M'akuri 19:34 - Te B'aib'ara

³⁴ Ma ngke a ataia b'a te I-Iutaia, ao a bane n takarua n te b'ana ae ti teuana, i nanon tao uoua te aoa ni kaangai, “E kakannato Nei Aritemito, are atuaia I-Ebeto!”

M'akuri 19:34 Iomraidhean Croise

1.Uea 18:26

Ao a rinea aia kaom'aane ana burabeti B'aara ao a katauraoia, ao a tataro nakoni B'aara ni kabanea te ingabong arei ni butiia b'a e na kauraa ain aia karea. A ruruoia ni katobibia aia baonikarea ao a tatakarua ni kaangai, “Kaekaira B'aara!” Ma bon akea kaekaakiia.

Mataio 6:7

Ao ngkana kam tataro, ao tai kabatiai ami taeka aika akea nanoia, b'a anne aroia aomata ake a tuai onimakina te Atua, b'a a taku b'a a na reke nako ia b'aai ake a tataro i bukiia.

M'akuri 16:20

A kateia i mataia taani motiki-taeka, ao a kaangai, “A bati ni kakiriwea ara kaawa aomata aika I-Iutaia aikai,

M'akuri 19:24

B'a te aomata temanna ae arana Temeterio, ae te tia karaoi b'aai man te tirewa, e kakaraoi man tirewa Tembora aika taore aika uarereke aika katotongan um'antabun Nei Aritemito, ao e korakora aia m'akuri iai te koraki ake a m'akuri i rouna.

M'akuri 19:26

Ao kam noria, ao kam ongo, b'a tiaki ti i Ebeto ae e kairoroia ma n anai nanoia iai aomata teuare B'auro, ma e kuri ni kabuta aon Atia, n taku b'a tiaki atua baika karaoaki ni baiia aomata.

M'akuri 19:28

Ngke a ongo taeka akanne, ao a rangi n un, ao a takarua ni kaangai, “E kakannato Nei Aritemito, are antiia I-Ebeto!”

M'akuri 19:33

Iai tabem'aang i buakoia ake a bukina Arekantero b'a ngaia are e karika te kiriwe, i bukina ngke e kanakoaki irouia I-Iutaia b'a e na tei i matan te botaki. E taotaona baina Arekantero nakoia aomata b'a e kani karaua te taetae nakoia.

M'akuri 19:35

Ngke e a tia ni katoki karongoaaia aomata te tia koroboki n te kaawa, ao e taku, Mm'aane aika I-Ebeto, antai te aomata ae aki ata te kaawa ae Ebeto b'a ngaia te tia kawakina um'antabun Nei Aritemito are kakannato, ma te b'ai are b'aka mai karawa?

I-Rom 2:22

Ngkoe ae ko taku b'a e na aki wene ni bure te aba, ko wene ni bure? Ngkoe ae ko ribai bouannanti, ko anai b'ain Tembora n te aro n iowawa?

Te Kaotioti 13:4

Ao a bane n taromauria te rakon i bukina ngke e anga te m'aaka n tautaeka nakon te man are tiritiri; ao a taromauria naba te man are tiritiri, ao a kaangai, “Ai antai ae ai aron te man ae tiritiri aei? Ao antai ae kona te buakanna?”