M'akuri 2:9 - Te B'aib'ara

⁹ Ngaira aika I-Baretia, ma I-Miria, ma I-Eram, ma aomata aika maeka i Metobotamia, i Iutaia, i Kabatokia ao i Bonto ma Atia,

M'akuri 2:9 Iomraidhean Croise

Karikani B'aai 10:22

Natin Tem mm'aane---Eram, Atura, Arebaketiata, Ruuta, ao Aram---boni ngaiia aia bakatibu aomata akana a boni kaotaki araia iai.

Karikani B'aai 14:1

Ao a m'ananga ni buaka uea ake aman ake Amrabera are uean B'aburon, Arioka are uean Erata, Ketoreraomera are uean Eram, ao Titara are uean Koiim.

Karikani B'aai 24:10

Ao e anaa tengaun ana kamero Aberaam te toro are e tararuai ana b'ai Aberaam, ao e nakon te kaawa ae buubura are maeka iai ngkoa Naora are i Metobotamia meang.

2.Uea 17:6

i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

1.Rongorongo 19:6

Ao a tib'a namakinna kaain Ammon ae a rangi ni kauna Tawita. Ma ngaia are, a kabooi e raka i aon tenibwi ma aua te ngaa te kirokuraem te tirewa i bukin kaboaia te taanga ni buaka ake a toka i aoia aoti mai Metobotamia ao man abanuean Turia ake Maaka ao Tob'a.

Etira 6:2

Ao n tokina e a kuneaki te niira ni boki i Akemeta, ni kaawan te tautaeka are ni m'akorona are Miria ao e kaangai: E na kaotaki n te rongorongo ae e taabangaki aei,

Itaia 11:11

Ngkana e roko te bong arei, ao e na manga arora baina ae e m'aaka te UEA ni kaokiia ana Aomata nakoni mwengaia ake taian nikira ni maiu mai Aturia, Aikubita, Bateroti, Itiobia, Eeram, Tina. Amata, ao te aba are i mataniwiin taari.

Itaia 21:2

Bon te kaotioti ae e kakamaaku are e kaotaki nako iu te kaotioti i bukin te kam'aam'ane ao te urub'ai. Tuanga Eram ao Miria b'a a na katobibia man buakaniia kaain B'aburon. E a tia n tuea te UEA b'a na katoka te karawaawata are a karikia.

Taniera 5:28

Te bwenauaki, E a tia ni bwenauaaki ueam, ao a anganaki kaain Miria, ma kaain Bootia”

Taniera 8:2

I a mena i nanon oon te kaawa are Tutian n te burawinti are Eram i nanon te kaotioti arei. Ao I tabe n teitei i rarikin te karaanga are Urai,

Taniera 8:20

Te tiibu m'aane are ko nooria are iai korona aika uaai bon rab'atan te tautaeka ni Miiria ao ni Bootia.

M'akuri 16:6

Ao a m'ananga n ri nukan te aba are Berukia ma Karatia, ngke a tukaki iroun te Tamnei are Raoiroi b'a a na aki taekina ana taeka te Atua i Atia;

M'akuri 18:2

e kaitibo iai ma te I-Iutaia ae arana Akura ae bungiaki i Bonto, ae e a tib'a roko mai Itare, ma Beritikira are buna, i mwin ana taeka Keraurio nakoia I-Iutaia ni kabaneia b'a a na kitana Rom. E nako ni kawariia B'auro,

M'akuri 19:10

E kakaraoa aei i nanon uoua te ririki, n te aro are a bane n ongo ana taeka te UEA aomata ake a maeka i Atia, ake I-Iutaia ma I-Erene.

M'akuri 19:27

Iai ngkanne te kangaanga ae na reke nakon ara m'akuri aei, b'a e nang aki kubaraki. Ma tiaki ti ngaia, ma iai naba te kangaanga ae na reke nakon um'antabun te anti are kakannato are Nei Aritemito, b'a e nang kakeaki bonganana; ao Nei Aritemito, are taromauriaki i Atia ao i aonnaba, e nangi mauna kakannatona!

M'akuri 19:31

A kanakoa naba nakoni B'auro aia rongorongo I-Atia tabem'aang, aika taan tautaeka aika raoraona, ao a tuangnga b'a e na aki kaoti n aia tabo ni bobotaki kaain te kaawa.

M'akuri 2:8

Ao e aera ngkai ti bane n ongo n taetaen abara nako ake ti bungiaki iai?

