M'akuri 2:23 - Te B'aib'ara

²³ E a kaman tia ni baireia te Atua, ao E a kaman ataia naba, ae E na tauaki Iesu nakoimi, ao kam kamatea, b'a kam anga nako nanoni baiia aomata aika riri aon te tua, b'a a na tauria n te kaibangaki;

M'akuri 2:23 Iomraidhean Croise

Karikani B'aai 50:20

Kam kam'aneai, ma E a tia n rairia te Atua nakon te b'ai ae e raoiroi, b'a aonga ni kaawakinaki maiuia aomata aika m'aiti aika maiu n te bong aei man te b'ai are a tia n riki.

Taian Areru 76:10

Ko karikiia aomata aika unun b'a a na kabatia riki kamoamoaam; ao naake a kamaiuaki n te buaka ana kateimatoa am toa.

Itaia 37:26

Ko na ongora, ngkai Tennakeriba Irou, Ngai ae te UEA. I baairea te b'ai aei man taai aika a nako. Ao ko tuai man ataia ae bon ti Ngai ni baaireia b'a ngkoe ae ko na karaoi b'aai aikai. I karaoiko b'a ko na urui kaawa aika a buubura.

Taniera 4:35

E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

Mataio 20:19

ao a na anga Ngaia nakoia ianena ake a na b'ainingareia, a na kataerea, ao a na kamatea n te kaibangaki; ma E na manga uti n te katenibong.”

Mataio 26:24

E ira nanon taekana Natin te Aomata n ai aron are e koreaki i bukina; ma e na reke kain te aomata are kam'anea Natin te Aomata! E raoiroi riki iroun te aomata anne ngke tao e aki bungiaki.”

Mataio 27:35

Ao ngke a tia n taura Iesu n te kaibangaki, ao a tib'ai kunnikaina i marenaia n te aro ni kaiwa.

Mareko 15:24

A katinea i aon te kaibangaki, ao a kakaaea n te m'akuri ni kaiwa b'a antai ae na reke tib'ana n ana kunnikai Iesu; ao a karaoa aei b'a aia kawai n tib'atib'ai kunnikaina.

Ruka 22:22

B'a E na waki nako Natin te Aomata nakoni kawaina are katauana; ma e na reke kain te aomata are E kam'aneaki i rouna!”

Ruka 22:37

B'a I taku nako imi b'a e riai b'a a na kakoroaki i Rou bukin taeka ake a koreaki ake a kangai, Ao E warekaki i buakoia taani bure; b'a baika koreaki b'a taekau, a na boni bane ni koro bukiia.”

Ruka 23:33

Ao ngke a roko n te tabo are aranaki b'a te “Tab'anou,” ao a tauria iai n te kaibangaki; a tauriia naba n te kaibangaki taani kam'arua akekei, temanna i rarikin Iesu man te angaatai, ao temanna i rarikina man te angamaing.

Ruka 24:20

Ao ara ibonga ake mataniwi ma taan tautaeka, a anga Ngaia b'a E na motikaki taekana nakon te kamateaki, ao a kamatea n te kaibangaki.

Ioane 19:18

A taura Iesu n te kaibangaki n te tabo arei, ao uoman raona aika tauraki naba ni kaibangaki i rarikina, b'a temanna i rarikina teuana, ao temanna n are teuana, ao Ngaia i nuuka.

Ioane 19:24

A i taetae ngkanne i rouia ao a taku, “Ti na aki urua n tib'aia, ma ti na kaiwaia n noria b'a antai ae na b'ainna iroura.” E riki aei b'a e na kakoroaki bukin are taekinaki n te B'aib'ara are kaangai: “A tib'ai kunnikaiu i buakoia, ao a kaiwa ninirau.” Ao aei ngkanne te baere a karaoia tautia.

M'akuri 13:27

B'a aomata ake a maeka i Ierutarem, ni botaki ma aia tia tautaeka, a aki ataia ae te Tia Kamaiu, ao a aki oota naba n nanon aia taeka burabeti ake a aki toki ni warekaki n te Taabati ae koraki; ma a kakoroi bukin aia taeka burabeti ngke a motika taekana.

M'akuri 15:18

Aei ana taeka te UEA, ae kaoti baikai ma ngkoangkoa.”

M'akuri 2:36

Ma ngaia ae kam na ataia ni koaua ngkami aika Iteraera ni kabaneingkami b'a E a tia te Atua ni karika Iesu b'a te UEA ao te Kristo.

M'akuri 3:18

Ma te Atua are E a kaman tataekinna ni wiia burabeti ni kabane ae E na kamarakaki ana Kristo, E a kakoroa bukina n te aro aei.

M'akuri 4:28

B'a a na karaoi b'aai ni kabane ake Ko a tia ni bairei ni m'aakam ma nanom b'a a na karaoaki.

M'akuri 5:28

“Ti anganingkami ngkoa ara taeka ae matoatoa b'a kam na aki reirei n te ara ae Iesu. Ao noria! kam kaona Ierutarem n ami reirei, ao kam tangirira b'a ti na bukinaki ni matena.”

M'akuri 5:30

E kamaiua Iesu Atuaia ara bakatibu man te mate; boni Ngaia are kam tiringnga n tauria i aon te kaibangaki.

M'akuri 7:52

Antai i buakoia burabeti ae aki b'ainikirinaki irouia ami bakatibu? Boni ngaiia ake a tiringiia uake a kaman tataekina rokon Teuare Raoiroi, are Ngaia are kam a tia ngkai ni kam'anea ao kam tiringnga.

I-Rom 2:12

B'a ngkai a bati aika bure ao akea te Tua i rouia, ao a na boni mate n akea naba te Tua i rouia; ao ngkai a bati aika bure ao iai te Tua i rouia, ao a na boni baireaki taekaia i aan te Tua.

I-Rom 4:17

n ai aron are koreaki ni kaangai: “I karaoiko b'a tamaia botannaomata aika bati.” Ma ngaia ae e raoiroi te taeka n akoi i bukin aron te Atua, are e onimakinna Aberaam are te Atua are kamaiuia maate, ao are iai i rouna te kona ni kariki b'aai ngke bon akea.

1.I-Tetaronike 2:15

ake a kamatea te Uea are Iesu ma taiani burabeti, ao a kakioira nako naba. A aki kakukureia te Atua, ao a ekianako aomata ni kabaneia;

1.Betero 1:2

akana rineaki n ai aron nanon ma ana baire ma ngkoangkoa te Atua ae te Tama, ao a katabuaki maiuia iroun te Tamnei b'a ana b'ai te Atua, b'a kam na ongeaba iroun Iesu Kristo ma ni kaitiakaki n raraana. A na kabatiaki nakoimi te akoi ma te raoi.

1.Betero 1:20

E a kaman rineaki n ai aron nanon ma ana baire ma ngkoangkoa te Atua ngke a tuai ni karikaki b'aai, ma E a kaotaki ni boong aikai aika kabaneani boong i bukimi,

1.Betero 2:8

Ao e a manga taku te koroboki teuana: “Te atibu are a na reke waeia iai aomata ao a tata nako, te atibu are a na b'aka iai.” A tata nako i bukina b'a a aki ongeaba nakon ana taeka te Atua; ao anne bon nanon te Atua ma ana baire ma ngkoangkoa i bukiia.

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.

Te Kaotioti 13:8

Ao ane a na taromauria te man arei aomata nako i aonnaba, ake a aki koreaki araia ni bokin te maiu ma ngke a moa ni karikaki aonnaba; ao te boki arei bon ana boki te Tiibuteteei are kamateaki.