M'akuri 2:24 - Te B'aib'ara

²⁴ ma E a manga kamaiua te Atua ao E kainaomata man te mate: b'a E aki konaaki n tauaki Iesu ni m'aakan te mate.

M'akuri 2:24 Iomraidhean Croise

Taian Areru 116:16

I neboiko, te UEA; n ai aron are kakaraoia tinau. Ko a tia ni kamaiuai man te mate.

Itaia 10:7

A na bon m'aiti riki ana iango i nanona, i bukina ngke e tangiria ni kamaunai botannaomata aika a bati.

Itaia 25:8

E na kamaunaa m'aakan te mate te UEA ae Moan te M'aaka ao e na kaoi rannimata ni kabane. E na akea te tabo ae e na manga karawaawataaki iai ana Aomata Bon ana taeka te UEA!

Itaia 26:19

A na manga maiu am aomata! Tuangiia b'a a na kiitan ruanimateia ao a na kukurei ni bukamaru ma n takaarua. Ko kabooua te aonnaba kaanga aoin te ingabong; ko anga te maiu nakon te mate.

Itaia 53:10

E motikia te UEA b'a e na karawaawataaki ana tia m'akuri b'a te karea i bukin kab'araan te bure ao te kaairua i bukiia tabem'aang. Ngkai e na maiu te tia m'akuri b'a e na nooria ake oin ana kariki. E karaoi b'aai ni kabane ake E a tia ni baaireaia te UEA.

Otea 13:14

E bon riai Irou Ngai ae te UEA b'a N na kamaiungkami man te mate ma te ruanimate? I aki! I wetea te mate ma te ruanimate b'a e na oreingkami kaanga rokon te kai. I rawa ni kaota te nanoanga.

Mataio 27:63

ao a taku, “Teuae karineaki, ti uringa ana taeka te tia bureburea-te-aba arei, ngke E kangai n ana tai ni maiu: I mwin tenibong, ao N na manga uti.

Ioane 10:18

Akea ane anaa maiu mairou. I anga n oin nanou. E mena irou te kona n anga, ao te kona n anaia. I anganaki te mwioko aei iroun Tamau.

Ioane 10:35

Ngkana E atongiia te Atua te koraki ake E anganiia ana taeka b'a atua (ao e aki kona ni katinanikuaki taekan te B'aib'ara),

Ioane 12:39

Aio bukin ae a aki kona n onimaki iai, b'a e a manga taku Itaia,

Ioane 20:9

B'a a tuai man ata nanon te B'aib'ara are kaangai, b'a e riai b'a E na manga uti mai buakoia maate.

M'akuri 1:16

“Mm'aane, taari, e riai kakoroan nanon te taeka are n te B'aib'ara are E atongnga ngkoa te Tamnei are Raoiroi ni wiin Tawita, are taekan Iuta, are kairiia ake a taua Iesu.

M'akuri 13:30

Ma E a manga kamaiuaki mai buakoia maate iroun te Atua;

M'akuri 13:37

Ma E aki mka rab'atan Teuare E a manga kamaiuaki iroun te Atua.

M'akuri 17:31

i bukina b'a E a tia ni motika te bong are E nang kaeti iai taekaia kaain aonnaba n te raoiroi iroun te Aomata are E a tia n rineia; ao E kaota koauana nakoia aomata ni kabaneia, ngke E a manga kamaiua mai buakoia maate.

M'akuri 2:32

E a manga kamaiuaki Iesu aei iroun te Atua, ao bon taani kakoaua manga-utina ngaira ni kabaneira.

M'akuri 3:15

ao kam kamatea Uean te maiu, are E a manga kamaiua te Atua mai buakoia maate, ao bon taani kakoaua ngaira nakoni baikai.

M'akuri 3:26

E kateirakea Natina te Atua ao E kanakoa moa nakoimi, b'a E na kakab'aiaingkami, n rairingkami ni kabaneingkami man aromi aika bubuaka.

M'akuri 4:10

ao e na ataaki iroumi ni kabaneingkami, ao irouia naba kaain te botannaomata ae Iteraera: b'a n aran Iesu Kristo are te I-Natareta, are kam kamatea n te kaibangaki, are E a manga kamaiua te Atua mai buakoia maate, boni Ngaia ae kamaiua teuae tei ni marurung i matami.

M'akuri 5:30

E kamaiua Iesu Atuaia ara bakatibu man te mate; boni Ngaia are kam tiringnga n tauria i aon te kaibangaki.

I-Rom 10:9

B'a ngkana ko taekina Iesu ni wiim b'a te UEA ao ko onimaki i nanom b'a E a manga uti iroun te Atua mai buakoia maate, ao ko na kamaiuaki.

