M'akuri 24:25 - Te B'aib'ara

²⁵ Ao ngke e kakarabakauakina taekan te raoiroi ma te taubaang ma te motiki-taeka are na roko, ao e taonaki n te maku ae bati Berika, ao e taku, “Ko na nako moa ngkai; ao ngkana e reke au tai, ao N na manga weteiko.”

M'akuri 24:25 Iomraidhean Croise

2.Tamuera 23:3

E taku nako iu Atuan Iakob'a Au b'a ae e korakora, E karaoa ae e raoiroi te tia tautaeka ae e ongotaeka nakon te Atua

1.Uea 21:27

Ao ngke e ongo aei Aaba, ao e raeuaaka ana kunnikai ao e karin i aona taiani baeki aika a mangaingai ni bong ao ni ngaina. E rawawata nanona ao e aki am'arake.

2.Uea 22:19

I namakina rawawatam ngke ko warekia ae e na kamaunaaki te aba aei ma kaaina ni kabane. Ko bon raeuaaka naba kunnikaim i bukin rawawatan nanom, ao I ongo b'anaam ngke ko tang.”

Etira 10:3

ngkana a manga ongotaeka n iri nanon taian taeka ao aia iango tekorakina aika a karinea ana tua te Atua ma te koaua. Ti na riai ni berita nakon te Atua b'a ti na raure ma aine aika Ianena ma ni kanakoia, ni ikotaki ma aia ataei.

Etira 10:9

I mwiin tenua te bong, n te kauabwi ni bong n te karuaiwa n nam'akaina, A bane n roko i Ierutarem aomata mai Iuta ao Beniamin ao a tekateka ni katawanangin te Tembora. Bon te kabowi ae e aki manikangare b'a a tekateka i aan te karau ikekei, ma n ruru ni mariri.

Iobi 29:14

I aki toki ni kakaraoa te eti ma te riai.

Taian Areru 11:7

E kaakaraoa ae e raoiroi te UEA, ao E tangira karaoan te motikitaeka ae eti A na noora matana akana karaoi m'akuri akanne.

Taian Areru 119:120

I ruru b'a I makuko: I maaku n am Moti.

Taian Areru 45:7

Ko tangira te maiu ae e raoiroi, ao ko riba ae buakaka. Ao anne bukin ae E rineiko iai te Atua, ae Atuam; Ao E karaoiko b'a ko na kukurei riki nakoia uea nako.

Taian Areru 72:2

B'a e aonga n tautaekaniia am Botannaomata n te eti, Ao n tau aroia am Aomata akana b'ainikirinaki n te babaire ae raoiroi.

Taian Areru 99:1

Ara UEA bon te king; ao a makua aomata; E tekateka i aon ana kaintokanuea are i aoia kerubim ao e m'ainging aon te aba.

Taeka n Rabakau 16:12

E karikia taan tautaeka b'a a na korakora ni karaoan ae e eti. A na riai n ribaa te buakaka

Te Minita 11:9

Ko riai ni kukurei ma ni kim'areirei n te maiu aei ngkai ko rikirake! Karaoa ae ko tangiria, ao kakaaea te kukurei n te b'ai ae ko nooria. Ma ko na tai m'aninga ae E na motika taekam te Atua ni b'aai ni kabane aika ko karaoi.

Te Minita 12:14

Te Atua, E na motikitaekan b'aai nako aika ti karaoi, e ngae ngkana ti karaoa te b'ai teuana ni karabaa, te b'ai ae e raoiroi ke ae e buakaka.

Te Minita 5:8

Ko na aki kubanako ngkana a kabuakakaaki aomata aika a maiu ni kainano i aon abam, ao e na oneaki mwiin te eti n te kaairua. A na riai ni karaoa te b'ai are a tuangaki mataniwi aika a rinano irouia ake a rietaata.

Itaia 1:18

Ngai, ae te UEA, ae I kaoingkami b'a kam na nakomai ma ni maroroakinna. A turu urauran ami bure, ao a na mainaina kaanga te tinoo ke buraen te tiibu.

