M'akuri 22:25 - Te B'aib'ara

²⁵ Ma ngke a kabaea B'auro n roo aika kaau, ao e taku nakoni mataniwin te taanga ni buaka are tebubua kaaina are tei ni kaan, “E kariaiaki b'a kam na kataerea te aomata ae te I-Rom ae tuai ni motikaki taekana?”

M'akuri 22:25 Iomraidhean Croise

Mataio 10:17

Kam na kawakiningkami mairouia aomata; b'a ane a na kateingkami i matani kabowi, ao ane a na oreingkami i nanoni m'aneabaia I-Iutaia;

Mataio 27:54

Ngke e nora m'aeiein te aba ma baike a riki mataniwin te taanga ni buaka are tebubua kaaina, ao a noria naba raona ake a tantani i rarikin Iesu, ao a taonaki n te maaku ae korakora; ao a taku, “Bon te koaua b'a Natin te Atua Teuaei!”

Mataio 8:8

Ma e kaeka mataniwin te taanga ni buaka are tebubua kaaina, ao e taku, “Te Uea, I aki tau b'a Ko na rin i nanon au auti: ma an taetae naba, ao e a marurung naba au toro.

M'akuri 10:1

Iai te aomata temanna i Kaitareia, ae arana Korenerio, ae mataniwin te taanga ni buaka teuana ae tebubua kaaina, are aranaki b'a te Taanga ni buaka mai Itare.”

M'akuri 16:37

Ma e taku B'auro nakoia bureitiman, “A kataereira i mataia aomata, n akea kabowian taekara, ao I-Rom ngaira. A kaakira i nanon te karabuuti, ao a nang kanakoira ngkai ni karaba kanakoara? E aki riai; ma a na bon nako mai ngaiia ni kaotinakoira.”

M'akuri 22:26

Ngke e ongo mataniwin te taanga ni buaka are tebubua kaaina, ao e nako n tuanga aia mataniwi tautia, ao e kaangai, “Tera ae ko nang karaoia? B'a te I-Rom te aomata arei!”

M'akuri 23:17

Ao e wetea temanna irouia mataniwi n te taanga ni buaka are tebubua kaaina B'auro, ao e taku, “Ko na kaira te roronga aei nakon aia mataniwi tautia, b'a iai ana taeka ae e na tuangnga.”

M'akuri 23:27

Ko na mauri! E tauaki te aomata aei irouia I-Iutaia, ao e kuri ni kamateaki i rouia; ngke I ataia b'a te I-Rom, ao I nako ma tautia ni kamaiua.

M'akuri 25:16

Ma I tuangiia b'a n aia katei I-Rom ao a aki kona ni kaburea te aomata ni karokoa ae e a tia n tei i matan te kabowi n i taramata ma aomata ake a bukinna, ao ni karokoa naba ae e a tia n reke ana tai n taetae ni kaitaraa bukinana.

M'akuri 27:1

Ngke e a tia te baire b'a ti na borau nako Itare, ao a anga B'auro ma buure tem'angina nakon aia mataniwi tautia ae Iurio arana, ae mataniwiia te taanga ni buaka ae tebubua kaaina ae ana taanga ni buaka Aukitito.

M'akuri 27:3

N te bong are i mwina ao ti roko i Titon. E nano n akoi Iurio nakoni B'auro, b'a e kariaia nakona nakoia raoraona i bukini buokana n te bae e kainanoia.

M'akuri 27:43

Ma iai nanon teuare te mataniwi n te taanga ni buaka are tebubua kaaina ni kani kamaiua B'auro, ma ngaia are e tuka aia iango tautia, ao e tua b'a a na ewe nako moa ake a kona n uaua, ao a na ua rake nakon te aba;