M'akuri 20:16

B'a e a tia ni moti n ana iango B'auro b'a e na borau n aki kaeta Ebeto, ma e na kitanna: b'a e aki kani kabanea ana tai i Atia, b'a e taenoa ni kan roko i Ierutarem n te bong are Bentekota, ngkana e kona.

M'akuri 20:18

Ngke a roko i rouna, ao e taku nakoia: Kam ataia b'a ni moa man te bong are I roko i Atia iai, ao i nanon naba boongi ni kabane ake I mena iai iroumi.

M'akuri 20:4

Ao e iria Tobatero are natini Buro, are te I-Beroia; a iri naba Arititareko ma Tekunro ake I-Tetaronike, ma Kaio are te I-Rerebe, ma Timoteo, ao Tukiko ma Terobimo ake I-Atia.

M'akuri 21:27

Ngke a kani koro boong ake itibong, ao a nora B'auro I-Iutaia ake kaain Atia i nanon te Tembora. A kakiriweia aomata ni kabaneia, ao a taua B'auro.

M'akuri 24:18

Ngke I karaoa aei ao a norai n te Tembora, i mwin tian te m'akuri ni kaitiaki nako iu. Akea aomata i rarikiu, ao akea naba te kiriwe; ma iai I-Iutaia tabem'aang mai Atia aika mena ikekei.

M'akuri 27:2

Ao ti toka ni kaibuken Areramuteno tewaana, ae nangi borau nakon taabo n rooro i Atia, ao ti borau; ao raora Arititareko ae te I-M'aketonia mai Tetaronike.

M'akuri 6:9

Ao a kauntaeka ma Tetebano aomata tabem'aang aika kaain te m'aneaba are aranaki b'a m'aneabaia Aomata aika Inaomata, aika I-Iutaia mai Kurene, ao mai Arekanria, ni botaki ma I-Iutaia mai Kirikia ao mai Atia.

M'akuri 7:2

Ao e kaangai Tetebano, Mm'aane aika taari, ma taama, kam na ongora. E kaoti te Atua are mimitong nakon tamara are Aberaam, ngke e mena i Metobotamia, ngke e tuai ni maeka i Aran.

I-Rom 16:5

Kam na anga naba au kamauri nakon te ekaretia ake a naanako kaaina ni bobotaki i nanon aia auti. Anga au kamauri nakon Ebaineto are tangiraki i rou, boni ngaia te moan aomata i Atia n onimakina Kristo.

1.I-Korinto 16:19

A kamauringkami taian ekaretia i Atia. A anga aia kamauri ae bati nako imi i nanon te UEA Akura ma Beritika, ma te ekaretia are a bobotaki kaaina i nanon aia auti Akura ma Beritika.

2.I-Korinto 1:8

B'a ti aki tangiringkami, taari, b'a kam na aki ata rawawatara are roko i roura i Atia: b'a ti bati n taonaki iai i aon are ti kona, ao akea ara kaantaninga b'a ti na maiu maiai;

Te Tua-Kaua 23:4

E riki aei nakoia i bukina b'a ngke kam otinako mai Aikubita, ao a aki karekei kanami ma nimam, ao i rarikin anne, a kabooa naba B'araam b'a e na katekebuakaingkami.

2.Timoteo 1:15

Ko ataiia ake a mena i Atia b'a a bane n nako ni kitanai; ao raoia naba Bukero ma Eremokene.

1.Betero 1:1

Mairouni Betero, ae ana tia tuatua Iesu Kristo, nakoia akana rineaki akana iruwa akana uamaae i Bonto, ao i Karatia, ao i Kabatokia, ao i Atia, ao i Bitunia,

Te Kaotioti 1:11

ae kaangai, “Ane ko noria ao ko na koroia n te boki, ao ko na kanakoa te boki anne nakoia ekaretia ake itiua n taabo aikai: Ebeto, Temurena, Barekamo, Tuateira, Tareteiti, Biraterebia, ao Raorikeia.”

Te Kaotioti 1:4

Mairoun Ioane nakoia ekaretia ake itiua ake i Atia: Ami b'ai te akoi ma te raoi mairoun Teuare bon iai ngkai, ao iai ngkoa, ao iai rimwi n aki toki; ami b'ai naba te akoi ma te raoi mairouia tamnei ake itiman ake a memena i nanoaan ana kaintokanuea;

Tani Motiki-taeka 3:8

Ao E un te UEA n te m'akuri aei, ao E a kataenikaiia Iteraera iroun te uea are Kutianritiataim are uean Turia Meang, are e tautaekanna Iteraera i nanon wanua te ririki ma n rikoi aia roonrab'ata aomata nako.