M'akuri 20:7 - Te B'aib'ara

⁷ Ngke ti botaki n am'arake n i raorao ni moani bongin te wiiki are te moa ni bong, ao e anga ana taeka n reirei B'auro i bukina ngke e nangi nako n te ingabong; ao e waaki n taetae ni karokoa e nukanibong.

M'akuri 20:7 Iomraidhean Croise

Neemia 8:3

Ao e wareka ana Tua Moote nakoia man te moaningabong ni karokoa te tawanou, ao a bane ni kakauongo raoi.

Neemia 9:3

A tei i nanon tenua te aoa n ongora n ana Tua te UEA ae te Atua, ao manga tenua riki te aoa a manga raraoma i bukin aia bure ao a taromauriia te UEA.

Mareko 16:9

Ngke E a manga uti Iesu mai buakoia maate ni moani bongin te wiiki, ao E kaoti moa nakon Nei Maria are te I-M'aketara, are E a tia ni kaotinakoia mai rouna taimonio ake itiman.

Ruka 22:19

Ao E anaa te berena, ao ngke E tia n tataro ni katituaraoi, ao E urua ao E anganiia ana reirei, ao E kangai, “Rab'atau aei ae I anga i bukimi, Karaoa aei b'a kanuringau!”

Ruka 24:35

A taekina ngkanne te b'ai are e a tia n riki i nanon te kawai, ao aroia ngke a kinaa te Uea n te tai are E urua iai te kariki.

Ioane 20:1

Ngke e a kani ngaina, ngke e roo, n te bong ae moa ni bongin te wiiki, ao e roko n te ne ni mate Nei Maria are te I-M'aketara, ao e nora te atibu b'a e a tia ni kanakoaki mai matan te ne ni mate.

Ioane 20:19

Ngke e a tairiki n te bong naba arei, are moa ni bongin te wiiki, ngke a kainiia ana reirei Iesu n te tabo are a mena iai, b'a a makuia I-Iutaia, ao E roko Iesu n tei i buakoia, ao E taku nakoia, “E na mena te rau iroumi.”

Ioane 20:26

Ao i mwini wanibong ao a manga mena i nanon te auti ana reirei, ao Toma raoia. A bono mataroa, ma E roko Iesu n tei i buakoia, ao E taku, “E na mena te rau iroumi.”

M'akuri 16:10

Ao ngke e a tia n nora kaanga te mii arei, ao ti a kataa naba ngkekei te nako M'aketonia, b'a ti taku b'a E boni weteira te Atua b'a ti na tataekina te euangkerio nakoia aomata ikekei.

M'akuri 2:42

A botum'aka nakon reireiaia irouia taan tuatua, ao nakon aroia n i buokanib'ai; ao a kakaonimaki nakon iriran aia bobotaki n am'arake ma n tataro.

M'akuri 2:46

A bobotaki n te Tembora ma te nano ae ti teuana ni katoa bong, ao a bobotaki n am'am'arake n aia auti nako, ao a kang kanaia ma te kukurei ao te nanoraoi,

M'akuri 20:11

Ao e a manga rierake B'auro, ao e urua te kariki n am'arake ma ngaiia; e ananau ana tai ma ngaiia b'a a maroroo ni karokoa e a moanna n oota otan taai, ao e a tib'a nako.

M'akuri 20:31

Ma ngaia ae tai ni matutu, ao ururingai b'a I aki toki n reireingkami ni kabaneingkami ni bong ao ni ngaina ma rannimatau i nanon tenua te ririki.

M'akuri 20:5

A ri moara uakanne n taningaira i Teroa.

M'akuri 20:9

E tekateka n te winto te rorobuaka n ataei temanna ae arana Eutuko. Ngke e kamanna n reirei B'auro, ao e roko i roun Eutuko te nimatutuu ni karokoa e kiro nako ni matu, ao e b'aka i aontano man te bwia are te katenua, ao e tabekaki b'a te mate.

M'akuri 28:23

A kotea aia bong ma B'auro, ao a kawaria aomata aika bati riki ni nena ni maeka n te bong anne. E waaki ma ngaiia man te ingabong ni karokoa ae e bong, ni kab'arab'araa nakoia taekan uean te Atua; ao e kataia n anai nanoia ni m'akoron taeka ake e anai man ana tua Mote ao man aia boki burabeti, b'a a na kakoaua are e taekinna i bukin Iesu.

1.I-Korinto 10:16

Ngke ti moi man te m'angko are ti tataro i bukina b'a e na kakab'aia te Atua, tiaki anne te i buokanib'ai n raraani Kristo? Ao ngke ti kana te berena are ti urua, tiaki anne te i buokanib'ai n rab'atani Kristo?

1.I-Korinto 15:10

Ma n ana akoi te Atua ao I riki n ai arou aei; ao e aki matebuaka ana akoi nako iu: b'a I m'akuri korakora riki nakoia taan tuatua akekei; ma tiaki ngai, b'a bon ana akoi te Atua are i rou.

1.I-Korinto 16:2

Ni moani bongin te wiiki ae koraki, ao e riai te aomata i bon i rouna ni katutuka teutana man are e a tia ni karekea, ao e na kaikoa, b'a e aonga n aki kainanoaki te manga riko angab'ai ngkana I roko.

2.Timoteo 4:2

ko na tataekina ana taeka te Atua, ao ko na kakorakorako ni karaoia i nanon te tai ae riai ke ae e aki; ko na kaoti aroia aomata aika buakaka nakoia, ko na boaiia, ao ko na kaungaia, n reireiia ma te taotaonaki n nano ni kabane.

Te Kaotioti 1:10

I mena i aani m'aakan ana kairiri te Tamnei are Raoiroi n ana bong te Uea, ao I ongo te b'ana ae korakora, mai akuu, ae kanga tangin te bu,