Itaia 1:21

Ierutarem, ti te bo ngkoe ma te ainenum'a ae e aki kakaonimaki. A rangi n raoiroi ngkoa am taani Motikitaeka ao a maiuakina te raoiroi am aomata; ngkai ko a riki b'a te kaawa ae e buubura ae e on irouia taan tiriaomata.

Itaia 16:5

Ao i mwiina, e na tei abanuean te tangira, ao e na tautaeka ma te eti temanna man ana utu Tawita. E na karaoa ae e raoiroi mani uota te riai.

Itaia 32:11

Ruru ma ni maaku, ngkami aine aika kam aki tarab'ai! Buutii kunnikaimi ao karin kunnikai aika a raeraeaki.

Itaia 41:21

Bon te UEA Ngai ae Atuaia Iteraera! Nakomai kaetieti ma Ngai. Kaoti am b'ai ni kakoaua.

Itaia 55:6

Rairaki nakon te UEA! E boni konaa naba n reke. Weewetea te Atua! E kaan.

Itaia 61:8

I tangira te motikitaeka ae eti Ngai ae te UEA! Ma I ririibaa te kimoa ao te motibuaka. au Aomata, I kamatoa au berita nakoimi b'a N na anganingkami kaniwangami te boraraoi ae akea tokina.

Itaia 66:2

I a tia ni karaoi b'aai nako; ao anne aron rikiia ni kabane. Bon aei au taeka Ngai ae te UEA. Aomata ae I kawakinia riki bon aika nanorinano are a mena aia mwioko irou ao a ruru ngkana I taetae.

Ieremia 22:3

A a tia n riki aomata aika akea aia bure b'a konan ami m'akuri n tiritiri, ao tabeman mai buakoia a tia n tiringaki. Ma I tuangkami ngkai b'a kam na karaoa ae e raoiroi ao ni kakoaua b'a e karaoaki te motiraoi. Kamaiuia aomata nako akana a karawaawataaki n te motibuaka.

Ieremia 23:29

Au taeka bon te ai ae e korakora; bon te aama ae urui taiani b'a akanne.

Ieremia 36:16

Ao ngke a tia n ongo te b'ai are e koreaki i nanon te niira ni boki, ao a raraoma ao a taku bon irouia, “E na bae n tangiria te uea n ongora te b'ai aei!” Ao a rairaki nakon B'aruka, ao a titirakinna ni kaangai,

Etekiera 45:9

E taku te UEA ae te Atua: Kam a tia ngkami aika taan tautaeka i Iteraera, e a bati n tau kimoaia ma keweia Au aomata! I tangiringkami b'a kam na katoka karaoan te bure ao kam na moana karaoan te raoiroi ma te eti. Kam na aki manga oki ni kanakoia Au aomata ma te kairoro man oin abaia. Bon aei Au taeka Ngai ae te UEA.

Taniera 12:2

Ao ane a na m'aati aika a manga maiu aika a tia ni mate: tabeman a na kukurei n te maiu ae akea tokina, ao tabeman a na uti nakon te kamamaaeaki ae akea tokina.

Taniera 4:27

Ma ngaia are, ‘Te uea ae ko karineaki, karaoi kanoan au kaetieti. Katoka karaoan te bure, karaoa ae e raoiroi, ao nanoangaia akana aki kaub'ai. Ao i mwiina, e a tib'a kona n rikirake ueam.”

Taniera 5:30

Ao e tiringaki Beretiata are ueani B'aburon ni bon te tairiki naba anne;

Otea 10:12

Kamaraua am tawaana nako. kamaae atin te motikitaeka ae eti, ao taia te kakaonimaki. Taromauriai, Ngai ae te UEA, ao N na kanakoa m'aakau ni kakamaiu ni kab'aka kaanga te karau.

Otea 10:4

Iteraera, ko urui taian boraraoi ao ko aki kaawakina te berita; ko onika te eti nakon te uteute ae boitin ike e na riai ni maiu iai te aroka ae e maiureirei.

