M'akuri 3:10 - Te B'aib'ara

¹⁰ ao a ataia b'a bon teuare tetekateka ni bububuti n te mataroa are arana Tamaroa, are te mataroa n rin nakon te Tembora; ao a bon rangi ni mimi n te baere e riki nakoina.

M'akuri 3:10 Iomraidhean Croise

Mataio 14:35

Ao ngke E kinaki Iesu irouia aomata ake kaain te tabo arei, ao a kanakoa aia rongorongo ni kabuta te aba arei, ao a kabaneia ake a aoraki n uotiia nako Ina.

Ruka 4:36

A bane ni mimi aomata ao a i taetae i rouia ni kangai, “Te aeka n taeka tera te baei? B'a n ana konaa ao ni m'aakana, ao E tuangiia anti aika kam'araa b'a a na oti nako, ao a ongo i Rouna.!”

Ruka 9:43

Ao a bane ni mimi ni m'aakan te Atua. Ao ngke a bane ni mimii aomata ni b'aai ni kabane ake E karaoi Iesu, ao E taku nakoia ana reirei,

Ioane 5:20

B'a E tangira te Nati te Tama, ao E kaoti ana m'akuri ni kabane nakoina, ao ane E na kaoti riki nakoina m'akuri aika ab'ab'aki riki b'a kam aonga ni mimi.

Ioane 9:3

E kaekaia Iesu ao E taku, “E aki bungiaki ni mataki i bukin ana bure ke aia bure ana karo, ma e mataki b'a a aonga ni kaotaki ana m'akuri te Atua i rouna.

Ioane 9:8

A taku ngkanne raona ma aomata ake a noria rimoa ngke e bububuti, “Tiaki teuaei are tetekateka ni bububuti?”

M'akuri 2:12

Ao a bane ni mimi ma ni minotaki aia iango, ao a i titiraki i rouia ni kaangai, “Tera nanon te baei?”

M'akuri 2:7

A bon rangi ni mimi i rouia, ma ngaia are a kaangai, Noria, tiaki I-Kariraia uaakai ni kabaneia aika taetae?

M'akuri 3:2

Ao e uotaki te aomata temanna ae e a kamani m'auku mai nanoni biroton tinana, ae kaweweneaki n te bong ae koraki n te mataroa are arana Tamaroa, are te mataroa n rin nakon te Tembora, b'a e na bubuti b'aai n tituaraoi mairouia aomata aika rin n te Tembora.