M'akuri 26:18 - Te B'aib'ara

¹⁸ b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

M'akuri 26:18 Iomraidhean Croise

Taian Areru 119:18

Kaure matau, b'a I aonga n taratarai koaua aika kamimii akana i nanon am Tua.

Taian Areru 146:8

Ao E kanorabaia akana mataki; e kakorakoraia akana a mamaara nanoia; E tangiria ana Aomata akana kakaonimaki ma n ongeaba i rouna.

Itaia 29:18

Ane a na konaa n ongo taningabono te b'ai ae e warekaki nakoia; ao ane a na kainaomataaki matakii ma n te maiu i nanon te rotongitong.

Itaia 32:3

Ao ane a na bane aomata aika iai mataia ni kaurei ma n taratara, ao a na kakauongo raoi aomata akana iai taningaia.

Itaia 35:5

Ane a na nooraki aika matakii, ao a na kamaiuaki aika a bonotaninga.

Itaia 42:16

N na kairiia aomata i aon taiani kawai aika a tuai atai; N na kaawakiniia i nanon te kawai aika a tuai man tootoua. E roo kawaia ao e aobuaka, ma n anga te oota b'a a aonga n aki toki waeia. Bon aei au berita ae e matoa.

Itaia 42:7

Kam na anga te noraaba nakoia aika a matakii; kam na kainaomataia buure man taian karabuuti aika a roo.

Itaia 43:8

Ikotiia au aomata. Bon iai mataia ao taningaia, ma a aki konaa n ongo ke n noraaba.

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 9:2

A tia n noora te oota aomata ake a tia n nakonako i nanon te roo. Ao a oota nako i aoia ni kabane aomata ake a maeka n te aba are te kabanea n rootongitong nuuna.

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Mataio 4:10

E taku ngkanne Iesu nako ina, “Naako akuu, Tatan! B'a e koreaki ae kangai, ‘Ko na taromauria te UEA ae Atuam, ao ko na toro i Rouna n ti Ngaia!’ ”

Mataio 4:16

A nora te oota ae te oota ae korakora aomata ake a tekateka n te roo; ao e kaoti te oota nakoia ake a tekateka i aban te mate ao i nuuna.”

Ruka 1:77

Ko na kaotia nakoia ana aomata b'a a na kamaiuaki iroun te Atua ni kab'araan aia bure.

Ruka 1:79

N anga te oota nakoia ake a mena n te roo ao n nuun te mate, ao te oota aei e na oota ao ni kairiira nakoni kawain te kamaiu.

Ruka 2:32

Ae te oota are na kaota nanom nakoia botannaomata ake Tientaire ao e na uota karineaia am aomata ake Iteraera.”

Ruka 24:45

Ao E buoki aia iango b'a a aonga n ata nanon are koreaki n te B'aib'ara;

Ruka 24:47

ao b'a e na tataekinaki rairan te nano ma kab'araani buure n arana i buakoia botannaomata ni kabaneia, ni moa n taekinaki mai Ierutarem.

Ruka 4:18

“E mena Tamnein te Uea i aou, i bukina b'a e a tia n rineai b'a N na tataekina te rongorongo ae raoiroi nakoia akana aki kaub'ai. E kanakoai b'a N na tuangiia ake a riki b'a taenikai kainaomataia, ao ake a mataki b'a a na manga noraba, ao ni kainaomataaki ni kabane ake a karawawataki iai,

Ioane 17:17

Ko na tabuia n am taeka aika koaua; te koaua am taeka.

Ioane 3:19

Ao aio te b'ai ae e motikaki taekan te aba iai: b'a e a roko te oota i aon te aba, ao aomata a tangira riki te roo nakon te oota, i bukina ngkai a bubuaka aia m'akuri.

Ioane 4:10

E kaeka Iesu ao E taku nakoina, “Ngke tao ko ata ana b'ai n tangira te Atua, ao Teuae kaangai ngkai nako im, Kaamai b'a N na moi, ao ko na kamani butiia, ao Ngaia E a anganiko naba iai te ran ni kamaiu.”

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

Ioane 8:12

E a manga taetae Iesu nakoia aomata, ao E taku, “Ngai te oota nakoia aomata i aonnaba. Ane irai, ao e na bon aki nakonako n te roo, ma e na reke i rouna te oota are na anganna te maiu.”

Ioane 9:39

Ao E taku Iesu, “I roko n te aonnaba aei ni kaeti b'aai: b'a a na noraba akana matakii, ao a na riki ni matakii akana noraba.”

Ioane 9:5

Ngkai I mena i aonnaba, ao te oota Ngai i bukin aonnaba.”

M'akuri 10:43

A bane burabeti ni kaotiota taekan Iesu, b'a ane onimakinna ao e na reke i rouna kab'aran ana bure n arana.

