M'akuri 2:39 - Te B'aib'ara

³⁹ B'a E a tia te Atua n anga ana taeka n akoi nakoimi, ao nakoia ami kariki, ao nakoia naba ake a mena i kiraroa, ake E weteia te UEA are Atuara nakoina.”

M'akuri 2:39 Iomraidhean Croise

Itaia 44:3

N na kakab'aia te aba ae e m'autakataka ni kanakoa taiani karaanga n ran, N na kakab'aia ami kariki n anganiia Tamneiu

Itaia 54:13

N na reireiniia natimi ao N na karaoia b'a a na teetekeraoi.

Itaia 57:19

koraki aika a tang E aoria ngkana ko mena iai, N na kamaiuko Ngai ae te UEA ao N na anganiko te rau.

Itaia 59:19

E na buaka kaanga te ieka i nanon te angibuaka ae e korakora. Ane a na karinea ma n neboa arana ae e kamimii botannaomata ake i maeao ao i mainiku.

Itaia 59:20

Boni Ngai ae te UEA ae I a tia ni berita b'a N na kamaiua te kaawa are Tion ao ana kariki Iakob'a ake a rairaki man aia bure.

Itaia 65:23

A na tetekeraoi aia m'akuri, ao natiia a na aki kaitibo ma kabuanib'ai. N na kakab'aiaia ma kanoaia ni kabane aia tai.

Etekiera 37:25

A na maeka ma aia kariki n te aba are I angan Au toro are Iakob'a, te aba are a maeka iai aia bakatibu. A na maeka ikekei n aki toki, ao ai uana naba ma natiia ma aia kariki nako. E na uea i aoia te aomata ae ai aron au toro are Tawita n aki toki.

Ioera 2:28

Rimwi riki, N na anga Tamneiu nakoia aomata nako. A na riki ni burabeti natimi m'aane ma natimi aine. A na mii taiani mii ami unim'aane, a na noori taiani kaotioti ami rorobuaka n ataei.

Ioera 2:32

Ao ane E na kamaiuia aomata nako te UEA aika a kakaonimaki n taromauriia. E a tia ni berita b'a a na iai aika a reke maiuia i aon te Maunga are Tion ao Ierutarem, ao e na mena i buakoia te aomata are E rineia.

M'akuri 10:45

A mimi I-Iutaia ake a onimakina Iesu, ake raoni Betero n roko mai Iobe, b'a E nurakina naba te b'ai n tituaraoi are te Tamnei are Raoiroi te Atua i aoia aomata aika tiaki I-Iutaia;

M'akuri 14:27

Ao ngke a roko i Antioka, ao a botiia kaain te ekaretia, ao a karakini b'aai ni kabane ake E karaoi te Atua i rouia, ma arona ngke E kauka mataroan te onimaki nakoia aomata aika tiaki I-Iutaia.

M'akuri 15:14

E a tia Timon ni karakina aron te Atua ngke E moa ni kawariia aomata aika tiaki I-Iutaia b'a E na anaa te botannaomata mai buakoia b'a ana b'ai.

M'akuri 15:3

Ma ngaia are, ngke a kanakoaki iroun te ekaretia, ao a ri nuukani Boinike ma Taamaria, ni karakin taekan rairan nanoia aomata ake tiaki I-Iutaia; a rangi ni kim'areirei taari i rouia ngke a ongo arei.

M'akuri 15:8

Ao te Atua, are atai naano nako, E kaota aroni butim'aeaia aomata aika tiaki I-Iutaia i rouna ngke E anganiia te Tamnei are Raoiroi, n ai arona naba ngke E anganira;

I-Rom 11:29

B'a E aki kona te Atua ni kaoki b'aai ake E a tia n anga, ao E aki kona ni m'aninga taekaia aomata ake E a tia n rineia.

I-Rom 8:30

Ao E weteia naba ake E a kamani baireia; ao ake E weteia E kaeti naba aroia n reitaki ma Ngaia; ao ake E kaeti aroia n reitaki ma Ngaia, E neboia naba.