Otea 7:5

A koro ni manging ana mataniwi n te bong are e katokaaki iai ana baunuea aia uea, ao e a manga ira burababaia.

Amota 5:24

Ma ke e raanga rio te kaetitaeka ae ai aron te karaanga ae aki kona ni b'atakataka.

Amota 6:12

A konaa ni biri aoti i aon taian b'aa? A kona aomata ni kairiia kaao b'a a na katika te b'araua i aon taari ni kamaraua taari? Ma ko a tia n onika te eti nakon te b'ai ae kamamate, ao te raoiroi nakon te kairua.

Ab'akuka 3:16

I bane n ongo baikai ao I riki n ruru iai; a ruru matanriau ni maaku. E keerikaaki korakoran rab'atau ma n rurubenebene waeu. N na tataninga ma te rau, n taningaa rokon te tai are E na oroia iai te Atua koraki akea a buakanira.

Akai 1:2

te b'ai are E taekinna te UEA ae Moan te M'aaka nakoina ao nakoia aomata:

Mataio 22:5

Ma a aki kan tabe ma te kakao aomata ake a kaoaki; iai ane nako n abana, ao ane nako n ana bitineti;

Ioane 16:8

Ao ngkana E roko, ao E na kaotia nakon te aba b'a e bure ootana n aron te bure ao te raoiroi, ao e bure naba ootana n aron ana motiki-taeka te Atua.

M'akuri 10:42

Ao E tuangiira b'a ti na tataekina te euangkerio nakoia aomata, ao ti na kaotiotia b'a boni Ngaia are rineaki iroun te Atua b'a te tia motiki taekaia akana maiu ma akana mate.

M'akuri 17:13

Ma ngke a ataia I-Iutaia ake i Tetaronike b'a e taekinaki naba ana taeka te Atua irouni B'auro i Beroia, ao a roko naba iai n aki karauia aomata, ao ni kakiriweia.

M'akuri 17:2

Ao e rin B'auro n te m'aneaba n aron are e tataneiai iai, ao e reireiia aomata koaua man te B'aib'ara i nanon tenua te Taabati,

M'akuri 17:32

A kakaniko tem'angina ngke a ongo taekaia maate b'a a kona ni manga uti; ao a taku ake tem'angina, “Ti a manga ongora i roum n taekan naba te baenne.”

M'akuri 2:37

Ngke a ongo aei aomata ao a teke nanoia; ma ngaia are a taku nakoni Betero ma taan tuatua ake raona, “Taari, tera ae ti na karaoia?”

M'akuri 24:15

Boni iai ae I kaantaningaia mairoun te Atua, ae a kaantaningaia naba: b'a iai te manga-maiu irouia aomata aika raoiroi ma aika buakaka aika tia ni mate.

M'akuri 24:26

N te tai naba arei ao e kaantaningaia Berika b'a e na anganaki te m'ane irouni B'auro; ma ngaia are e aki toki ni kakaoa B'auro n taetaenikawai ma ngaia.

M'akuri 26:28

Ao e taku Akerib'a nakoni B'auro, “Ko anaa nanou b'a N na riki ni Kristian i nanon te tai ae kimototo aei?”

M'akuri 9:6

“Ma ko na teirake, ao naako rin n te kaawa, ao ane ko na tuangaki iai te baere riai b'a ko na karaoia.”

I-Rom 12:1

Ma ngaia aei, taari, i bukin aron te Atua n nanoanga ae bati, ao I bubutingkami b'a kam na angan te Atua rab'atami b'a te karea ae maiu ae itiaki, ae E na kukurei iai; b'a aei aromi ae riai ae E kaantaningaia te Atua b'a kam na anganna.

I-Rom 14:12

Ma ngaia ae ti na bane ni kaoti arora n tatabemaniira nako nakon te Atua.

