M'akuri 2:4 - Te B'aib'ara

⁴ A bane ni kaonaki n te Tamnei are Raoiroi, ao a taetae n taetaen aaba tabeua, n ai aron are E anganiia te Tamnei b'a a na taetae iai.

M'akuri 2:4 Iomraidhean Croise

2.Tamuera 23:2

E a tia Tamnein te UEA n tuangai te b'ai ae N na taekinna.

Itaia 28:11

Ma ngaia are, E na taetae te UEA nakoia ana Aomata ni b'anaa aika a kaokoro ao n taeka n ianena.

Itaia 59:21

E taku te UEA: “Au Aomata, I berita b'a N na anga Tamneiu ma au taeka. E na riki aei b'a au b'aintangira nakoimi ma ami utu n aki toki. Bon aei au taeka Ngai ae te UEA.”

Ieremia 6:11

E ura unim n ekaanako Iuta i nanou ao I aki konaa n taotaonna. Ko na aki tautauai! Ti nang kamaunaia aomata ni kabane— ataei akana a tabe n takaakaro ao ikawai ni kabane, ti te bo ataei ma ikawai.

Etekiera 3:11

Ao i mwiina, ko na nakoia aomata ake raom n nakomai mai B'aburon ao tuangiia b'a iai te rongorongo nakoia mai Rou, Ngai ae te UEA ae te Atua. Karaoa aei, e aoria ngkana a ongora ke a aki.

Mika 3:8

Ma ngai bon irou, E a tia ni karina tamneina ao korakorana te UEA irou, ao E anganai ataakin te eti ao te ninikoria ni kan tuangiia Iteraera aroia aika a bure.

Mataio 10:19

Ngkana a kateingkami, ao tai katabei nanomi n iangoi aromi b'a kam na kanga n taetae, ke tera ae kam na taekinna; b'a ane kam na anganaki baike kam na taekin n te aoa naba arei.

Mareko 16:17

Ao akana onimaki, a kona n noraki irouia kanikina aikai: n Arau ao a na kanakoia taimonio; ao a na taetae n taetae nako;

Ruka 1:15

b'a ane e na kakannato i matan te Uea, ao e na aki nima te wain ae kamanging ke mooi aika matoatoa, ao e na kaonaki n te Tamnei are Raoiroi, man te tai are e mena iai i nanon biroton tinana.

Ruka 1:41

Ngke e ongo Nei Eritabeta ana kamauri Nei Maria, ao te teei are i nanoni birotona, e rina ni kamm'akuri; ao e kaonaki Nei Eritabeta n te Tamnei are Raoiroi

Ruka 1:67

Ao e kaonaki tamana are Takaaria iroun te Tamnei are Raoiroi, ao e taetae n ai aron te burabeti ni kangai,

Ruka 12:12

b'a E na reireiningkami te Tamnei are Raoiroi n te aoa naba arei ami taeka akana riai b'a kam na atong.

Ruka 21:15

B'a Ngai ae N na anganingkami te wii ae ribinewe ma te rabakau, b'a a aonga n aki kona aiami n tuuki ao ni kakewei ami taeka.

Ruka 4:1

Ngke E oki Iesu man te karaanga are te Ioretan ao E kaonaki n te Tamnei are Raoiroi. E kairaki iroun te Tamnei are Tabu nakon te rereua.

Ioane 14:26

Ma te Tia Buobuoki, are te Tamnei are Raoiroi, are E na kanakomaia te Tama n arau, E na reireingkami b'aai ni kabane, ao E na kaururingkami taeka ni kabane ake I a tia n atong.

Ioane 20:22

Ngke E a tia n atonga aei, ao E ikeike nako aoia, ao E taku nakoia, “Kam na butim'aea te Tamnei are Raoiroi i nanomi.

M'akuri 1:5

B'a e b'ab'abetito Ioane n te ran, ma ane kam na b'abetitoaki n te Tamnei are Raoiroi i mwini boong tabebong.”

