M'akuri 18:18 - Te B'aib'ara

¹⁸ E kabatiai riki ana bong B'auro n tiku ma taari i Korinto, ao rimwi e kabo ma ngaiia, ao e borau ma Nei Beritikira ao Akura nako Turia; ao e korobuatau B'auro i Kengkirea i m'aini borauna, b'a kakoroan nanon ana taeka ni bau are e bae iai.

M'akuri 18:18 Iomraidhean Croise

Warekaia Iteraera 6:18

Ao i mwiin aei, ao ko na tei ni mataroan te Um'antabunrianna, ao ko na koromara atuum, ao ko na kaaki iran atuum n te ai are anga te karea ni bubuti Au kakab'aia iai te ibonga.

Warekaia Iteraera 6:2

b'a e na kaangai nakoia Iteraera: Ngkana iai i buakomi ane kan anga boni ngaia nako Iu ni berita b'a e na riki b'a te Natiraite,

Mataio 4:24

E taona Turia ni kabuta rongorongon Iesu, ao a bane n uotaki nako Ina aomata aika aoraki n aekan aoraki nako ma maraki, ao akana taniaki irouia taimonio, ma akana iai aorakin aia iango, ma akana aki kona te nakonako; ao E kamaiuia.

Mareko 6:46

Ao ngke E kitaniia aomata, ao E nako n te maunga b'a E na tataro.

M'akuri 1:15

N te bong teuana ao e teirake Betero i buakoia taari akekei, ae tao tebubua ma uangaun m'aitiia ake a botaki ao e taku,

M'akuri 15:23

A korea te reta b'a uotaia, ae kaangai taekana: Ti anga ara kamauri, ngaira aika taan tuatua ma taari aika unimm'aane, nakoimi ngkami aika taari aika tiaki I-Iutaia i Antioka, i Turia ao i Kirikia.

M'akuri 15:41

Ao e nako B'auro ma Tira, ni kabuta aon Turia ma Kirikia, ao e kakorakoraia ekaretia.

M'akuri 18:2

e kaitibo iai ma te I-Iutaia ae arana Akura ae bungiaki i Bonto, ae e a tib'a roko mai Itare, ma Beritikira are buna, i mwin ana taeka Keraurio nakoia I-Iutaia ni kabaneia b'a a na kitana Rom. E nako ni kawariia B'auro,

M'akuri 18:26

ao e taetae teuaei n aki mamaku i nanoni m'aneabaia I-Iutaia. Ngke a ongora i rouna Akura ma Beritikira ao a weteia, ao a kab'arab'ara nakoina nanon te Atua i bukin te kawai are a riai n toua aomata, b'a e aonga n eti riki ana atatai iai.

M'akuri 18:27

A kaungaa nanon Aboro taari ngke e kan nako Akaia, ao a koroboki nakoia ake a onimaki ikekei b'a a na m'aneia n akoia; ao ngke e roko, ao e korakora ana i buobuoki nakoia ake a tia n riki b'a taan onimaki n ana akoi te Atua:

M'akuri 21:23

Ma ngaia are, aei te bae ti na tuangko b'a ko na karaoia, Aman te aomata iroura aika bae n aia taeka ni bau teuana.

M'akuri 21:24

Ko na kairiia ni kaitiakiko ma ngaiia, ao ko na kab'akai booni karea i bukiia, b'a a aonga ni korobuatauia; ao ane a na bane n ataia iai aomata b'a akea koauan taekam ake a tia n tuangaki, ma ko bon nakonako naba i nanoni kawakinan te Tua.

M'akuri 21:3

Ngke e ria Kubero, ao ti kitanna n ri maiakina ni borau nako Turia, ao ti aerake i Turo: b'a a kaerakeaki iai kaako.

I-Rom 16:1

I kan taekina nakoimi aron Nei Boibe are m'anera, b'a te aine ae e raoiroi arona. Iai naba nakoana b'a te tia buobuoki n te ekaretia i Kengkirea.

1.I-Korinto 9:20

Ngkana I m'akuri i buakoia I-Iutaia, ao I riki n ai aroia I-Iutaia, b'a a aonga n riki ni Kiritian; ao e boni ngae ngkana I aki mena i aan te Tua, ma I riki n ai aron ae I mena i aan te Tua, b'a a aonga n riki ni Kiritian te koraki ake a mena i aan te Tua.

I-Karatia 1:21

Ao rimwi I nako n aaba ake Turia ma Kirikia.