I-Rom 2:16

Ma ngaia are, n reitaki ma kanoan te euangkerio ae I tataekinna, ao bon aei aron te bae e na riki n te bong arei, ngkana E motiki taekaia aomata te Atua i nanon Iesu Kristo ni kaeti ma iango ake a raba i nanoia aomata.

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.

2.I-Korinto 5:10

B'a ti na boni bane ni kateaki i matan ana kaintoka ni motikitaeka Kristo, b'a e aonga n anganaki temanna ma temanna booni mwin ana m'akuri ni kabane ake e a tia ni karaoi n rab'atana, aika baika raraoi ke a bubuaka.

2.I-Korinto 6:2

b'a E kangai te Atua, “I ongo i roum n te tai ae riai, Ao I buokiko n te bongi ni kamaiu.” Noria, ngkai te tai ae riai; noria, ngkai te bongi ni kamaiu.

I-Karatia 3:22

Ma e taku te B'aib'ara b'a a bane aomata nako ni mena i aani m'aakan te bure; ma ngaia are ana taeka n akoi te Atua bon i bukiia akana onimakina Iesu Kristo.

I-Karatia 5:23

te nimamanei, te taotaonaki n nano mani karaoani baika e tangiri te rab'ata; akea te tua ae ekinako baikai.

2.Timoteo 4:1

I tuangko i matan te Atua, ma Kristo Iesu, are nangi motiki taekaia akana maiu ma akana mate, ao i bukin ae E nangi roko n tautaeka b'a te Uea Ngaia:

Tito 1:8

ma e na akoakoia iruwa, e na tangira te raoiroi, e na iango raoi, e na b'ab'aina te eti, e na katabua maiuna nakon te Atua, ao e na taona nanona mani baika e tangiri te rab'ata;

Ebera 12:21

Ao moan te kakamaaku norana, ma ngaia are e kangai Moote, “I bati ni maaku ma n ruru.”

Ebera 3:13

Ma kam na i kaungaingkami n te bong ae koraki, ngkae e atongaki b'a Te bong aei; b'a e kawa temanna i buakomi ni m'am'anaki n te bure ao e riki ni matoatoa iai nanona.

Ebera 4:1

Ma ngaia aei, ngkai ti anganaki te taeka n akoi i bukin te rin i nanon ana motirawa te Atua, ao ti na taraia raoi b'a e kawa ni kuneaki temanna i buakomi b'a e aki tau n rin iai.

Ebera 6:2

ma taiani b'abetito, ma katokaani b'aai, ma manga utiia maate, ma te motikitaeka ae aki toki.

Ebera 9:27

Ao ngkai e katauaki nakoia aomata b'a ti teuana mateia ao i mwina motikan taekaia;

Iakobo 2:19

Ko taku b'a ti temanna te Atua; e eti am taeka anne. A boni kakoaua naba te taeka anne taian taimonio, ao a ruru ni maku.

1.Betero 3:15

Ma kam na tabua Kristo i nanomi b'a te Uea; ao kam na tauraoi n te bong ae koraki b'a kam aonga ni kona ni kaeka te aomata ae titirakiningkami bukin te kaantaninga ae mena i nanomi;

2.Betero 1:6

n raona ami atatai n te taotaonaki n nano mani baika e tangiri te rab'ata; n raona ami taotaonaki n nano mani baika e tangiri te rab'ata n te nanom'aka; n raona ami nanom'aka ni maiumi ni Kristian;

1.Ioane 3:10

A kaotaki natin nako te Atua ma natin nako te riaboro n aei: ane aki karaoa nanon te Atua ao tiaki mairoun te Atua, ao ai uana naba ma ane aki tangira tarina.

1.Ioane 3:7

Ataei aika uarereke, e na tai m'am'anaingkami temanna: b'a ane b'ab'aina te atataiaomata, ao e bon atataiaomata;

1.Tamuera 12:7

Ao ngkai E na riki te UEA b'a ami tia moti. Ma ngaia are, kam na tei ao kakauongo, ngkana I kauringngkami aron te UEA ngke E aki toki ni kakamaiungkami ma ami bakatibu mairouia ami kairiribai.