M'akuri 26:14 - Te B'aib'ara

¹⁴ Ngke ti bane ni b'aka i aontano, ao I ongo te b'ana ae kaangai nako iu n te taetae n Ebera, “Tauro, Tauro, e aera ngkai ko b'ainikirinai? E kangaanga i roum b'a ko na orei ni waem taboni kaai aika kakang!”

M'akuri 26:14 Iomraidhean Croise

Taeka n Rabakau 13:15

E neboaki te motinnano ae e raoiroi, ma i aoni kawaia nakon te kabuanib'ai aomata aika akea kanoan aia iango.

Tekaria 12:2

I a tia ni iangoia b'a e na riki Ierutarem b'a te boora ni wain ae e na kamangingia botannaomata nako akana i rarikina. Ao ngkana e roko buakanakin Ierutarem, e na buakanaki naba Iuta.

Tekaria 2:8

Ao i mwiin anne, e tuangai te UEA ae Moan te M'aaka ae e mimitong b'a N na taetae ni kaangai nakoia botannaomata ake a tia ni kurib'aia ma ni kimoaa Tion: E tamaroa Tion iroun te UEA ae kaanga matana. Ngkana iai te b'ai ae kam karaoia nakon Tion kam na boni karaoia naba nakoina.

M'akuri 21:40

Ao ngke e kariaia, ao e tei B'auro n te tabo n nakonako ni waerake, ao e taotaona baina nakoia aomata. Ngke ai bon akea naba teutana te karongoa, ao e taetae nakoia n te taetae n Ebera, ao e kaangai:

M'akuri 22:2

Ao ngke a ongo b'a e taetae nakoia n te taetae n Ebera, ao a kainab'aabu riki; ao e taku:

M'akuri 26:13

Te uea, i aoni kawaiu ni m'ananga, ngke e a tawanou, ao I nora te oota mai karawa ae raneanea riki ootana nakon ootan taai; e oota i rarikiu ma raou ni m'ananga.

M'akuri 26:15

Ao ngai I taku, “Te UEA, antai Ngkoe?” Ao E taku te UEA, “Iesu Ngai ae ko b'ainikirinai.

M'akuri 9:7

Ao a tei n aki karongoa uake raon Tauro ni m'ananga; a ongo te b'ana, ma akea te aomata ae a noria;

1.I-Korinto 10:22

Ke ti tangira ae E na un te UEA? Ti korakora riki nako Ina?