M'akuri 18:21 - Te B'aib'ara

²¹ ma ngke e kabo ma ngaiia, ao e taku, “Ngkana nanon te Atua ao N na manga okiringkami.” Ao e borau mai Ebeto.

M'akuri 18:21 Iomraidhean Croise

Mataio 26:39

Ao E nako riki teutana, ao E katorobubua ni bobaraaki i aontano ao E tataro ni kangai, “Tamau, ngkana e konaki, ao e na nako mai Rou te m'angko ni karawawata aei; ma tiaki nanou ae na iraki, ma nanom.”

Mareko 6:46

Ao ngke E kitaniia aomata, ao E nako n te maunga b'a E na tataro.

Ruka 9:61

E a manga taku temanna, “N na iririko, te Uea; ma kariaiai moa b'a N na nako ni kabo ma kaaini mwengau.”

M'akuri 15:29

kam na aki kang am'arake ake a tia ni kareanaki nakoni bouananti; kam na aki kang raraa; kam na aki kana te man ae tiringaki ni konaaki roroana; ao kam na aki wene ni bure. Ngkana kam kararoaingkami mani baikai ao kam karaoa ae kam na kab'aia iai. Ara katekeraoi nako imi.

M'akuri 18:19

A roko i Ebeto, n te tabo are a kitanaki iai Beritikira ma Akura irouni B'auro. E nako B'auro n rin ni m'aneabaia I-Iutaia, ao e reireiia I-Iutaia.

M'akuri 18:20

Ngke a butiia b'a e na tiku i rouia ni kamanna, ao e aki iri nanoia;

M'akuri 18:24

E roko i Ebeto te I-Iutaia temanna ae arana Aboro, ae bungiaki i Arekanria. Te tia taetae ngaia ae rabakau, ao e rangi n atatai n te B'aib'ara.

M'akuri 19:1

Ngke e mena Aboro i Korinto, ao B'auro e ri nukan aaba ake i eta, ao e roko i Ebeto; ao e kuneia Kristian tabem'aang iai.

M'akuri 19:17

E a ataaki te baei irouia I-Iutaia ma I-Erene ni kabaneia ake a maeka i Ebeto, ao a rangi ni maku; ao e neboaki aran te UEA are Iesu.

M'akuri 19:21

Ngke a tia n riki baikekei, ao e moti i nanoni B'auro b'a e na ri nuukani M'aketonia ma Akaia n nako Ierutarem, ao e kaangai, I mwin rokou i Ierutarem, ao e riai b'a N na nora naba Rom.

M'akuri 20:16

B'a e a tia ni moti n ana iango B'auro b'a e na borau n aki kaeta Ebeto, ma e na kitanna: b'a e aki kani kabanea ana tai i Atia, b'a e taenoa ni kan roko i Ierutarem n te bong are Bentekota, ngkana e kona.

M'akuri 21:14

Ao ngke e aki iri nanora B'auro, ao ti aki manga karongoa i mwin are ti kaangai, “E na tauaki ana taeka te UEA.”

M'akuri 21:29

B'a a kaman nora Terobimo are te I-Ebeto b'a raoni B'auro i nanon te kaawa, ao a taku i nanoia b'a e a tia B'auro ni kairiia nako nanon te Tembora.

I-Rom 1:10

ni katoa te tai are I tataro iai, ao I butia te Atua b'a ngkana nanona, ao e bia reke te tai are N na m'ananga iai ni kawaringkami ngkai.

I-Rom 15:32

Ngkana I tia ni karaoa aei, ao N na nakoimi ma te kukurei, ngkana nanon te Atua, ao e na rangi n nako raoi arou n tiku ni motirawa i buakomi.

1.I-Korinto 15:32

Ngke arona b'a I un ma maan aika tiritiri i Ebeto ao I b'aina te nano n aomata, ao tera manenana i rou? Ngkana arona b'a a aki manga kamaiuaki maate, ao e kangai te taeka n rabakau teuana, “Ti na am'arake ma ni mooi, b'a ae ti na mate ningabong.”

1.I-Korinto 16:7

B'a I tangira riki ae N na kawaringkami rimwi ni kamaanai i roumi, ngkana nanon te UEA, nakon ae N na kawaringkami ngkai ao e kimototo au tai i rarikimi.

1.I-Korinto 16:8

Ma N na mena i Ebeto ni karokoa te Bentekota,

1.I-Korinto 4:19

Ma e aki maan ao N na roko i roumi, ngkana nanon te UEA, ao N na ata raoi m'akaia aomata akana kainikatonga akanne; ma akea nanou n aia taeka.

2.I-Korinto 13:11

Te kabanea, taari, kam na kakatonga, kam na kanako raoi aromi, kam na karau nanomi, kam na b'aina te nano ae ti te arona, kam na raoi; ao E na mena i roumi te Atua are e reke mai Rouna te tangira ma te raoi.

I-Ebeto 1:1

Mairouni B'auro, ae ana tia tuatua Kristo Iesu n nanon te Atua, nakoia ake a itiaki ake i Ebeto ake a teimatoa ni katiteuanaki ma Kristo Iesu ni maiuia:

Te Tua-Kaua 16:1

Kaain Iteraera, kam na riai kauringa te Riao n te nam'akaina are Abibi, i bukina b'a E kamaiungkami te UEA ae Atuami mai Aikubita n ririki aika nako n te tairiki teuana n te nam'akaina anne.

Ebera 6:3

Ao ti na karaoa aei, ngkana E kariaia te Atua.

Iakobo 4:15

Ma te bae kam riai n atongnga, e kaangai, “Ngkana nanon te Uea, ao ti na maiu, ao ti na karaoa te baei ke te baerei.”

1.Betero 3:17

B'a e raoiroi riki marakimi i bukini karaoan ae e raoiroi, ngkana anne nanon te Atua, nakoni marakimi i bukini karaoan ae buakaka.

Te Kaotioti 1:11

ae kaangai, “Ane ko noria ao ko na koroia n te boki, ao ko na kanakoa te boki anne nakoia ekaretia ake itiua n taabo aikai: Ebeto, Temurena, Barekamo, Tuateira, Tareteiti, Biraterebia, ao Raorikeia.”

Te Kaotioti 2:1

Ko na koroboki nakon ana anera te ekaretia are i Ebeto ni kaangai: “Aio ana taeka Teuare tau itoi ake itiua i ataina, are E nakonako i buakoni kain-tei n taura ake koora ake itiua: