M'akuri 21:14 - Te B'aib'ara

¹⁴ Ao ngke e aki iri nanora B'auro, ao ti aki manga karongoa i mwin are ti kaangai, “E na tauaki ana taeka te UEA.”

M'akuri 21:14 Iomraidhean Croise

Karikani B'aai 43:14

E bia karika te aomata arei te Atua ae m'aaka b'a e na nanoangaingkami, b'a e aonga ni kaoka tarimi ae Beniamin ma tarimi naba ake tabeman nako imi. Ngkana tao ai boni katauana b'a a nang akea natiu, ao kai are I a kataua naba.”

2.Uea 20:19

Ao e iango i nanona Etekia ao e taku i nanona, E na bon ti rau ara botannaomata i nanon te tai ae e uarereke. Ma ngaia are, e taku nakon Itaia, Akea te kaangaanga n te rongorongo ane ko uotia nako iu mairoun te UEA.

Mataio 26:39

Ao E nako riki teutana, ao E katorobubua ni bobaraaki i aontano ao E tataro ni kangai, “Tamau, ngkana e konaki, ao e na nako mai Rou te m'angko ni karawawata aei; ma tiaki nanou ae na iraki, ma nanom.”

Mataio 26:42

Ao E a manga nako riki n tataro ao E kangai, “Tamau, ngkana e aki kona n nako aei, b'a N na boni moi iai, ao e na tauaki am taeka.”

Mataio 6:10

E na roko Ueam, E na tauaki am taeka i aonnaba n ai aron tauana i karawa.

Ruka 11:2

E taku Iesu nako ia, “Ngkana kam tataro, ao kam na kangai, Tamara: E na tabuaki aram; e na roko Ueam.

Ruka 22:42

“Tamau, ngkana e riai i Roum, ao Ko na kararoa mai Rou te rawawata ni maraki ae N nang taonaki iai; ma tiaki nanou ae na karaoaki, ma e na karaoaki nanom.”

Ruuta 1:18

Ao ngke e noria Naomi b'a e boni korakora nanon Ruuta ni kan iria, ao e aki manga taetae riki nakoina.

1.Tamuera 3:18

Ao e tuanga Eri b'aai ni kabane Tamuera. Ao i mwiina, e taku Eri, “Bon te UEA, ao E na bon karaoa te b'ai ae eti.”