M'akuri 26:20 - Te B'aib'ara

²⁰ ma I tuangiia moa I-Tamateko, ao rimwi I-Ierutarem ma I-Iutaia ni kabaneia, ma aomata naba ake tiaki I-Iutaia, b'a a na rairi nanoia n rairaki nakon te Atua, ao ni karaoi m'akuri aika a na kaotiia iai b'a a tia n rairi nanoia.

M'akuri 26:20 Iomraidhean Croise

Taian Areru 22:27

A na bane botannaomata nako i aonnaba n ururinga te UEA; A na bane botannaomata n rairaki nakoina n taromauria.

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Ieremia 18:11

Ma ngaia are, kam na ongo irou, ngkami aika kaain Iuta ao Ierutarem! I a tia n iangoia b'a N na oroingkami n te kabuanib'ai, ao N na aki manga bita nanou ni karokoa kam katoka ami bure ma ni moana maiumi ae e raoiroi.

Ieremia 35:15

Kam aki kan ongo irouia Au burabeti, aika a aki toki n taetae nako imi ni kaangai, “Katoka karaoan te m'akuri ae e buakaka ao taromauriaia anti tabem'aang! Moana ongotaekami i roun te UEA ao ane E na kamaiungkami n te aba aei are e anganiia ami bakatibu.”

B'aeb'aeti 3:40

Ti bon riai ni taratarai maiura, ao n okira te UEA.

Otea 12:6

Ma ngaia are, ko na okira Atuam. Onimakinna ma te taotaonaki n nano, ao kaota nakoina te tangira ma te eti.

Otea 14:2

Rairaki nakon te UEA ao kaangai, “Taiaoka ni kab'arai ara bure. Butim'aai ara karea aika a raoiroi i bukin ara nebo n onea mwiin taian kaom'aane.

Mataio 3:2

ao e taku, “Rairi nanomi, b'a e a kan roko Uean te Atua!”

Mataio 3:8

Kam na karaoi m'akuri aika na kaota ae kam a tia n rairi nanomi;

Mataio 4:17

Ao man te tai arei ao E moa n reirei Iesu, ao E taku, “Kam na rairi nanomi, b'a e a kan roko Uean te Atua!”

Mataio 9:13

Kam na nako n reireingkami b'a tera ae nanonaki n taeka aikai: ‘I tangira te nanoanga, ao I aki tangira te angakarea.’ B'a I aki roko b'a N na weteia akana raoiroi, ma I roko b'a N na weteia akana buakaka.”

Mareko 6:12

Ao uakekei a nako ao a reireiia aomata b'a a na rairi nanoia.

Ruka 1:16

Ane e na kaokiia Iteraera aika bati b'a a na manga ira nanon te Uea ae Atuaia,

Ruka 13:3

I taku nako imi, A aki! ma ngkana kam aki rairi nanomi, ao kam na bane ni mate n ai aroia.

Ruka 13:5

I tuangngkami, A aki; ma ngkana kam aki rairi nanomi, ao kam na bane ni mate n ai aroia.

Ruka 15:10

I taku nako imi, “B'a ai arona naba b'a e na iai te kim'areirei irouia ana anera te Atua i bukin te aomata ae buakaka ae ti temanna ae raira nanona.”

Ruka 15:7

I taku nako imi, b'a e na riki naba ae ai aron aei i karawa, ma e na m'aiti riki iai te kim'areirei i bukin te aomata ae buakaka ae ti temanna ae raira nanona, nakon te kim'areirei i bukiia aomata aika raoiroi aika ruangaun ma ruaman aika akea bureia aika riai n rairi nanoia iai.

M'akuri 11:18

Ngke a ongo baikekei, ao e toki aia kauntaeka; ao a karaoiroa te Atua, ni kaangai: “E anganiia naba aomata aika tiaki I-Iutaia te Atua rairan te nano nakon te maiu!”

M'akuri 15:19

Ma ngaia ae I taku ngai b'a ti na aki kumeia ake a rairaki nakon te Atua mai buakoia aomata ake tiaki I-Iutaia.

