M'akuri 20:21 - Te B'aib'ara

²¹ I kamatoa au taeka nakoia I-Iutaia ma I-Erene n tuangiia b'a a na rairi nanoia nakon te Atua, ao a na onimakina ara UEA are Iesu.

M'akuri 20:21 Iomraidhean Croise

Mataio 3:2

ao e taku, “Rairi nanomi, b'a e a kan roko Uean te Atua!”

Mataio 4:17

Ao man te tai arei ao E moa n reirei Iesu, ao E taku, “Kam na rairi nanomi, b'a e a kan roko Uean te Atua!”

Mareko 1:15

Ao E taku, “E a koro raoi te tai, ao e a kaan Uean te Atua! Rairi nanomi ao onimakina te euangkerio!”

Mareko 6:12

Ao uakekei a nako ao a reireiia aomata b'a a na rairi nanoia.

Ruka 13:3

I taku nako imi, A aki! ma ngkana kam aki rairi nanomi, ao kam na bane ni mate n ai aroia.

Ruka 13:5

I tuangngkami, A aki; ma ngkana kam aki rairi nanomi, ao kam na bane ni mate n ai aroia.

Ruka 15:10

I taku nako imi, “B'a ai arona naba b'a e na iai te kim'areirei irouia ana anera te Atua i bukin te aomata ae buakaka ae ti temanna ae raira nanona.”

Ruka 15:7

I taku nako imi, b'a e na riki naba ae ai aron aei i karawa, ma e na m'aiti riki iai te kim'areirei i bukin te aomata ae buakaka ae ti temanna ae raira nanona, nakon te kim'areirei i bukiia aomata aika raoiroi aika ruangaun ma ruaman aika akea bureia aika riai n rairi nanoia iai.

Ruka 16:28

b'a iai niiman tariu, ao e na angania te taeka ni katauraoi b'a a aonga n aki roko n te tabo ae kamaraki aei.”

Ruka 24:47

ao b'a e na tataekinaki rairan te nano ma kab'araani buure n arana i buakoia botannaomata ni kabaneia, ni moa n taekinaki mai Ierutarem.

Ioane 20:31

ma a koreaki aikai b'a kam aonga ni kakoaua b'a Iesu bon te Kristo, are Natin te Atua; ao ngkai kam onimakinna, ao e na reke iroumi te maiu n arana.

Ioane 3:36

Ane onimakina te Nati ao e reke i rouna te maiu are aki toki; ao ane aki ongotaeka nakon te Nati, ao e na aki reke i rouna te maiu, ma e memena unin te Atua i aona.

M'akuri 10:43

A bane burabeti ni kaotiota taekan Iesu, b'a ane onimakinna ao e na reke i rouna kab'aran ana bure n arana.

M'akuri 11:18

Ngke a ongo baikekei, ao e toki aia kauntaeka; ao a karaoiroa te Atua, ni kaangai: “E anganiia naba aomata aika tiaki I-Iutaia te Atua rairan te nano nakon te maiu!”

M'akuri 16:31

Ao ngaiia a taku, “Ko na onimakina te UEA are Iesu, ao ko a kamaiuaki iai ma am utu.”

M'akuri 17:30

Ma ngaia ae E aki bairei taekaia aomata te Atua i nanon tain te babanga arei; ma E tuangiia aomata ngkai ni kabaneia n taabo nako b'a a na rairi nanoia,

M'akuri 19:17

E a ataaki te baei irouia I-Iutaia ma I-Erene ni kabaneia ake a maeka i Ebeto, ao a rangi ni maku; ao e neboaki aran te UEA are Iesu.

M'akuri 2:38

Ao e taku Betero nakoia, “Rairi nanomi, ao kam na bane ni b'abetitoaki n aran Iesu Kristo i bukini kab'araan ami bure; ao kam na anganaki te b'ai n tituaraoi are te Tamnei are Raoiroi.

M'akuri 2:40

A bati riki ana taeka Betero nakoia, ao e butiia ni kaangai, “Kam na kamaiungkami man te rekenikai ane nang roko nakon te roro ae buakaka aei!”

M'akuri 20:23

Ma I ti ata ana taeka te Tamnei are Raoiroi nako iu ni kaawa nako, b'a E taku b'a N na kaitaraa ma b'aai ni kabaebae ao te karawaawataaki.

M'akuri 20:24

Ma I kakeaa kakawakini maiu nako iu, b'a I aonga ni katia te baere I waaki iai, ma nakoau are E anganai te UEA are Iesu, are te tataekina te euangkerio are taekan ana akoi te Atua.

M'akuri 24:24

I mwin tabe bong ao e roko Berika ma buna are Nei Rutira ae te I-Iutaia. E kaoa B'auro Berika, ao e ongora i rouna n taekan onimakinani Kristo Iesu.

