Tarukaio, i rouia.

M'akuri 4:1 Iomraidhean Croise

Mataio 16:12

A ataia ngkanne b'a E aki tuangiia b'a a na kawakinia man te iti are b'ain te kariki, ma a na kawakinia man aia reirei B'aritaio ma Tarukaio.

Mataio 22:16

A kanakoia aia reirei nako Ina, ao raoia aomata tem'angina ake kaain ana botaki Erote. A taku, “Te Tia Reirei, ti ataiko b'a Ko taekina te koaua, ao Ko reirei taekan aron te Atua i bukiia aomata, ao Ko aki mutiakin aroia aomata, b'a Ko aki nanonano n aron taraakin aroia aomata.

Mataio 27:20

A kairoroia aomata ibonga ake mataniwi ma unimm'aane b'a a na bubuti B'arab'a, ao a na tua b'a E na kamateaki Iesu.

Mataio 27:41

Ao ai aroia naba ibonga ake mataniwi, ma taani koroboki, ma unimm'aane a kakanikoa Iesu ni kangai,

Mataio 3:7

Ngke e noriia B'aritaio ma Tarukaio aika bati Ioane b'a a roko b'a a na b'abetitoaki, ao e taku nako ia, “Ngkami aika buniia naeta, antai ae tuangngkami b'a kam na biri nako man te un are a kan roko?

Ruka 20:1

N te bong teuana, ngke E reireiia aomata Iesu ao E tataekina taekan te euangkerio nako ia i nanon te um'antabu, ao a nako Ina ibonga ake mataniwi ma taani koroboki, ma unimm'aane,

Ruka 22:4

E nako ni kabowi ma ibonga ake mataniwi ma aia mataniwi bureitiman n te um'antabu b'a e na iranna ni kam'anea Iesu nako ia.

Ioane 15:20

Kam na uringa te taeka are I atongnga nakoimi are kaangai, ‘E aki kakannato riki te toro nakon ana uea.’ Ngke a b'ainikirinai, ao a na boni b'ainikiriningkami naba; ngke a ongeaba nakon au taeka, ao a na bon ongeaba naba nakon ami taeka.

Ioane 18:3

Ma ngaia are, ngke a roko i rouna tautia tabem'aang ma bureitimanin te Tembora ake a kanakoaki irouia ibonga ma B'aritaio, ao e kairia nakon te ne n aroka, ma uotaia taura ma ooi ma b'ai ni buaka.

M'akuri 4:6

e roko naba Annati are aia mataniwi ibonga, ma Kaiaba, ma Ioane, ma Arekantero, ma tem'angina riki ake kaain ana utu aia mataniwi ibonga.

M'akuri 5:17

E rangi ni bakantang aia mataniwi ibonga ma raona ni kabaneia, aika kaain te botaki n Tarukaio;

M'akuri 5:24

Ngke e ongo taeka akekei aia mataniwi bureitimanin te Tembora, ma ibonga ake mataniwi, ao a nanokokoraki iai, b'a e na kanga n riki te baerei.

M'akuri 5:26

E nako ngkanne aia mataniwi bureitimanin te Tembora ma raona ake bureitiman naba, ao a kairiia taan tuatua n aki tauia ma te matoa, b'a a makuia aomata, b'a a kaawa ni karebanaki.

M'akuri 6:12

A kauniia aomata, ma unim'aane, ma taani koroboki, ao a taua Tetebano ma te matoa, ni kairia nakon te Tanirim;

M'akuri 6:7

E buta nako ana taeka te Atua, ao a bati riki ake a ongo ao a onimaki: a kabatiaki m'aitiia aomata ake a onimaki i Ierutarem, ao a m'aiti aia koraki ibonga ake a butim'aea taekan te euangkerio.