M'akuri 24:16 - Te B'aib'ara

¹⁶ Ao ngaia aei ae I kakorakoraai iai b'a N na aki toki ni b'aina te nano ae itiaki i matan te Atua ao i mataia aomata.

M'akuri 24:16 Iomraidhean Croise

M'akuri 23:1

E kaeti matana B'auro n taraia kaain te Tanirim, ao e taku, “Taari, I a tia ni maiu i matan te Atua ma mataniwin nanou ae itiaki ni karokoa te bong aei.”

I-Rom 2:15

A kaotaki n aroia b'a e koreaki i nanoia kanoan te Tua, ao a kaota aei mataniwin nanoia b'a e koaua, ngkai a kona n tuangaki n aia iango b'a a raoiroi ke a buakaka baike a karaoi.

I-Rom 9:1

I atonga te koaua; I aki kewe i bukina b'a ana aomata Kristo ngai, ao e buokai mataniwin nanou are kairaki iroun te Tamnei are Raoiroi, ni kakoauaai naba b'a I aki kewe

1.I-Korinto 10:32

Tai karaoa te bae e na riki b'a te kanganga nakoia I-Iutaia, ke I-Erene, ke ana ekaretia te Atua;

1.I-Korinto 4:4

B'a I aki ata te b'ai ae I bure iai; ma aei e aki kakoaua arou b'a I aki kabuakakaki. Bon te UEA ae te tia motika taekau.

2.I-Korinto 1:12

B'a aio kamoamoara, ao ana kaotioti mataniwin nanora: b'a n arora ni maiu n te aonnaba aei, ao ai moa ra riki n arora nako imi, ao ti a tia ni b'aina te maiu ae tabu ae itiaki are mairoun te Atua, tiaki n te rabakau n aon te aba, ma n ana akoi te Atua.

2.I-Korinto 4:2

ma ti aki maiuakini baika raba aika b'aai ni kamamaa, ao ti aki b'aina te maiu ni bureburea te aba; ao ti aki naba kab'aoua ana taeka te Atua. Ma ti kaotioti arora aika raraoi, ni kaotiotan te koaua nakoni mataniwin nanoia aomata ni kabaneia i matan te Atua.

1.I-Tetaronike 2:10

Ara taani kakoaua ngkami ma te Atua naba, n arora ake ti b'ain nako imi, ngkami aika kam onimaki; b'a ti b'aina te maiu ae itiaki ae karaoa nanon te Atua ao ae akea kabuakakana.

1.Timoteo 1:19

ao kawakina am onimaki ma mataniwin nanom ae e raoiroi. Iai tabem'aang aika rawa n ongo ni b'anaan mataniwin nanoia ae e raoiroi ao a karika te kabuanib'ai nakon aia onimaki, kanga ai aron te kaibuke ae koro ao e uruaki;

1.Timoteo 1:5

Te kaantaninga i bukin te bae ti tuangko iai, b'a e na reke i rouia te tangira ae bwebwerake man te nano ae itiaki ao mani mataniwin te nano ae e raoiroi ma te onimaki ni koaua.

1.Timoteo 3:9

A na teimatoa n onimakina te baere raba are b'ain te onimaki ma mataniwin nanoia ae itiaki.

2.Timoteo 1:3

I katituaraoa te Atua, ae I toro i rouna ma mataniwin nanou ae itiaki, n ai aron are a karaoia naba au bakatibu. I katituaraoia n taai nako ake I uringko iai n au tataro n te ngaina ao te bong.

Tito 1:15

A bane n itiaki b'aai nakoia akana itiaki; ma akea te b'ai ae itiaki nakoia akana kam'ara i bukin aia bure ma akana aki onimaki, b'a a uaia ni kam'ara nanoia ma mataniwin nanoia.

Ebera 10:22

ao ti na kaania te Atua ma nanora ni koaua ao n ataakin raoi te onimaki, ngkai a tia ni kaitiakaki nanora man namakinani mwin te bure are ti taonaki iai, ao a tia rab'atara n tebokaki n te ran ae itiaki.

Ebera 13:18

Kam na tataro i bukira; b'a ti taku b'a a raoiroi mataniwin nanora, ngkai ti kani kakaraoa ae raoiroi nakoni b'aai ni kabane.

Ebera 9:14

ao ai bati ra riki kaitiakani mataniwin nanora mani m'akuri aika akea uaaia n raraani Kristo are anga Ngaia iroun te Tamnei are Raoiroi n aki totoki b'a te karea ae akea buakakana nakon te Atua, b'a kam aonga n toro iroun te Atua ae maiu!

1.Betero 2:19

E na kakab'aiaki te aomata iroun te Atua i bukin aei: b'a e ata nanon te Atua i mataniwin nanona, ao e nanom'aka iai ni kamarakaki n te aro ae aki riai.

1.Betero 3:16

ma kam na kaeka ma te nimamannei ao te maku; kawakini mataniwin nanomi b'a a na itiaki; ao n te aro aei a na mamaa iai te koraki ake a taetae ni kabuakakai aroaromi aika raraoi ngkai kam reitaki ma Kristo.

1.Betero 3:21

Ao te b'abetito, are aekan te ran arei, e kamaiungkami ngkai, tiaki ni kaitiakan te baareka man te rab'ata, ma n te kaeka nakon te Atua mani mataniwin te nano ae itiaki. E kamaiungkami ni manga-utin Iesu Kristo;