M'akuri 13:47

B'a boni ngaia are ti tuangaki iai iroun te UEA, ni kaangai, “I kateiko b'a te oota Ngkoe nakoia aomata aika aki onimakina te Atua, ao te kawai ni kamaiu nakoia aomata nako i aonnaba.”

M'akuri 15:9

ao E aki kakaokoroa arora ma ngaiia, ngke E kab'arai aia bure i bukin aia onimaki.

M'akuri 2:38

Ao e taku Betero nakoia, “Rairi nanomi, ao kam na bane ni b'abetitoaki n aran Iesu Kristo i bukini kab'araan ami bure; ao kam na anganaki te b'ai n tituaraoi are te Tamnei are Raoiroi.

M'akuri 20:21

I kamatoa au taeka nakoia I-Iutaia ma I-Erene n tuangiia b'a a na rairi nanoia nakon te Atua, ao a na onimakina ara UEA are Iesu.

M'akuri 20:32

Ao I anga ngkami ngkai nakon te Atua, ao nakon naba ana taeka n akoi, are kona ni kateimatoaingkami ma n anganingkami te kab'aia are E kawakinna i bukiia ake a kaitiakaki ni kabaneia.

M'akuri 26:19

Ma ngaia are, te uea ae Akerib'a, I aki rawa nakon te baere kanga te mii are kaoti mai karawa;

M'akuri 26:23

b'a E na maraki ni mate te Kristo, ao arona ngkae E na manga uti mai buakoia maate, b'a E na moani kaota te oota nakoia te botannaomata ae Iteraera ma aomata aika tiaki I-Iutaia.

M'akuri 3:19

Ma ngaia ae kam na raraoma, ao rairi nanomi b'a a aonga ni kamaunaki ami bure,

M'akuri 5:31

E neboia te Atua ni kaaki i rarikina b'a te Mataniwi Ngaia ao te Tia Kamaiu: b'a E aonga n reke nakoia Iteraera aia tai n rairi nanoia ao ni kab'araki aia bure.

I-Rom 8:17

Ao ngkana natina ngaira, ao bon taani b'aib'ai naba ngaira-taani b'aib'ai iroun te Atua, ao taan uaia ni b'aib'ai naba ma Kristo; b'a ngkai ti b'ainikirinaki ma Ngaia, ao ti na neboaki naba ma Ngaia.

1.I-Korinto 1:2

Nakon ana ekaretia te Atua are i Korinto, ake aomata ni kabaneia ake a kaitiakaki i nanoni Kristo Iesu, ake a rineaki b'a ana aomata te Atua, ma aomata ni kabaneia n taabo nako ake a taromauria ara UEA are Iesu Kristo, are aia UEA ma ngaira.

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

2.I-Korinto 4:4

b'a a a tia n rabunaki nanoia aomata aika tiaki taan onimaki iroun atuan te aonnaba aei, b'a a na aki nora ootan euangkerioni mimitongini Kristo, are katotongan te Atua.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

2.I-Korinto 6:14

Kam na tai reitaki ni m'akuri ma akana tiaki taan onimaki. B'a e na kanga ni buokanib'ai te raoiroi ma te buakaka? Ke e na kanga n i raorao te oota ma te roo?

I-Karatia 2:20

Ao ai tiaki ngai ae I maiu ngkai, ma Kristo ae maiu i nanou; ao arou ae I maiu iai n te rab'ata, I maiu n onimakinan Natin te Atua, are E tangirai, are E anga Ngaia i buku.

I-Karatia 3:14

b'a e aonga n reke kakab'aian Aberaam irouia aomata aika tiaki I-Iutaia irouni Kristo Iesu, ao b'a e aonga n reke iroura n te onimaki te Tamnei are e atongaki n te taeka n akoi.

I-Karatia 3:2

Ti aei te bae I kan ataia mai roumi, Kam anganaki te Tamnei i bukina ngke kam karaoi baika tangiraki n te Tua, ke i bukina ngke kam ongo taekan te euangkerio ao kam kakoauaa?

I-Ebeto 1:11

A bane b'aai nako ni karaoaki n ai aron nanon te Atua ma ana babaire; ao E a tia te Atua n rineira b'a ana aomata, ngkai ti katiteuanaki ma Kristo, i bukin oin nanona n ai aron are E a kaman tia ni baireia ma ngkoa mani moan rikini b'aai;

I-Ebeto 1:14

Ngkai ti anganaki te Tamnei ao ti aki nanokokoraki b'a a na bon reke iroura baike E a tia te Atua n taekin b'a E na anganiia ana aomata; ao n tokina E na anganiia ake ana b'ai te kainaomataaki man te bure, b'a e aonga ni kamoamoaki mimitongina.

