M'akuri 21:13 - Te B'aib'ara

¹³ E taku ngkanne B'auro nakoia, “Tera ae kam karaoia ngkai kam katumaua te tang, ma n urua nanou? B'a I a tauraoi nakon tiaki ti te kabaeaki, ma nakon naba te mate i Ierutarem i bukin aran te UEA are Iesu.”

M'akuri 21:13 Iomraidhean Croise

1.Rongorongo 11:18

Ao a nako Taani Buaka ake Teniman akekei ni karaba n niniia aia kaemb'a kaain Biritia ao a itiia te ran man te m'anib'a are ni mataroan te kaawa are Betereem. A uotia rikaaki nakon Tawita, ma e aki kan nimma, ao e kab'aroa te ran arei b'a te karea nakon te UEA

Itaia 3:15

E taku te UEA ae Moan te M'aaka, “Kam a tia ni kamanatuaia au aomata mani kabaarekai mataia aomata aika a maiu ni kainano.”

Ieremia 40:1

Ao I kairaki nako ma kabaeau taian tiein n reitaki ma kaain Iuta ao kaain Ierutarem ake a uotaki nako ngkoa nako B'aburon. Bon te aobitia Nebutaratan ae e tararuaia taan tei, ao E kainaomataai te UEA ngke ti a roko i Ram'a.

Etekiera 18:2

Etekiera, I ongo b'anaaia aomata b'a a kamanenaa te taeka nikawai ae e kaangai, “Te kureebe ae e maai ae e kanaki irouia kaaro e katuka te maai i nanon wiia natiia.

Iona 1:6

Ao e noria te kaaben ao e taku nakoina, “E aera ngkai ko karauko ni matu? Teirake, ao tataro nakon Atuam b'a E na buokiira, b'a tao E na nanoangaira ni kamaiura.”

M'akuri 20:24

Ma I kakeaa kakawakini maiu nako iu, b'a I aonga ni katia te baere I waaki iai, ma nakoau are E anganai te UEA are Iesu, are te tataekina te euangkerio are taekan ana akoi te Atua.

M'akuri 20:37

Ao a bane ni katu rannimataia n tang, ao a b'akara aon roroani B'auro ni kaboria ma ngaia.

M'akuri 5:41

Ma ngaia are, a nako man te Tanirim ma te kim'areirei, b'a a kona n atongaki b'a a tau ni kamaamaaeaki i bukin te ara ae Iesu.

M'akuri 9:16

Ao N na kaoti nakoina baika bati aika e riai ni karawaawataaki iai i bukin arau.”

1.I-Korinto 15:31

Taari, I kaitara ma te mate n te bong ae koraki! I riki n taekina aei i bukin nanou ni kamoamoa i bukimi i nanoni Kristo Iesu are ara UEA.

I-Biribi 2:17

Ami onimaki ma ami m'akuri aika kam karaoi b'a kanga ibonga ai aron te karea nakon te Atua; ao tao N na kamateaki, ao n te aro aei N na riki b'a ai aron te karea are te raraa are kab'aroaki i aon te karea. Ngkana arona b'a e riki aei, ao N na boni kim'areirei, ao N na kim'areirei ma ngkami;

I-Biribi 2:26

E rangi ni kan noringkami ni kabane, ao e aki rau nanona ngke kam ongo b'a e aoraki.

I-Korote 1:24

I kim'areirei ngkai ni marakiu i bukimi, b'a I a kona ni kakororaoa iai marakin Kristo ni marakin rab'atau i bukin rab'atana, ae te ekaretia;

2.Timoteo 1:4

I uringa arom ngke ko tang, ao I rangi ni kan noriko b'a I aonga ni kaonaki n te kim'areirei.

2.Timoteo 4:6

Ao ngai, e a roko te tai ae N nang kamateaki iai ao N nangi riki b'a kanga ai aron te karea are te ninima are kab'aroaki i aon te baonikarea; aio au tai are N nang kitana iai te maiu aei.

2.Betero 1:14

ngkai I ataia b'a e a kaan te tai are N na kitana iai te maiu aei, n ai aron are kaotaki nako iu iroun ara Uea are Iesu Kristo.

Te Kaotioti 12:11

Ao a kataea ana kai n raraan te Tiibuteteei ao n te koaua are a tataekinna; ao a kukurei n anga maiuia ma ni mate naba.

Te Kaotioti 3:10

Ngkai ko a tia ni kawakina au taeka nako im b'a ko na nanom'aka, ao N na kawakiniko naba man te aoa ni kaririaki are nangi roko i aon te aba ni kabuta, ni kataia ake a maeka iai.

1.Tamuera 1:8

Ao e titiraki Erekana ao e taku, “Anna, e aera ngkai ko a tang? E aera ngkai ko aki am'arake? E aera ngkai ko a bon rangi ni karawawatako? Ti aki I raoiroi riki i roum nakoia naati m'aane aika tengaun?”

1.Tamuera 15:14

Ao e titiraki Tamuera ni kaangai, “Ao bukin tera ngkai a tangitang taian tiibu ma taiani kao?”