M'akuri 1:8

Ma ane kam na anganaki te m'aaka, ngkana E roko te Tamnei are Raoiroi i aomi; ao ane kam na riki b'a taan tataekinai nakoia aomata i Ierutarem ao n taabo nako i Iuta, ao i Taamaria, ao i aonnaba ni kabuta.”

M'akuri 10:46

B'a a ongo i rouia ngke a taetae n taetae aika aki ataaki nanoia, ao ngke a neboa te Atua. E kaekaia ngkanne Betero, ao e taku,

M'akuri 10:47

“E a reke irouia aomata aikai te Tamnei are Raoiroi n ai arora naba. Iai tukaia b'a a na aki kona ni b'abetitoaki n te ran arei?”

M'akuri 11:15

Ao ngke I moana au kakarabakau, ao E roko i aoia te Tamnei n aron are e a tia n riki nako ira rimoa.

M'akuri 11:24

B'a te aomata ae e raoiroi B'arenaba, ao e on n te Tamnei are Raoiroi, ao bon te tia onimaki ni koaua. Ao a bati aomata ake a tib'a onimakina te UEA.

M'akuri 13:52

Ao a kaonaki reirei ake i Antioka n te kim'areirei ao n te Tamnei are Raoiroi.

M'akuri 13:9

Ao e kaonaki n te Tamnei are Raoiroi Tauro, are aranaki naba b'a B'auro; e katokai matana n tara te tia tabunea arei, ao e taku,

M'akuri 15:8

Ao te Atua, are atai naano nako, E kaota aroni butim'aeaia aomata aika tiaki I-Iutaia i rouna ngke E anganiia te Tamnei are Raoiroi, n ai arona naba ngke E anganira;

M'akuri 19:6

Ao ngke e katokaa baina B'auro i aoia, ao E roko te Tamnei are Raoiroi i aoia; ao a taetae n taetaen aaba aika bati, ao a taetae ni burabeti.

M'akuri 2:11

aika I-Iutaia ma aomata aika tiaki I-Iutaia aika a tia n riki b'a kaain te Aro n Iutaia, ma I-Kirete, ma I-Arabia; ti bane n ongo i rouia ngkai a taekin ana m'akuri te Atua aika kamimii n ara taetae nako.

M'akuri 2:3

Ao a noori baika ai aron te ai aika ura, aika ai aron taraan te newe; a uamaae nako baikai n tatabeua nakoia, ao a tiku i aoia n tatabemaniia nako.

M'akuri 4:31

Ngke a tia n tataro ni bubuti, ao e m'aeiei te tabo are a botaki iai; ao a bane ni kaonaki n te Tamnei are Raoiroi, ao a tataekina ana taeka te Atua ma te ninikoria.

M'akuri 4:8

E kaonaki Betero n te Tamnei are Raoiroi, ma ngaia are e taku nakoia, Ngkami aika aia mataniwi aomata, ma unimm'aane,

M'akuri 6:3

Ma ngaia aei, taari, kam na rineia itiman i buakomi aika kakoauaki b'a a on n te Tamnei ma te rabakau, ao ti na katabeia n te m'akuri aei.

M'akuri 6:5

A bane ni kukurei n te taeka arei te koraki arei; ao a rinea ngkanne Tetebano, ae te aomata ae te tia onimaki ni koaua ao e on n te Tamnei are Raoiroi; a rinea naba Biribo, ma Berokoro, ma Nikanora, ma Timon, ma Baremena, ma Nikorao ae te I-Antioka ae tiaki te I-Iutaia, ma e a tia n rairaki nakon te Aro n Iutaia.

M'akuri 6:8

E rangi ni kakab'aiaki Tetebano iroun te Atua, ao e on n te m'aaka: e karaoi m'akuri ni kamimii aika ab'ab'aki ma kanikina i buakoia aomata.

M'akuri 7:55

Ma e on n te Tamnei are Raoiroi Tetebano, ao e kanene matana n tara karawa. E nora mimitongin te Atua, ma Iesu b'a E tei i angaatain te Atua;

M'akuri 8:17

A katokai baiia ngkanne Betero ma Ioane i aoia, ao a anganaki te Tamnei are Raoiroi.