I-Rom 14:9

B'a E mate Kristo ao E a manga uti i bukin aei, b'a E aonga n riki b'a aia UEA ake a mate ma ake a maiu.

I-Rom 4:24

ma i bukira naba. E na atongaki nako ira ngaira aika ti onimakina Teuare kamaiua Iesu mai buakoia maate,

I-Rom 6:4

Ma ngaia ae ti taunaki ma Ngaia ni b'abetitoakira nako nanon te mate; b'a aron Iesu ngke E a manga kamaiuaki mai buakoia maate ni m'aakan te Tama, ao ngaira naba ti na nakonako i nanon te maiu ae boou.

I-Rom 8:11

Ma ngkana E maeka i nanomi Tamnein te Atua, are manga kamaiua Iesu mai buakoia maate, are maeka i nanomi, ao te Atua are kamaiua Kristo Iesu mai buakoia maate E na kamaiu naba rab'atami iroun Tamneina.

I-Rom 8:34

Ao antai ae na kabureia? Kristo Iesu boni Ngaia are mate, are E a manga uti mai buakoia maate, ao are E mena naba i angaatain te Atua ni bububuti i bukira.

1.I-Korinto 15:12

Ngkana e taekinaki Kristo b'a E a tia ni manga uti mai buakoia maate, ao e aera ngkai a taku tabem'aang i buakomi b'a akea manga utiia maate?

1.I-Korinto 15:15

Ti na ataaki naba iai b'a ti kewe n ara kaotioti i bukin te Atua, ngke ti kaotiotia b'a Ngaia ae manga kamaiua Kristo man te mate; ma ngkana e koaua b'a a aki manga kamaiuaki maate, ao nanona b'a E bon aki manga kamaiua Kristo.

1.I-Korinto 15:20

Ma E a bon tia ni manga kamaiuaki Kristo mai buakoia maate, ao E riki b'a te b'ai ni kakoaua i bukiia ake a tia ni mate b'a a na manga kamaiuaki naba man te mate.

1.I-Korinto 15:4

E taunaki, ao E a manga uti n te katenibong n ai aron taekana n te B'aib'ara;

1.I-Korinto 6:14

E a manga kamaiuaki te UEA mai buakoia maate iroun te Atua, ao E na boni kamaiura naba ni m'aakana.

2.I-Korinto 4:14

b'a ti ataia b'a Teuare E a manga uti ara UEA are Iesu i Rouna, ti na maiu naba i Rouna ni botaki ma Iesu, ao E na kaotira ma ngkami i matan Iesu.

I-Karatia 1:1

Ngai ae B'auro, ae te tia tuatua, tiaki mairouia aomata, ao tiaki naba iroun te aomata, ma bon te tia tuatua iroun Iesu Kristo ma te Atua ae te Tama, are E a manga uti Iesu i rouna mai buakoia maate.

I-Ebeto 1:20

are E kam'akuria irouni Kristo ngke E a manga kamaiua man te mate, ao E katekatekaa i angaataina i karawa,

I-Korote 2:12

ao ngke kam b'abetitoaki, ao ti te bo ma kam taunaki ma Ngaia ao kam a manga uaia ni manga uti ma Ngaia i bukina b'a kam onimakina ana m'akuri te Atua are E a manga kamaiua man te mate.

1.I-Tetaronike 1:10

ao ni kaantaninga Natina mai karawa are E a manga kamaiua mai buakoia maate, are Iesu, are kamaiura man unin te Atua are e nangi roko.

Ebera 13:20

Ao te Atua, ae mai Rouna te raoi, are kaira rake mai buakoia maate ara Uea are Iesu, are te Tia Kawakin tiibu are kakannato, are e kabonganaki raraana i bukini karaoan te boraraoi are aki toki,

Ebera 2:14

Ma ngaia ae ngkai a buokanib'ai ataei n te raraa ma te iriko, ao Iesu E buokanib'ai naba ma ngaiia ni baikai, b'a e aonga n riki matena b'a kataean ana kai teuare iai m'aakana i aon te mate, ao teuaei bon te riaboro;

1.Betero 1:21

ngkami akana kam onimakina te Atua i rouna, ae E a manga kamaiua mai buakoia maate, ao E anganna te neboaki; b'a a aonga n tiku ami onimaki ma ami kaantaninga iroun te Atua.

Te Kaotioti 1:18

Teuare Maiu Ngai; I mate ngkoa, ao noria, I a manga uti n aki toki, ao bon iai irou kingin te mate ma kingin Eriti.