I-Rom 9:24

B'a I-Iutaia ngaira ke tiaki, ma boni ngaira te koraki ake a weteaki;

I-Rom 9:4

ake Iteraera, ake a tabekaki iroun te Atua b'a natina, ake E kaota mimitongina nakoia, ao E karaoi taiani boraraoi ma ngaiia; E anganiia te Tua, ao e reke i rouia te aro n taromauri ni koaua, ma taeka n akoi,

1.I-Korinto 7:14

I taekina aei i bukina b'a te mm'aane ae aki onimaki e a warekaki b'a temanna ngaia i buakoia ana aomata te Atua i bukin arona ni katiteuanaki ma buuna; ao te aine ae aki onimaki e a riki b'a temanna ngaia i buakoia ana aomata te Atua i bukini buuna ngkae e onimaki. B'a ngkana tiaki arona aei, ao natiia a na katotoong aroia ataei aika natiia beekan; ma ngkana arona aei, ao a butim'aeaki natiia iroun te Atua.

I-Ebeto 1:18

ngkai a kaotaki matan nanomi b'a kam aonga n ataia b'a tera te kaantaninga n ana weewete, tera te kab'aia ae bati ae kamimii arona, are E na anganiia ake a itiaki;

I-Ebeto 2:12

ao kam tuai n reitaki ma Kristo ngkekei, ngke kam ianena nakoia te botannaomata ae Iteraera, ao akea nnemi n taiani boraraoi ake kanoan te taeka n akoi, akea ami kaantaninga ao kam aki reitaki ma te Atua ni maiumi i aon te aba aei.

I-Ebeto 4:4

Ti teuana te rab'ata, ao ti temanna te Tamnei are Raoiroi, n ai aron naba weteami b'a kam weteaki nakon te kaantaninga ae ti teuana.

2.I-Tetaronike 1:11

Anne bukin ae ti aki toki iai n tataro i bukimi, b'a E na karaoingkami Atuara b'a kam na tau nakon te maiu are E a tia ni weteingkami nako iai b'a kam na b'ainna; ao E na kabongana m'aakana ni kakororaoa nanomi n tangira te raoiroi, ma ni katiai baika kam karaoi i bukin ami onimaki;

2.Timoteo 1:9

are kamaiura ao E weteira b'a ti na riki b'a ana aomata, tiaki i bukini baika ti a tia ni karaoi, ma i bukin oin ana kaantaninga ma ana akoi, are ti anganaki ngkai ti reitaki ma Kristo Iesu; ao te akoi aei e a kaman tauraoi i bukira ngke a tuai ni karikaki b'aai;

Ebera 3:1

Ma ngaia aei, taari aika kam itiaki, aika raou ni weteaki mai karawa, kam na iangoa te Tia Tuatua are Iesu, are Mataniwiia ibonga n te onimaki ae ti tataekinna.

Ebera 9:15

I bukin aei ngkanne, ao Kristo boni Ngaia ae buoka reken te boraraoi ae boou, are a kona iai te koraki ake a weteaki iroun te Atua ni kab'aib'aiaki n te kab'aia ae akea tokina, are E a tia te Atua n taekinna n ana taeka n akoi. E kona ni karaoaki aei i bukina b'a iai te mate are kainaomataia aomata man taiani bure ake a karaoi ngke bon iai te moa ni boraraoi.

1.Betero 5:10

Ao te Atua are mai Rouna te akoi ni kabane, ae weteingkami nakon neboakina ae aki toki ngkai kam reitaki ma Kristo, E na karaoingkami b'a a na nako raoi aromi i mwini marakimi n te tai ae aki maan, ao E na kateimatoaingkami ma ni kakorakoraingkami ma ni kamatoatoaingkami

2.Betero 1:10

Ma ngaia aei, taari, kam na rangi ni kekeiaki m'aaka ni kaotingkami ni maiumi b'a kam boni weteaki ma n rineaki; b'a ngkana kam karaoa aei, ao kam na bon aki b'aka.

2.Betero 1:3

E a tia te Atua n oini m'aakana n anganira b'aai ni kabane i bukin te maiu ni Kristian, n ataakin Teuare weteira b'a ti na buokanib'ai ma Ngaia n arona ma kateina ae e raoiroi;

Te Kaotioti 17:14

Ane a na buakana te Tiibuteteei, ao a na konaaki aoia iroun te Tiibuteteei ma raona ake a weteaki ma n rineaki ake a kakaonimaki, b'a kioina ngkai te Tiibuteteei bon aia Uea ueea ao aia King kiing.”

Te Kaotioti 19:9

Ao e taku te anera nako iu, “Ko na korea ae kaangai, A a kab'aia akana kaoaki nakon ana am'arake ni mare te Tiibuteteei.” Ao e kaangai naba, “Taeka aikai bon taeka aika koaua aika ana taeka te Atua.”