M'akuri 19:19 - Te B'aib'ara

¹⁹ A bati aia koraki taan tabunea ake a uoti aia boki n tabunea ao a boti ni kabuoki i mataia aomata ni kabaneia; ao ngke a wareki m'aitini booia, ao a noria b'a ngaia nimabwi te nga te maibiibi n tirewa.

M'akuri 19:19 Iomraidhean Croise

Karikani B'aai 35:4

Ma ngaia are, a angan Iakob'a antiia ianena ni kabane ake i rouia, ao taian ruberube ake i taningaia. Ao e tauni i aan te Oke are i rarikin Tekem.

1.Rongorongo 10:13

E mate Tauro i bukina ngke e aki kakaonimaki ao n ongotaeka iroun te UEA. E bon naanako ni kawara te aine are m'am'akuri ma tamneia aomata aika a mate ni kakaea buokana i rouna,

2.Rongorongo 33:6

ao e katea naba te atiibu are taamnein antiia ianena. E kaakaraoa naba taiani m'akuri n tabunea ao ni b'ainikawai,

Te Otinako 32:20

E karikia b'a te ran te bouannanti are a tia ni karaoia aomata, ao e kamantia ni kab'auta. E kaaki i nanon nimaia b'a a na nimma, ao a nimma.

Te Otinako 7:11

Ao i mwiina, e manga weteia mm'aane aika taan rabakau ao taan tabunea te uea, ao a karaoi m'aakaia ni karaoa naba te aekaki arei.

Te Otinako 7:22

Ma a kamanenaa m'aakaia taan tabunea i Aikubita ni karaoa te aekaki naba arei. Ao te uea e bon karaoa raoi are e taekinna te UEA are e rangi n taningamatoa n rawa n ongo.

Itaia 30:22

Ao ane kam karaoia ami bouannanti ake taian tirewa ma koora kaanga taian turam ni maange; kam na karenakoia kaanga taian uraeki ae e a kam'araa.

Itaia 8:19

Ane a na kaangai tabeman nakoimi, “Naako kawariia taani kaiwa ake a wiwiirikiriki ke n titirakini tamneia maate. Ma e ngae n anne, ao e riai te botannaomata ni konaa n titirakina oin antina nako

Taniera 2:2

ma ngaia are, e a kanakoa weteaia ana taan tabunea, ma ana ibonga, ma aomata aika taani b'ai, b'a a na tuangnga b'a tera are e a tia ni miia. Ao ngke a roko n tei i matan te uea,

Nakoaia Ibonga 13:52

E na riai te ibonga ni kabuokia, b'a aorakin te kun ae e eweewe ae e riai ni kamaunaaki n te ai.

Ruka 14:33

Ma ngaia are ngkana iai i buakomi ae aki kitan ana b'ai ni kabane, ao e aki kona n riki b'a au reirei.

Ruka 15:8

“Ke antai te aine ae iai i rouna ana m'ane ae tebwina te tirewa ngkana e bua teuana ao e na aki kaura te taura ma n taea nanon te auti, ni kabanea ana tai ni kakaaea ni karokoa rekena?

M'akuri 13:6

A kabuta aon te abam'akoro arei ao a toki i Babo, ike a kaitibo iai ma te tia tabunea ae arana Barietu. Bon te I-Iutaia ngaia, ae te burabeti ni kewe.

M'akuri 13:8

Ma e tukiia Eruma are te tia tabunea (b'a aei arana n te taetae n Erene), ao e kataia n tuka Terekio b'a e na aki onimakina Iesu.

M'akuri 19:18

A m'aiti naba aomata i buakoia ake a tia n onimaki aika roko ni kaoti aroia, ma ni karakin aia m'akuri nako aika bubuaka.

Ebera 10:34

B'a kam uaia ni maraki ma ake a kabureaki, ao ngke kam kurib'aiaki ao kam kataua ma te kukurei, ngkai kam ataia b'a bon iai ami b'ai aika raraoi riki aika aki mauna i karawa.