M'akuri 16:23 - Te B'aib'ara

²³ I mwini kaia n oreaki ae bati, ao a kaakiia i nanon te karabuuti, ao a tuanga te tia kawakinia buure b'a e na teiakiniia raoi;

M'akuri 16:23 Iomraidhean Croise

Mataio 26:48

A tia n anganaki te kanikina mairoun teuare na kam'anea Iesu, ae te kanikina ae kangai, “Te aomata ae I kiitinna ao boni Ngaia. Kam na taua!”

Ruka 21:12

Ma i m'ain rikini baikai, ao ane a na tuangngkami ao a na b'ainikiriningkami; a na anga ngkami nakoia mataniwi ni m'aneabaia I-Iutaia, ao a na kainingkami i nanoni karabuuti; ao ane kam na kateaki i mataia uea ma taan tau-taeka i bukin arau.

M'akuri 12:18

Ngke e a ingabong, ao e riki te mangao ae ab'ab'aki irouia tautia i bukini Betero, b'a tera ae e riki nakoina.

M'akuri 12:4

Ngke e a tia n tauaki Betero, ao e karinaki i nanon te karabuuti, ao a anganaki tautia aika akoraki aika kaka aman aomataia nako, b'a a na kawakinna. E kaantaningaia Erote b'a e na bairea taekani Betero i mataia aomata i mwin te Toa are te Riao.

M'akuri 16:27

Ngke e uti mani matuuna te tia kawakinia buure, ao ngke e noori mataroan te karabuuti b'a a uki, ao e buuta ana kabaang b'a e nang bakabureia, b'a e taku b'a a tia ni biri nako buure.

M'akuri 16:36

Ao te tia kawakinia buure e taekin taeka akanne nakoni B'auro, ni kaangai, “A kanakomaia aia taeka taani motiki-taeka b'a kam na kainaomataki, ma ngaia ae kam na oti nako ao naako ma te rau.”

M'akuri 5:18

a tauia taan tuatua, ao a kaakiia n te karabuuti.

M'akuri 5:23

“Ti nora te karabuuti b'a e kainaki raoi, ao taan tantani b'a a tei ni mataroana nako; ma ngke ti kauki, ao akea temanna i nanona ae ti noria!”

M'akuri 8:3

Ma Tauro e kataia n urua te ekaretia: e rin i nanon auti nako ni katikiia nako kaain te ekaretia aika mm'aane ma aine, ao e kaakiia i nanon te karabuuti.

M'akuri 9:2

ao e butiia reeta i bukina b'a e na uoti nako Tamateko, nakoni m'aneabaia nako I-Iutaia, b'a ngkana tao e kuneia tabem'aang aika taua te Aro, aika mm'aane ma aine, ao e na tauia ni kabaeia, ao e na kairiia nako Ierutarem.

2.I-Korinto 11:23

Ana taani m'akuri Kristo uakekei? I taetae n ai aron ae baba: i aoia riki ngai; b'a I m'akuri korakora riki nako ia, a bati riki au tai ni kabureaki, a bati riki au tai ni kataereaki, ao a bati riki au tai ae e kaani mateu iai.

2.I-Korinto 6:5

Ti oreaki, ti kabureaki, ao ti kakiriweaki n taiani kiriwe. Ti a tia ni m'akuri korakora n aki mamatu ao n aki mamatam.

I-Ebeto 3:1

Ma ngaia ae ngai ae B'auro, ae ana aomata Kristo Iesu ae kabureaki i bukimi ngkami aika tiaki I-Iutaia,

I-Ebeto 4:1

Ma ngaia ae I butingkami, ngai ae I kabureaki i bukin te UEA, b'a kam na karaoi baika boraoi ma nanon te weteaki are kam weteaki nako iai:

2.Timoteo 2:9

ae I kamarakaki i bukina ao I kabaeaki n taurekereke i bukina b'a kanga ai aron te kam'arua ngai. Ma e bon aki kabaeaki n taurekereke ana taeka te Atua.

Biremon 1:9

Ma i bukin te tangira, ao e a raoiroi riki i rou b'a N na butiko, ngai ae B'auro, ae te tia ua-rongorongo ae I kabureaki naba ngkai i bukini Kristo Iesu,

Iotua 4:17

Ao e karaoa arei Iotua.

Te Kaotioti 1:9

Ngai ae Ioane, ae tarimi, ae raomi n uaia n rawawata ma ni kaaina Ueani Kristo ma ni b'aina te nanom'aka ngkai ti reitaki ma Iesu, I mena i aon te abam'akoro ae Batemoti, i bukin ana taeka te Atua ao i bukin naba te koaua are E tataekinna Iesu

Te Kaotioti 2:10

Ko na tai makui baika ko nangi maraki iai; noria, ane e nang kaakiia tabem'aang i buakomi te riaboro i nanon te karabuuti, b'a kam aonga ni kataaki iai, ao tengaun ami bong ni maraki iai. Ko na kakaonimaki ni karokoa matem, ao N na anganiko te bau are te maiu.