M'akuri 20:16 - Te B'aib'ara

¹⁶ B'a e a tia ni moti n ana iango B'auro b'a e na borau n aki kaeta Ebeto, ma e na kitanna: b'a e aki kani kabanea ana tai i Atia, b'a e taenoa ni kan roko i Ierutarem n te bong are Bentekota, ngkana e kona.

M'akuri 20:16 Iomraidhean Croise

Te Otinako 34:22

Kam na bukamarua te Toa ae M'anganikaai ni karokoa tokin te aumeaang ngkana kam taiia uaan te uita, ao ni bukamarua te Toa ae M'anganikaai ni katoa tokin te aumaiaki ngkana kam kiniki uaa.

M'akuri 12:13

Ao ngke e karebwerebwea mataroan te kaman, ao e nako te ateiaine, ae arana Rote, ae te tia m'akuri ikekei, ni kakauongo.

M'akuri 16:6

Ao a m'ananga n ri nukan te aba are Berukia ma Karatia, ngke a tukaki iroun te Tamnei are Raoiroi b'a a na aki taekina ana taeka te Atua i Atia;

M'akuri 18:19

A roko i Ebeto, n te tabo are a kitanaki iai Beritikira ma Akura irouni B'auro. E nako B'auro n rin ni m'aneabaia I-Iutaia, ao e reireiia I-Iutaia.

M'akuri 18:21

ma ngke e kabo ma ngaiia, ao e taku, “Ngkana nanon te Atua ao N na manga okiringkami.” Ao e borau mai Ebeto.

M'akuri 19:1

Ngke e mena Aboro i Korinto, ao B'auro e ri nukan aaba ake i eta, ao e roko i Ebeto; ao e kuneia Kristian tabem'aang iai.

M'akuri 19:21

Ngke a tia n riki baikekei, ao e moti i nanoni B'auro b'a e na ri nuukani M'aketonia ma Akaia n nako Ierutarem, ao e kaangai, I mwin rokou i Ierutarem, ao e riai b'a N na nora naba Rom.

M'akuri 2:1

Ngke e roko te bong are Bentekota, ao a bane ni botaki ake a onimakina Iesu n te tabo ae ti teuana.

M'akuri 20:13

Ao ngaira ti ri moa nakon te kaibuke, ao ti borau nako Ato, b'a ti na aeka iai B'auro: b'a anne are e baireia ngke e kan nako iai n nakonako.

M'akuri 20:18

Ngke a roko i rouna, ao e taku nakoia: Kam ataia b'a ni moa man te bong are I roko i Atia iai, ao i nanon naba boongi ni kabane ake I mena iai iroumi.

M'akuri 20:22

Ao noria, N nangi nako Ierutarem b'a E kairoroai te Tamnei, ao I aki atai baike a nangi riki nako iu.

M'akuri 20:4

Ao e iria Tobatero are natini Buro, are te I-Beroia; a iri naba Arititareko ma Tekunro ake I-Tetaronike, ma Kaio are te I-Rerebe, ma Timoteo, ao Tukiko ma Terobimo ake I-Atia.

M'akuri 20:6

Ao ti borau mai Biribi i mwini baneni bongin te Berena are aki Karikaki; nimabong ara bong, ao ti roko irouia uakekei i Teroa, ao ti tiku iai itibong.

M'akuri 21:4

Ti kuneia aomata aika onimakina Iesu i Turo, ma ngaia are ti tiku iai itibong; ao a tuanga B'auro, n aron tuangaia iroun te Tamnei are Raoiroi, b'a e na aki waerake nako Ierutarem.

M'akuri 24:17

Ma i mwin tabeua te ririki, ao I roko i Ierutarem n nikiri b'aai n tituaraoi nakoia au botannaomata, ao I anga karea.

1.I-Korinto 16:8

Ma N na mena i Ebeto ni karokoa te Bentekota,