M'akuri 17:30

Ma ngaia ae E aki bairei taekaia aomata te Atua i nanon tain te babanga arei; ma E tuangiia aomata ngkai ni kabaneia n taabo nako b'a a na rairi nanoia,

M'akuri 2:38

Ao e taku Betero nakoia, “Rairi nanomi, ao kam na bane ni b'abetitoaki n aran Iesu Kristo i bukini kab'araan ami bure; ao kam na anganaki te b'ai n tituaraoi are te Tamnei are Raoiroi.

M'akuri 20:21

I kamatoa au taeka nakoia I-Iutaia ma I-Erene n tuangiia b'a a na rairi nanoia nakon te Atua, ao a na onimakina ara UEA are Iesu.

M'akuri 26:17

N na kamaiuko mairouia te botannaomata ae Iteraera ao mairouia aomata aika tiaki I-Iutaia, ake I kanakoko nakoia,

M'akuri 26:19

Ma ngaia are, te uea ae Akerib'a, I aki rawa nakon te baere kanga te mii are kaoti mai karawa;

M'akuri 3:19

Ma ngaia ae kam na raraoma, ao rairi nanomi b'a a aonga ni kamaunaki ami bure,

M'akuri 9:15

Ma E taku te UEA nakoina, “Ko na nako, b'a I a tia n rinea teuarei b'a e na m'akuri i buku: b'a e na tataekina arau ni kaotiotai nakoia aomata aika tuai n onimakina te Atua, ao nakoia uea ma te botannaomata ae Iteraera.

M'akuri 9:35

A bane n nora teuare kamaiuaki aomata ake a maeka i Rura ao i Tiaron, ao a riki b'a taan onimakina te UEA.

I-Rom 2:4

Ke ko aki rangi ni mutiakina ana ataataiaomata ae bati, ma taotaonan nanona, ma arona n aki kakaiun? Ao ko aki ata ana ataataiaomata te Atua b'a e kairiko nakon rairan nanom?

2.I-Korinto 3:16

Ma ngkana e rairaki te aomata nakon te UEA, ao e na uotaki nako te rabuna ni mata.

2.I-Korinto 7:10

B'a te rawawata are kaeti ma nanon te Atua e karika rairan te nano nakon te maiu, ao akea te nanokawaki ae na reke i mwina; ma rawawatan aon te aba e karika te mate.

I-Ebeto 4:17

Ma ngaia ae aei au taeka, ae I kamatoa nakoimi n reitaki ma nanon te UEA, b'a kam na tai manga katotongiia aomata aika tiaki I-Iutaia n aroni maiumi, ngkai a maiu ma aia iango aika akea bonganaia;

1.I-Tetaronike 1:9

A bane aomata n taekina aron rinra i buakomi, ma aromi ngke kam rairaki mani bouannanti nakon te Atua, n toro iroun te Atua ae maiu ae koaua,

Te Kaotioti 16:11

ao a taetaebuaka Atuani karawa i bukini marakiia ma kaboaia; ao a aki rairaki ni kitan aia m'akuri aika bubuaka.

Te Kaotioti 2:21

ao I anganna ana tai are e na raira nanona iai man arona ni wene ni bure, ma e rawa ni kan rairaki man arona ni wene ni bure.

Te Kaotioti 2:5

Ma ngaia ae ko na uringa te aro are ko b'aka mai iai, ao ko na raira nanom, ao karaoi m'akuri ake ko karaoi ngke ko moa n riki b'a te Kristian; ao ngkana ko aki, ao ae N na nako im, ao N na uota nako am kain-tei n taura mani nena.

Te Kaotioti 3:3

Ma ngaia ae ko na uringa aron are ko reireiaki iai ma are ko ongo; ao ko na taua, ao raira nanom. Ma ngaia aei, ngkana ko aki kamarurungko, ao ae N na nako im n ai aron te tia iraa, ao ane ko na bon aki ata te aoa ae N na roko iai i roum.