M'akuri 2:5 - Te B'aib'ara

⁵ Iai i Ierutarem I-Iutaia aika rangi n taua te Aro n Iutaia; a roko man aaba nako i aonnaba.

M'akuri 2:5 Iomraidhean Croise

Te Otinako 23:16

Kam na karaoa te Toa ae M'anganikaai ni katoa taai ngkana e a kaan banen bongin te aumeaang ngkana kam moana taian ami uita, ngkana kam karaoa te Toa ae M'anganikaai.

Itaia 66:18

I ataia b'aai ni kabane aika kam karaoi ao aika kam iangoi! E a roko ngkai te tai are a na ikotaki iai aomata nako aika a kakaokoro aia taeka ao botannaomata nako ni kaota nakoia mimitongiu

Tekaria 8:18

E tuangai te UEA ae Moan te M'aaka b'a N na kaangai:

Mataio 24:14

Ao ane e na tataekinaki euangkerion Uean te Atua i aonnaba ni kabuta, b'a a aonga n reke aia tai ni butim'aia aomata nako; ao ngkanne ai tib'a ana tai te toki are e na roko iai.

Ruka 17:24

B'a aron te iti ae iti ao e kaota karawa man iterana teuana nakon are teuana, ao ai aron naba Natin te Aomata n ana bong.

Ruka 2:25

N te tai anne ao iai te aomata temanna i Ierutarem ae arana Timeon. Teuaei e b'aina te maiu ae raoiroi i matan te Atua ao e kakaonimaki; e kaantaninga te tai are na buokaki iai Iteraera man rawawatana, ao e mena i rouna te Tamnei are Raoiroi.

Ruka 24:18

Ao temanna i rouia ae arana Kireob'a, e kaeka ni kangai, “Ti Ngkoe te aomata ae mena i Ierutarem ae e aki ongo taekani baika a tia n riki ikekei i nanon tabeua boongi n nako?”

Ioane 12:20

Iai I-Erene tabem'aang i buakoia aomata ake a nako Ierutarem b'a a na taromauri n tain te Toa are te Riao.

M'akuri 10:2

E kakaonimaki Korenerio nakon ana kaantaninga te Atua, ao e rangi ni karinea te Atua, ti te bo arona ma kaain ana utu; e aki toki n angaanga b'aai n tituaraoi, ao e b'aina te tatataro nakon te Atua.

M'akuri 10:7

Ngke e nako te anera are taetae nakoina, ao ngaia e weteia uoman mai rouia taani m'akuri n ana auti, ao temanna mai rouia ana tautia ake a buobuokia, ae e kakaonimaki nakon ana kaantaninga te Atua.

M'akuri 13:50

Ma a kaunaki irouia I-Iutaia aine ake a kakannato ake a kakaonimaki nakon ana kaantaninga te Atua, ao a kauniia naba mm'aane ake a kakannato n te kaawa, ao a karaoi m'akuri ake a riki ni b'ainikirinaki iai B'auro ma B'arenaba irouia aomata, ao a kakioia nako man abaia.

M'akuri 2:1

Ngke e roko te bong are Bentekota, ao a bane ni botaki ake a onimakina Iesu n te tabo ae ti teuana.

M'akuri 22:12

Iai te aomata ae arana Anania, ae tataromauria te Atua, ae ongeaba nakon te tua, ao e atoatongaki b'a e raoiroi irouia I-Iutaia ni kabaneia ake a maeka ikekei.

M'akuri 8:2

Iai aomata aika onimakina te Atua, aika uota nako rab'atan Tetebano n taunna, ao a karaoa te tanginiwenei ae bati i aona.

M'akuri 8:27

Ao ngaia e katauraoia, ao e nako. Ao noria, te aomata temanna, ae te I-Itiobia, ae te iunaki, ae rietaata nakoana irouni Kantake, are te uea n aine i Itiobia, ae te tia kawakini mwin ana b'ai nako neierei aika kakawaki, e a tia n roko i Ierutarem b'a e taromauri iai,

Te Tua-Kaua 2:25

N na karikiia kaain botannaomata ake tabeua b'a a na maakuingkami. Ane a ruru ni maaku ngkana iai ae taekiningkami, ao ane a na rangi ni maaku ngkana kam kaoti.’ ”

I-Korote 1:23

Ma kam bon riai ni matoatoa ma n nene n ami onimaki, ao kam na aki kam'aingaki man te kaantaninga are reke i roumi ngke kam ongo taekan te euangkerio; are e tataekinaki nakoia aomata ni kabaneia i aonnaba ni kabuta ao are I riki iai, ngai ae B'auro, b'a te tia m'akuri i bukina.