M'akuri 2:42 - Te B'aib'ara

⁴² A botum'aka nakon reireiaia irouia taan tuatua, ao nakon aroia n i buokanib'ai; ao a kakaonimaki nakon iriran aia bobotaki n am'arake ma n tataro.

M'akuri 2:42 Iomraidhean Croise

Ruka 24:30

Ngke E taibora n am'arake ma ngaiia, ao E anaa te kariki ao E tataro ni katituaraoi, ao E urua, ao E anganiia.

Ruka 24:35

A taekina ngkanne te b'ai are e a tia n riki i nanon te kawai, ao aroia ngke a kinaa te Uea n te tai are E urua iai te kariki.

M'akuri 1:14

A aki toki uakekei ni kabaneia ni kakaonimaki ni bobotaki n tatataro, ma aine, ma Nei Maria are tinan Iesu, ma tarin nako Iesu.

M'akuri 11:23

Ngke e roko ao e nora aron ana akoi te Atua nakoia, ao e kim'areirei; ao e kaungai nanoia ni kabane b'a a na nim ma te UEA ma nanoia ni koaua.

M'akuri 14:22

ni kakorakorai nanoia taan onimaki, ao ni buokiia b'a a na botum'aka n onimaki, ao a kaangai, “Ti riai n ri nanon rawawata aika bati b'a ti aonga n rin n Uean te Atua.”

M'akuri 2:46

A bobotaki n te Tembora ma te nano ae ti teuana ni katoa bong, ao a bobotaki n am'am'arake n aia auti nako, ao a kang kanaia ma te kukurei ao te nanoraoi,

M'akuri 20:11

Ao e a manga rierake B'auro, ao e urua te kariki n am'arake ma ngaiia; e ananau ana tai ma ngaiia b'a a maroroo ni karokoa e a moanna n oota otan taai, ao e a tib'a nako.

M'akuri 20:7

Ngke ti botaki n am'arake n i raorao ni moani bongin te wiiki are te moa ni bong, ao e anga ana taeka n reirei B'auro i bukina ngke e nangi nako n te ingabong; ao e waaki n taetae ni karokoa e nukanibong.

M'akuri 4:23

Ngke a kainaomataki Betero ma Ioane, ao a nako ni kawaria raoia, ao a kaongoraeia n aia taeka aia mataniwi ibonga ma unimm'aane ake a taekin nakoia.

M'akuri 4:31

Ngke a tia n tataro ni bubuti, ao e m'aeiei te tabo are a botaki iai; ao a bane ni kaonaki n te Tamnei are Raoiroi, ao a tataekina ana taeka te Atua ma te ninikoria.

M'akuri 6:4

Ao ngaira ti na kabanei riki ara tai n te tataro, ao n tabeakinan ana taeka te Atua.”

I-Rom 12:12

E na reke iroumi te kim'areirei n ami kaantaninga; b'aina te taotaonaki n nano i buakon te rawawata, ao b'aina te tataro n taai nako.

1.I-Korinto 10:21

Kam aki kona ni moi man ana m'angko te UEA ao man aia m'angko taimonio. Kam aki kona n uaia n am'arake n ana taibora te UEA ma aia taibora naba taimonio.

1.I-Korinto 11:2

I kamoamoaingkami, ngkai kam ururing baike I karaoi ao I reireiningkami iai, ao ngkai kam iri nanon taeka n reirei ake I a tia n anganingkami.

1.I-Korinto 14:6

Ma ngaia aei, taari, ngkana arona b'a I roko i roumi n taetae n taetae aika aki ataaki, ao tera kab'aiami iai i rou? Bon akea, ma ti ngkana I taekina nako imi kanoan te kaotioti are roko nako iu, ke n taekin taekan te atatai ma te taeka ni burabeti, ke te taeka n reirei.

I-Karatia 1:6

I mimi ngkai kam kai rairaki mairoun Teuare weteingkami n ana akoi Kristo, nakon te euangkerio teuana;

I-Ebeto 2:20

Kam kateaki i aon taiani boua ake taan tuatua ma burabeti; ao Kristo Iesu boni Ngaia te atibu are bouan te maninganinga are moan te kakannato;

I-Ebeto 6:18

Ao kam na tataro n aki toki n taian tataro ni kabane ma bubuti, n ai aroni kairami iroun te Tamnei; ao kam na kamarurungngkami nako iai, ma n aki b'ara n nano, ni bubuti i bukiia ake a itiaki ni kabaneia,

I-Biribi 1:5

i bukin aromi ni buokanib'ai n te m'akuri i bukin te euangkerio man te bong are kam moa n ongo iai ni karokoa ngkai;

I-Korote 1:23

Ma kam bon riai ni matoatoa ma n nene n ami onimaki, ao kam na aki kam'aingaki man te kaantaninga are reke i roumi ngke kam ongo taekan te euangkerio; are e tataekinaki nakoia aomata ni kabaneia i aonnaba ni kabuta ao are I riki iai, ngai ae B'auro, b'a te tia m'akuri i bukina.

I-Korote 4:2

Kam na tai toki n tatataro, ao kam na kamarurungngkami iai ni katituaraoi;

2.Timoteo 3:14

Ma ngkoe, ko na tai toki n tauu ni kamatoai baikana ko reireiaki iai, akana ko kakoauai raoi, ngkai ko ataiia ake a reireiniko iai;

Ebera 10:25

Ao ti na tai kaki arora ni bobotaki, n ai aroia tabem'aang; ma ti na b'aina te aro ni kaunga ni kabatia riki, ngkai kam ataia b'a e a kan roko te bong arei.

Ebera 10:39

Ma tiaki ngaira kaain te kerikaki nakon te mate, ma kaain te onimaki nakon te maiu.

1.Ioane 1:3

are ti a tia n noria ma n ongo, ao ti taekinna naba nako imi; b'a kam aonga n uaia ni buokanib'ai iai ma ngaira, n ai aron are ti buokanib'ai iai ngaira ma te Tama ao Natina are Iesu Kristo.

1.Ioane 1:7

ma ngkana ti nakonako n te oota n ai arona ngkae E mena n te oota, ao ti i raorao i roura, ao e kaitiakiira raraan Iesu are Natina man te buakaka ni kabane.

1.Ioane 2:19

Kairiribai aikai a nako mai buakora, ma bon tiaki raora; b'a ngke arona b'a raora, ao a na bon tiku i roura. Ma a nako mai buakora, b'a a na kaotaki b'a tiaki raora ngaiia ni kabaneia.

Iuta 1:20

Ma ngkami aika kam tangiraki, kam na waki ni kateitei aromi i aon ami onimaki ae moan te tabu; ao kam na tataro n aroni kairami iroun te Tamnei are Raoiroi;