M'akuri 3:21 - Te B'aib'ara

²¹ E riai tikuna i karawa ni karokoa te tai are a bane iai b'aai nako ni kaokaki nakon aroia ngke a moa ni karikaki, n aron are E taekinna te Atua ni wiia burabeti ake ngkoa, ake a tia ni kabane maiuia i bukina.

M'akuri 3:21 Iomraidhean Croise

Itaia 1:26

Ierutarem, N na rinea te tia motikitaeka ao te tia iango aika ai aron ake mai m'aaina. Arami ae e boou bon “Te Eti ma te Kakaonimaki.”

Ruka 1:70

N ai aron are E taekinna ni wiia ana burabeti ake a raoiroi ake a maiu ngkoa:

M'akuri 1:11

ao a taku, “Mm'aane aika I-Kariraia, kam aera ngkai kam tei n tara rake nako karawa? Iesu aei, are uotaki rake mai roumi nako karawa, E na manga nako mai n te aro ae ti te bo naba ma aron ae kam noria iai ngkai, ngkae E nako karawa.”

M'akuri 10:43

A bane burabeti ni kaotiota taekan Iesu, b'a ane onimakinna ao e na reke i rouna kab'aran ana bure n arana.

M'akuri 3:19

Ma ngaia ae kam na raraoma, ao rairi nanomi b'a a aonga ni kamaunaki ami bure,

M'akuri 3:20

ao b'a a aonga n roko boong aika kamaiu mairoun te UEA; ao E aonga ni kanakomaia te Kristo are Iesu, are E a kaman rineia i bukimi.

I-Rom 8:21

b'a a na kainaomataki man te mka are a na bane n roko iai, ao a na karekea te aro n inaomata ae akea n ai arona are aia b'ai natin te Atua.

Ebera 1:1

N taai ake ngkoangkoa ao te Atua E taetae nakoia ara bakatibu irouia burabeti n te tai teuana ma teuana, ao n aaro aika bati;

2.Betero 1:21

b'a bon akea te taetae ni burabeti ae roko n te tai teuana man oin nanon te aomata; ma aomata a taekina te taeka are roko mairoun te Atua, ni kairaia iroun te Tamnei are Raoiroi.

2.Betero 3:2

b'a kam aonga n uringi taeka ake a taekinaki ngkoa i rouia burabeti ake ana aomata te Atua, ao b'a kam aonga n uringi naba ana tua te Uea are te Tia Kamaiu, are te tua are taekinaki nakoimi irouia taan tuatua.

Te Kaotioti 18:20

Ko na kim'areirei, karawa, n te b'ai ae riki nakoina; ao kam na kim'areirei naba ngkami aika kam itiaki, ma taan tuatua, ma burabeti: b'a E karekei kaina te Atua i bukin te baere e karaoi nakoimi.

Te Kaotioti 22:6

Ao e taku te anera nako iu, “A kona n onimakinaki taeka aikai b'a a koaua. Ao te Uea, ae Atuan tamneia burabeti E kanakoa ana anera b'a e na kaoti nakoia ana toro baika na waetata n roko.”