I-Ebeto 1:18

ngkai a kaotaki matan nanomi b'a kam aonga n ataia b'a tera te kaantaninga n ana weewete, tera te kab'aia ae bati ae kamimii arona, are E na anganiia ake a itiaki;

I-Ebeto 1:7

are ti karekea te kainaomataaki i rouna n raraana are nanona b'a a kab'araki ara bure. Ai m'aitira ana akoi,

I-Ebeto 2:8

B'a kam kamaiuaki n te akoi i bukin te onimaki; ao tiaki mai roumi ae reke iai aei, ma bon ana b'ai n tituaraoi te Atua;

I-Ebeto 4:18

a roo nanoia, ao a riki n ianena man te maiu are mairoun te Atua i bukin te babanga are i rouia, are reke i bukini matoatoan nanoia.

I-Ebeto 5:11

Tai buokanib'ai n ana m'akuri te roo aika akea uaaia, ma kam na kaoti aroia;

I-Ebeto 5:14

b'a b'aai ni kabane aika kaotaki a riki b'a te oota. Ao aei bukin are atongaki ni kaangai: “Ko na uti, ngkoe ae ko matu, ao teirake mai buakoia maate, ao e na kaotako Kristo.”

I-Ebeto 5:8

B'a kanga te roo ngkami ngkoa, ma ngkai ai kanga te oota, ngkai kam a onimakina te UEA. Kam na nakonako n ai aroia natin te oota;

I-Ebeto 6:12

B'a ti aki buaka ma aomata, ma ti buaka ma uea, ma ake a korakora, ma taan tauu taekan aonnaba aika taan taua aron te roo aei, ma taian tamnei aika buakaka ake i aani karawa.

2.Timoteo 2:26

ao tao a na oki aia iango iai, ao a na maiu man ana b'ai ni kam'am'ane te riaboro, ngkai a tia n tauaki i rouna b'a konana ake e karaoia b'a a na karaoa nanona.

Ebera 10:10

ae ngaia ae a katabuaki iai maiura nakon te Atua b'a ana b'ai, ngke E anga rab'atana Iesu Kristo n ai aron nanon te Atua b'a te karea n te tai ae ti teuana ao akea riki.

Ebera 10:14

B'a n te karea ae ti teuana, ao E karaoia iai aika a tia ni kaitiakaki man aia bure b'a a na moa n raoiroi n aki toki.

Ebera 11:6

Ma ngkana akea te onimaki ao e aki kona te aomata ni kakukureia te Atua; b'a e bon riai iroun te aomata ane nako n te Atua ni kakoaua b'a bon iai te Atua ao boni Ngaia te tia karekea kaniwangaia te koraki aika kakorakoraia n ukoukoria.

Ebera 9:15

I bukin aei ngkanne, ao Kristo boni Ngaia ae buoka reken te boraraoi ae boou, are a kona iai te koraki ake a weteaki iroun te Atua ni kab'aib'aiaki n te kab'aia ae akea tokina, are E a tia te Atua n taekinna n ana taeka n akoi. E kona ni karaoaki aei i bukina b'a iai te mate are kainaomataia aomata man taiani bure ake a karaoi ngke bon iai te moa ni boraraoi.

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?

1.Betero 1:4

b'a a aonga n reke b'aai aika kawakinaki i bukira, aika b'aai aika aki kona ni mka, aika aki kam'ara, aika aki kona n rai, aika kawakinaki i karawa i bukimi,

1.Betero 2:25

B'a kam tiotio nako ngkoa n ai aroia tiibu; ma kam a oki ngkai nakon te Tia Kawakini maiumi ma te Tia Tararuai.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

1.Ioane 1:9

Ngkana ti kaoti ara bure, ao E kakaonimaki b'a E na boni kab'arai ara bure ma ni kaitiakiira man te buakaka ni kabanea ngkai E atataiaomata.

1.Ioane 2:12

Ataei aika kam uarereke, I koroboki nako imi, ngkai a a tia ni kab'araki ami bure i bukin arani Kristo.

1.Ioane 3:8

ane karaoa ae bure ao boni mairoun te riaboro, b'a e a kamani bubure te riaboro ma ngke a moa n riki b'aai. E karokoaki Natin te Atua i bukin aei, b'a E aonga n uru ana m'akuri nako te riaboro.

1.Ioane 5:19

Ti ataira b'a mairoun te Atua ngaira, ao aomata aika aomatan te aonnaba ae bubure a mena i aani m'aakan teuare buakaka.

Iuta 1:1

Mairoun Iuta, ae ana toro Iesu Kristo, ae tarin Iakobo, nakoia akana weteaki, akana tangiraki iroun te Atua ae te Tama, akana kawakinaki i bukin Iesu Kristo:

Te Kaotioti 21:27

Ao e na bon aki kona n rin i nanona te b'ai ae kam'ara, ke ane e karaoa ae riai ni bati n ribaaki ma ni b'ab'aina te kewe; ma a na rin iai ti te koraki ake a tia ni m'akoro araia ni bokin te maiu are ana b'ai te Tiibuteteei.