M'akuri 2:14 - Te B'aib'ara

¹⁴ Ao e teirake Betero ma uake tengauni ma temanna, ao e kanenea b'anaana n taetae nakoia aomata ni kaangai: Mm'aane aika I-Iutaia, ao ngkami ni kabaneingkami aika kam maeka i Ierutarem, e na ataaki aei iroumi, ao kam na ongora n au taeka!

M'akuri 2:14 Iomraidhean Croise

Taeka n Rabakau 8:32

Ongora raoi irou, natiu! Iri nanon au taeka n reirei ao ane kam na kukurei.

Itaia 40:9

Bon iai te rongorongo ae e raoiroi i bukin te kaawa ae e buubura ae Tion Takaaruaia n tokin korakoran b'anaam mai taubukin te maunga ae te kabanea n rietaata ni maunga. Ko na aki maaku n takaarua nakon kaawan nako Iuta, “E mena te Atua ikai!”

Itaia 51:1

Ngkana kam tangiria ni karaoa ae e raoiroi ao n ongotaeka iroun te UEA ao kam na katotoonga Aberaam. Boni ngaia te b'a are kam ekeaki mai iai.

Itaia 51:4

E taku te UEA: au Aomata ngkami ao au botannaomata! Ma ngaia are, kam na kakauongo raoi irou. E na karekea te rau au reirei ao e na oota nako kaanga te oota i bukin te botannaomata.

Itaia 51:7

Ngkana kam tangiria ni karaoa ae e raoiroi ma n ongotaeka nakon au reirei ma nanomi ni kabane, ao kam na kakauongo raoi Irou. Kam na aki b'arannano ngkana iai aika a kamamaaeingkami ma n atong taeka aika a kamaraki nano.

Itaia 52:8

Baane anene ao kukurei ngkami aika kam tei n taratara! Nooria, kam a konaa n noora te UEA n okira Tion.

Itaia 55:2

E aera ngkai ko bakataea am m'ane i aoni b'aai aika tiaki raoi taian am'arake? E aera ngkai ko m'akuri korakora i bukin b'aai aika a aki konaa n anganiko te rau n nano? Kakauongo raoi irou ao ane ko na kukurei ni kana te am'arake aika kabanea ni kangkang.

Itaia 58:1

Takaarua te rongorongo! Tai taua. Ko na kaangai nakoia au aomata ae Iteraera: Kam a tia ni bure! Ko a tia n rairaki nako mai roun te UEA.

Otea 8:1

Katanga te buu ni kauring! Iteraera, ko a tia n urua ara boraraoi ao ko a tia n aki kubara au reirei. Ao ngkai e na kiba rikaaki te ikare ni buakana abau.

Mataio 2:1

Ngke E bungiaki Iesu i Betereem i Iutaia n ana bong n uea Erote, ao noria, a roko i Ierutarem taan rabakau mai mainiku, ao a taku,

M'akuri 1:26

Ao a kakaaea n te aro ni kaiwa b'a antai ae na rineaki i rouia, ao e reke b'a Matia; ao e warekaki b'a raoia taan tuatua ake tengauni ma temanna.

M'akuri 13:16

E teirake B'auro, ao e taotaona baina nakoia kaain te m'aneaba, ao e taku, Mm'aane aika Iteraera, ao ngkami akana kam maka te Atua, kam na ongora!

M'akuri 2:22

Mm'aane aika Iteraera, kam na ongo taeka aikai: Iesu are te I-Natareta are e kaotaki arona i buakomi b'a iai nakoana mairoun te Atua, are e kateretereaki raoi n taiani m'akuri aika kamimii, ma baika kamimii, ma kanikina, ake E karaoi te Atua i rouna i buakomi, n ai aron are kam bon ataia;

M'akuri 21:28

Ao a takarua ni kaangai, “Mm'aane aika Iteraera, buokira! Aio te aomata are reireiia aomata n taabo nako b'a a na ekianako ara aomata aika Iteraera, ma te Tua, ma te tabo aei; ao e kairiia naba I-Erene ni kariniia n te Tembora, ao e kam'araea te tabo ae tabu aei!”

M'akuri 5:35

Ao e taku nakoia, Mm'aane aika Iteraera, kam na tarataraingkami n are kam nang karaoia nakoia aomata aikai.

M'akuri 7:2

Ao e kaangai Tetebano, Mm'aane aika taari, ma taama, kam na ongora. E kaoti te Atua are mimitong nakon tamara are Aberaam, ngke e mena i Metobotamia, ngke e tuai ni maeka i Aran.

Te Tua-Kaua 27:9

Ao e tei Moote ma taian ibonga ao n taetae ni kaangai, “Kaain Iteraera, tai karongoa ao ongora irou! Kam a riki b'a ana Aomata te UEA ae Atuami n te bong aei.

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?