M'akuri 9:17

Ao e nako Anania n rin n te auti arei, ao e katokaa baina i aon teuarei, ao e kaangai, “Tauro ae tariu, E kanakomaiai te UEA are Iesu, are kaoti nako im i nanon te kawai, ngke ko nako mai, b'a ko aonga ni manga noraba, ao ni kaonaki n te Tamnei are Raoiroi.”

I-Rom 15:13

Ao te Atua are e riki mai Rouna te kaantaninga, E na kaon nanomi n te kim'areirei ni kabanea ma te rau i bukina ngkai kam onimakinna, b'a e aonga n teimatoa ami kaantaninga ni m'aakan te Tamnei are Raoiroi.

1.I-Korinto 12:10

ao e anganaki temanna karaoani m'akuri aika kamimii. Ao tabeman b'a burabeti, ao tabeman te kona ni kinaa Tamnein te Atua ngkana e kaoti. Ao tabeman te kona n taetae n taetae aika aki ataaki nanoia, ao tabeman te kona ni kab'arab'arai nanoia.

1.I-Korinto 13:1

I kaota nako imi te aro ae moan te raoiroi riki: ngkana iai i rou te kona n taetae n taetaen aaba nako ma aia taetae anera, ma ngkana akea te tangira i rou, ao I riki n ai aron te b'ai ni katangitang ae te buraati ae e karongoa tangina, ma te b'ai ni katangitang ae te timbara ae e karongoa naba tangina.

1.I-Korinto 13:8

E aki kona ni mauna te tangira; ao ngkana iai taetae ni burabeti, ao a na kamaunaki; ao ngkana iai taetae aika a aki ataaki nanoia, ao a na bon toki; ao ngkana iai te atatai, ao e na kamaunaki naba.

1.I-Korinto 14:18

I katituaraoa te Atua ngkae e bati n reke i rou te kona n taetae n taetae aika aki ataaki nakon ane e reke i roumi.

1.I-Korinto 14:5

I tangiringkami b'a kam na taetae n taetae aika aki ataaki, ma e a raoiroi riki ngkana kam taetae ni burabeti. E bongana riki te aomata ane taetae ni burabeti nakon ane taetae n taetae aika aki ataaki; ma ti ngkana iai ae kona ni kab'arab'ara nanon ana taeka b'a e aonga n reke kateimatoan te ekaretia iai.

I-Ebeto 3:19

b'a e aonga naba n iai iroumi te kona n ata tangirami irouni Kristo, are e aki konaaki n ataaki raoi arona, b'a a aonga ni kaonaki maiumi n anuan te Atua ni kabane.

I-Ebeto 5:18

Kam na tai manging, b'a ngaia ae na urua arom, ma kam na kaonaki n te Tamnei are Raoiroi.

I-Ebeto 6:18

Ao kam na tataro n aki toki n taian tataro ni kabane ma bubuti, n ai aroni kairami iroun te Tamnei; ao kam na kamarurungngkami nako iai, ma n aki b'ara n nano, ni bubuti i bukiia ake a itiaki ni kabaneia,

1.Betero 1:12

E kaotaki nakoia burabeti akanne b'a a aki taekini baikai i bukiia, ma a taekin i bukimi, aika baika taekinaki ngkai nakoimi irouia ake a tuangngkami te euangkerio iroun te Tamnei are Raoiroi are kanakomaiakaki mai karawa; aika baika a kan atai naba anera.

2.Betero 1:21

b'a bon akea te taetae ni burabeti ae roko n te tai teuana man oin nanon te aomata; ma aomata a taekina te taeka are roko mairoun te Atua, ni kairaia iroun te Tamnei are Raoiroi.

1.Tamuera 1:14

E taku, “Tao ana manra arom n tiku ni manging ikai? Ani katoka mangingim!”

1.Tamuera 10:10

Ao ngke e roko Tauro i Kibea, ao e kaaitibo ma koraki ni burabeti. Ao e rina n niniaki n Tamnein te Atua, ao e a moana ana taetae ni burabeti i nuukan te koraki arei.