M'akuri 2:7 - Te B'aib'ara

⁷ A bon rangi ni mimi i rouia, ma ngaia are a kaangai, Noria, tiaki I-Kariraia uaakai ni kabaneia aika taetae?

M'akuri 2:7 Iomraidhean Croise

Mataio 21:11

Ao a taku aomata ake a ira Iesu, “Bon Iesu are te burabeti Teuaei mai Natareta are i Kariraia.”

Mataio 26:73

Ao e aki maan i mwin arei, ao a nako ni Betero aomata ake a teitei ikekei, ao a taku, “Bon raoia naba temanna ngkoe, b'a e kaotiko eeni b'anaam mai Kariraia.”

Mataio 8:10

Ngke E ongo taeka aikai Iesu, ao E mimi iai; ao E taku nakoia ake a iria, “E koaua ae I a tuangngkami b'a akea i buakoia Iteraera ae I kunea b'a iai ana onimaki ae korakora n aron aei.

Mareko 1:27

A bane aomata ni mimi, ao a i titiraki ni kangai, “Tera te baei? Te reirei ae boou? B'a E taetae ma te m'aaka nakoia anti aika buakaka ao a ongo i Rouna.”

Mareko 2:12

Ao teuarei, e tei rake, ao e tabeka nnena ni wene n te tai naba arei, ao e oti nako i mataia te koraki akekei ni kabaneia; ma ngaia are a bane ni mimi, ao a kamoamoa te Atua ni kangai, “Ti tuai man nonora te aro aei ma rimoa!”

Ioane 7:52

A kaeka ao a taku nakoina, “Te I-Kariraia naba ngkoe? Ko na ukeuke n te B'aib'ara, ao ko na noria iai b'a akea taekan te burabeti ae na kaoti mai Kariraia.”

M'akuri 1:11

ao a taku, “Mm'aane aika I-Kariraia, kam aera ngkai kam tei n tara rake nako karawa? Iesu aei, are uotaki rake mai roumi nako karawa, E na manga nako mai n te aro ae ti te bo naba ma aron ae kam noria iai ngkai, ngkae E nako karawa.”

M'akuri 2:12

Ao a bane ni mimi ma ni minotaki aia iango, ao a i titiraki i rouia ni kaangai, “Tera nanon te baei?”

M'akuri 2:8

Ao e aera ngkai ti bane n ongo n taetaen abara nako ake ti bungiaki iai?

M'akuri 3:10

ao a ataia b'a bon teuare tetekateka ni bububuti n te mataroa are arana Tamaroa, are te mataroa n rin nakon te Tembora; ao a bon rangi ni mimi n te baere e riki nakoina.