M'akuri 21:26 - Te B'aib'ara

²⁶ E anaiia ngkanne aomata akekei B'auro, ao n te bong are i mwina, ngke e tia ni kaitiakia ma ngaiia, ao e rin n te Tembora n anga taekani kaitiakaia b'a te bongi ra are e na toki iai, are a na bane naba iai n anga karea i bukin temanna ma temanna irouia uakekei.

M'akuri 21:26 Iomraidhean Croise

Warekaia Iteraera 19:11

Ngkana kam riinga rab'atan te mate, ao kam na kam'ara i nanon itiua te bong.

Ioane 11:55

E a kaan tain aia botaki I-Iutaia are te Toa are te Riao; ao a m'ananga aomata aika bati mai abaia, nako Ierutarem, i m'ain te Toa are te Riao, b'a a na kaitiakiia.

M'akuri 21:24

Ko na kairiia ni kaitiakiko ma ngaiia, ao ko na kab'akai booni karea i bukiia, b'a a aonga ni korobuatauia; ao ane a na bane n ataia iai aomata b'a akea koauan taekam ake a tia n tuangaki, ma ko bon nakonako naba i nanoni kawakinan te Tua.

M'akuri 24:18

Ngke I karaoa aei ao a norai n te Tembora, i mwin tian te m'akuri ni kaitiaki nako iu. Akea aomata i rarikiu, ao akea naba te kiriwe; ma iai I-Iutaia tabem'aang mai Atia aika mena ikekei.

1.I-Korinto 9:20

Ngkana I m'akuri i buakoia I-Iutaia, ao I riki n ai aroia I-Iutaia, b'a a aonga n riki ni Kiritian; ao e boni ngae ngkana I aki mena i aan te Tua, ma I riki n ai aron ae I mena i aan te Tua, b'a a aonga n riki ni Kiritian te koraki ake a mena i aan te Tua.