M'akuri 3:1 - Te B'aib'ara

¹ Ao e nako n te Tembora Betero ma Ioane n tain te tataro are te aoa tenua n te tanimaeaontaai.

M'akuri 3:1 Iomraidhean Croise

1.Uea 18:36

Ao ngke e a bo tain te angakarea n te tairiki, ao e tataro Eria ni kaangai: Ara UEA, Boni ngkoe Atuan Aberaam, Itaaka, ao Iteraera. Ko na kaotia raoi b'a boni ngkoe Atuan te botannaomata aei, ao ngai ae am toro I boni karaoa aei n am babaaire.

Taian Areru 55:17

I bunra rawawatan nanou nakoina n te ingabong ao n te tawanou ao n te tairiki, Ao E na ongo b'anaau.

Te Otinako 29:39

temanna n te ingabong ao temanna n te tairiki.

Taniera 6:10

Ao ngke e ataia Taniera b'a e a tia n tiainaaki te tua arei, ao e a nakoni mwengana. Ao iai wintoon ana auti ae e uki ni kaitaraa Ierutarem. Ao e nako ni katorobubua i matan te winto, ao e tataro nakon te Atua. E tataneiai n tataro tenua te tai n te bongina.

Taniera 9:21

Ngke I tabe n tataro, ao e kibarikaaki Kabiriera are I nooria ngkoa n te kaotioti are mai m'aiina, n roko nakon te tabo are I mena iai. E a boo tain te angakarea arei n te tairiki.

Warekaia Iteraera 28:4

Kam na anga are temanna n te ingabong, ao are temanna n te tairiki.

Mataio 17:1

I mwin onobong ao Iesu E wetea Betero, ma taari ake Iakobo ma Ioane, ao E kairiia nakon te maunga teuana ae rietaata, ao a tiku iai n ti ngaiia.

Mataio 26:37

E kaira Betero ma natin Tebetaio ake uoman b'a raona, ao E moanna n taonaki n te nanokawaki ma te rawawata ae bati.

Mataio 27:45

Ngke e a tawanou, ao e roo aon te aba ni kabane ni karokoa te aoa tenua n te tanimaeaontaai.

Ruka 1:10

Ao a tataro aomata aika bati i tinanikun te ruu are tabu ngke e kabuoki karea ake a boiarara Takaaria.

Ruka 18:10

A waerake aomata aika uoman nakon te um'antabu b'a a na tataro iai; temanna te B'aritaio, ao temanna te tia anai taekiti.

Ruka 22:8

Ma ngaia are E kanakoia Betero ma Ioane Iesu, ao E kangai, “Kam na nako ni katauraoa am'araken te Toa are te Riao i bukira, b'a ti na kanna.”

Ruka 24:53

ao a kabanei aia tai n te um'antabu, ni kakaraoiroa te Atua.

Ioane 21:7

Ao te reirei are E tangiria Iesu e taku ngkanne nakoni Betero, “Bon te Uea!” Ma ngaia are, ngke e ongo Timon Betero b'a te Uea, ao e kabaea i aona ana kabaraaki, b'a e a tia ni buuti kunnikaina, ao e ewe nako n te nama.

M'akuri 10:3

Ngke tao te aoa tenua n te tanimaeaontaai, ao kanga e kamiiaki: e nora raoi ana anera te Atua b'a e rin n te tabo are e mena iai, ao e kaangai nakoina, “Korenerio!”

M'akuri 10:30

Ao e taku Korenerio, “Tao n te tai naba aei tenua te bong n nako, ao I tabe n tataro n au auti n te aoa tenua n te tanimaeaontaai, ao akea b'a e tei te aomata temanna i matau ma kunnikaina ae raneanea,

M'akuri 2:46

A bobotaki n te Tembora ma te nano ae ti teuana ni katoa bong, ao a bobotaki n am'am'arake n aia auti nako, ao a kang kanaia ma te kukurei ao te nanoraoi,

M'akuri 3:3

Ngke e nora Betero ma Ioane b'a a nangi rin n te Tembora, ao e bubutiia aia b'ai n tituaraoi.

M'akuri 3:4

A katokai mataia Betero ma Ioane n taraia, ao e taku Betero nakoina, “Taraira!”

M'akuri 4:13

A mimi te koraki arei ngke a nora aroni Betero ma Ioane n ninikoria, ao ngke a ataiia b'a aomata n aki reireiaki. A ataiia ngkanne b'a a memena iroun Iesu ngkoa.

M'akuri 5:25

Ao e roko temanna, ao e tuangiia, ni kaangai, “Noria! Aomata ake kam kaakiia i nanon te karabuuti a tei i nanon te Tembora n reireiia aomata!”

M'akuri 8:14

Ngke a ongo taan tuatua ake a mena i Ierutarem b'a a onimakina ana taeka te Atua I-Taamaria, ao a kanakoa Betero ma Ioane nakoia;

I-Karatia 2:9

ao Iakobo, ma Keeb'a, ma Ioane, ake a atoatongaki b'a boua, ngke a ata ae E anganai te Atua te mwiokoaki aei, ao a anganai ma B'arenaba angaataia, ao ti iobai ma ngaiia, b'a kaotan aroaro n iraorao ni mwiokoara, ngaira nakoia aomata aika tiaki I-Iutaia, ao ngaiia nakoia I-Iutaia.