M'akuri 17:26 - Te B'aib'ara

²⁶ ao E karikiia botannaomata ni kabaneia mairoun te aomata ae temanna, b'a a na maeka i aon te aba ni kabane; ao E a kamani bairea te tai are a na maeka iai, ma tiani neia ni maeka.

M'akuri 17:26 Iomraidhean Croise

Karikani B'aai 3:20

Ao e arana buuna Atam b'a Ewa i bukina ngke boni ngaia tinaia aomata ni kabane.

Karikani B'aai 9:19

Natin Nooa aika teniman aikai, boni ngaiia aia bakatibu kaain te aonnaba ni kabane.

Iobi 12:23

E karaoia botannaomata b'a a na korakora ma n rikirake, ao i mwiina E a manga kab'akaia ma ni kamaunaia

Iobi 14:5

A kaman baaireaki ara bong ni maiu, ao e mena ara tai i Rouna, ao E a tia ni baairea are ti na aki kona n ri aona.

Taian Areru 31:15

E mena iroum mwiokoni maiu; Kamaiuai mairouia taan ribaai, ake taani b'ainikirinai.

Taian Areru 74:17

Ko bairea tian aon te aba are na toki iai; Ko karaoa bongin te aumaiaki ma te aumeaang.

Itaia 14:31

Kam na tang ma ni katuu ranin matami ni mataroan nako taiani kaawa. ngkami aika kaain Biritia! E a roko te bubu mai meang, ao a bane n tauraoi taiani tautia.

Itaia 34:17

E a tia te UEA ni baairea te tabo ike a na maeka iai n tatabemaniia; ana mena ikekei n aki toki, n te roro teuana ma teuana.

Itaia 45:21

“E aera ngkai kam aki ikotaki ma ni kawarai n te kabowi? I bon aki tuangingkami ni boong ake ngkoa te b'ai ae e na riki? Bon ti te Atua Ngai! Akea riki i rarikiu. I karokoa te kaetitaeka ae eti, ao bon iai m'aakau ni kakamaiu.

Ieremia 27:5

ae I karika te aonnaba ni m'aakau, ma aomatana, ao maan ni kabane. I baaireia b'a antai ae e na tautaekana te aonnaba,

Taniera 11:27

Ao i mwiina, ana kaai n tekateka n am'arake n te taibora ae ti teuana, ma a na ikam'aam'ane i boni i marenaia, ao a na keweia i boni irouia. Bon akea temanna mairouia ae e na koro bukin ana iango i bukina b'a e a tia te Atua ni bairei tokin maiuia.

Taniera 11:35

A na mate tabeman mai buakoia taani kairiiri ake a wanawana, ma n tokina, ao a na boni itiaki aomata. E na waaki nako te aro anne ni karokoa rokon te toki, are te tai are e a tia ni baaireia te Atua.

Maraki 2:10

Kam aki ataia b'a ti bane n toa ma Atuara kaanga tamara? Tiaki bon ti temanna te Atua ae e karikiira ni kabane? Ao e aera ngkai ti a manga kam'aneia aomata nako n urua Ana boraraoi te Atua ma ami bakatibu?

M'akuri 14:17

ma e boni ngae n anne, ao E a tia ni kaotiota arona n Atua ni baika raraoi ake E karaoi: b'a E anganingkami te karau mai karawa ma boong ake a uaa iai kai n am'arake; E anganingkami kanami, ao E kaon nanomi n te kim'areirei.”

M'akuri 15:18

Aei ana taeka te UEA, ae kaoti baikai ma ngkoangkoa.”

1.I-Korinto 15:22

B'a ngke e reke te mate irouia aomata ni kabaneia mairoun Atam, ao ai aroia naba b'a a na bane n reke i rouia te manga uti mairouni Kristo.

1.I-Korinto 15:47

E riki te moa n aomata mai aon te aba, ao e karikaki man te tano; te Aomata are te kauoman boni mai karawa.

Ebera 2:3

ao ti na iranira ni kareke maiura ngkana ti aki mutiakina te aro ni kamaiu ae kakannato aei? E moa n taekinaki iroun te Uea, ao e kakoauaki nako ira irouia ake a ongo;