M'akuri 21:8 - Te B'aib'ara

⁸ Ao n te bong are i mwina, ti nako ao ti roko i Kaitareia; ti rin n ana auti Biribo are te tia tataekina te euangkerio, are temanna i buakoia uake itiman ngkoa; ao ti tiku i rouna.

M'akuri 21:8 Iomraidhean Croise

M'akuri 10:1

Iai te aomata temanna i Kaitareia, ae arana Korenerio, ae mataniwin te taanga ni buaka teuana ae tebubua kaaina, are aranaki b'a te Taanga ni buaka mai Itare.”

M'akuri 16:10

Ao ngke e a tia n nora kaanga te mii arei, ao ti a kataa naba ngkekei te nako M'aketonia, b'a ti taku b'a E boni weteira te Atua b'a ti na tataekina te euangkerio nakoia aomata ikekei.

M'akuri 16:13

N te Taabati ao ti oti nako mani mataroan te kawai n rin n te kaawa arei nako rarikin te karaanga teuana are ti taku b'a e mena iai te ne n tataro; ao ti tekateka n taetae nakoia aine ake a roko ni botaki iai.

M'akuri 16:16

Ngke ti nako n te ne n tataro, ao ti kaitibo ma te ateiaine ae kaboaki b'a te toro. E taniaki iroun tamneini Buton, ao e karekei ni kabatiai aia b'ai ana toka man arona n taekini baika na riki nakoni boong aika na roko.

M'akuri 18:22

Ngke e aerake i Kaitareia, ao e waerake ni kamaura te ekaretia, ao i mwina e nako Antioka.

M'akuri 20:13

Ao ngaira ti ri moa nakon te kaibuke, ao ti borau nako Ato, b'a ti na aeka iai B'auro: b'a anne are e baireia ngke e kan nako iai n nakonako.

M'akuri 20:6

Ao ti borau mai Biribi i mwini baneni bongin te Berena are aki Karikaki; nimabong ara bong, ao ti roko irouia uakekei i Teroa, ao ti tiku iai itibong.

M'akuri 21:16

A irira tabem'aang mai buakoia reirei ake i Kaitareia, ao a kaira temanna ae M'anaton ae te I-Kubero, ae te reirei nikawai, are ti na maeka i rouna.

M'akuri 23:23

E weteia ngkanne uomani mataniwi n te taanga ni buaka are tebubua kaaina teuare aia mataniwi tautia, ao e taku, “Kam na katauraoia uabubua tautia, ma itingaun tautia aika totoka i aoia aoti, ma uabubua tautia aika taani buaka n te kainiwai, b'a a na nako Kaitareia n te aoa ruaiwa n te tairiki aei;

M'akuri 27:1

Ngke e a tia te baire b'a ti na borau nako Itare, ao a anga B'auro ma buure tem'angina nakon aia mataniwi tautia ae Iurio arana, ae mataniwiia te taanga ni buaka ae tebubua kaaina ae ana taanga ni buaka Aukitito.

M'akuri 28:11

I mwin tenua nam'akaina ao ti toka ni kaibuken Arekanria ae arana Riotikouri, are ai aron “Atua aika bwebwee”, ae kabanea bongin te aumeaang n te abam'akoro arei.

M'akuri 28:16

Ngke ti rin i Rom, ao e kariaiakaki B'auro b'a e na maeka n ti ngaia ma te tautia temanna are teteiakinna.

M'akuri 6:5

A bane ni kukurei n te taeka arei te koraki arei; ao a rinea ngkanne Tetebano, ae te aomata ae te tia onimaki ni koaua ao e on n te Tamnei are Raoiroi; a rinea naba Biribo, ma Berokoro, ma Nikanora, ma Timon, ma Baremena, ma Nikorao ae te I-Antioka ae tiaki te I-Iutaia, ma e a tia n rairaki nakon te Aro n Iutaia.

M'akuri 9:30

Ngke e a ataaki aroia I-Iutaia akekei irouia taari i Ierutarem, ao a kaira rio Tauro nako Kaitareia, ao ni manga kanakoa nako Tareto.

I-Ebeto 4:11

Boni Ngaia ae E anga tem'angina b'a taan tuatua; ao tem'angina, b'a bureitiman, ao tem'angina, b'a taan taekina te euangkerio; ao tem'angina, b'a taani kawakina te ekaretia ao taan reirei.

2.Timoteo 4:5

Ma ngkoe, ko na kamarurungko b'a e na aki bua am iango i aoni b'aai ni kabane; ko na taona nanom nakoni marakim, ko na karaoa ana m'akuri te tia taekina te euangkerio, ao ko na karaoi ni kabane kanoan nakoam.