M'akuri 26:18

b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

M'akuri 26:20

ma I tuangiia moa I-Tamateko, ao rimwi I-Ierutarem ma I-Iutaia ni kabaneia, ma aomata naba ake tiaki I-Iutaia, b'a a na rairi nanoia n rairaki nakon te Atua, ao ni karaoi m'akuri aika a na kaotiia iai b'a a tia n rairi nanoia.

M'akuri 28:23

A kotea aia bong ma B'auro, ao a kawaria aomata aika bati riki ni nena ni maeka n te bong anne. E waaki ma ngaiia man te ingabong ni karokoa ae e bong, ni kab'arab'araa nakoia taekan uean te Atua; ao e kataia n anai nanoia ni m'akoron taeka ake e anai man ana tua Mote ao man aia boki burabeti, b'a a na kakoaua are e taekinna i bukin Iesu.

M'akuri 3:19

Ma ngaia ae kam na raraoma, ao rairi nanomi b'a a aonga ni kamaunaki ami bure,

M'akuri 8:25

Ma ngaia aei, ngke a tia ni kaotioti uakekei, ma n taekina ana taeka te UEA, ao a okira Ierutarem; a tataekina te euangkerio ni kawan Taamaria aika bati i aoni kawaia n oki.

I-Rom 1:14

Iai tabeu ae I riai ni karaoia nakoia I-Erene ma aomata aika tiaki I-Erene, ao nakoia aika reireiaki ma aika aki reireiaki;

I-Rom 1:16

B'a I aki mamaa n te euangkerio: b'a boni m'aakan te Atua ni kamaiuia aomata nako aika onimaki, aika I-Iutaia moa ao I-Erene naba.

I-Rom 10:9

B'a ngkana ko taekina Iesu ni wiim b'a te UEA ao ko onimaki i nanom b'a E a manga uti iroun te Atua mai buakoia maate, ao ko na kamaiuaki.

I-Rom 2:4

Ke ko aki rangi ni mutiakina ana ataataiaomata ae bati, ma taotaonan nanona, ma arona n aki kakaiun? Ao ko aki ata ana ataataiaomata te Atua b'a e kairiko nakon rairan nanom?

I-Rom 4:24

ma i bukira naba. E na atongaki nako ira ngaira aika ti onimakina Teuare kamaiua Iesu mai buakoia maate,

I-Rom 5:1

Ma ngaia aei, ngkai a kaetaki arora n reitaki ma te Atua n te onimaki, ao e a reke iroura te raoi ma te Atua iroun ara UEA are Iesu Kristo;

1.I-Korinto 1:22

B'a a tangiri kanikina aika kamimii I-Iutaia b'a a na nori, ao I-Erene a ukoukora te rabakau.

2.I-Korinto 7:10

B'a te rawawata are kaeti ma nanon te Atua e karika rairan te nano nakon te maiu, ao akea te nanokawaki ae na reke i mwina; ma rawawatan aon te aba e karika te mate.

I-Karatia 2:16

ao ti ataia b'a e aki kaetaki reitakin te aomata ma te Atua ni karaoani baika tangiraki n te Tua, b'a ti n onimakinan Iesu Kristo; ngaira naba, ti onimakina Kristo Iesu, b'a a aonga ni kaetaki reitakira ma te Atua n onimakinani Kristo, ma tiaki ni karaoan are e tangiraki n te Tua: b'a bon akea temanna ae e na kaetaki reitakina ma te Atua ni karaoani baika tangiraki n te Tua.

I-Karatia 2:20

Ao ai tiaki ngai ae I maiu ngkai, ma Kristo ae maiu i nanou; ao arou ae I maiu iai n te rab'ata, I maiu n onimakinan Natin te Atua, are E tangirai, are E anga Ngaia i buku.

I-Karatia 3:22

Ma e taku te B'aib'ara b'a a bane aomata nako ni mena i aani m'aakan te bure; ma ngaia are ana taeka n akoi te Atua bon i bukiia akana onimakina Iesu Kristo.

I-Ebeto 1:15

Ma ngaia aei, ngke I ongo taekan aromi n onimakina te UEA are Iesu, ma taekan tangiraia ake a itiaki iroumi,

I-Korote 2:5

B'a I boni ngae n aki mena i roumi n te rab'ata, ma I boni mena naba i roumi n te tamnei; ao I kim'areirei n noran aromi aika riai ma aromi n teimatoa n onimakina Kristo.

Biremon 1:5

ngkai I ongo taekan am tangira nakoia ake a itiaki ni kabaneia, ma onimakinan te Uea are Iesu i roum.

1.Ioane 5:1

Aomata nako aika kakoaua b'a Iesu bon te Kristo a bungiaki mairoun te Atua; ao aomata nako aika tangira Teuare karikiia, ao a tangira naba Teuare a bungiaki mai Rouna.

1.Ioane 5:5

Ao antai ae kataea ana kai te aba, tiaki ane kakoaua b'a bon Natin te Atua Iesu?