M'akuri 16:16 - Te B'aib'ara

¹⁶ Ngke ti nako n te ne n tataro, ao ti kaitibo ma te ateiaine ae kaboaki b'a te toro. E taniaki iroun tamneini Buton, ao e karekei ni kabatiai aia b'ai ana toka man arona n taekini baika na riki nakoni boong aika na roko.

M'akuri 16:16 Iomraidhean Croise

2.Uea 21:6

ao e boni katea naba te boua ae Nei Aatera ikekei. E kakaraoa te m'akuri n tabunea, ma ni kan riki b'a te tia tabunea;

1.Rongorongo 10:13

E mate Tauro i bukina ngke e aki kakaonimaki ao n ongotaeka iroun te UEA. E bon naanako ni kawara te aine are m'am'akuri ma tamneia aomata aika a mate ni kakaea buokana i rouna,

Itaia 8:19

Ane a na kaangai tabeman nakoimi, “Naako kawariia taani kaiwa ake a wiwiirikiriki ke n titirakini tamneia maate. Ma e ngae n anne, ao e riai te botannaomata ni konaa n titirakina oin antina nako

Nakoaia Ibonga 19:31

Tai karikingkami ni kam'araa nako Iu ni kawarakiia aomata aika taku b'a a kona n taetae ma te mate.

Nakoaia Ibonga 20:27

Ngkana ko taku b'a e reke iroum te rongorongo mairoun te mate, ko na karebanaaki ni karokoa matem, b'a aei ae ko kaantaningaia.

Nakoaia Ibonga 20:6

N na bon riki b'a ami kairiribai ngkana kam nakon ane e taku b'a e tataetae ma maate, ao N na kamaunaingkami mai buakoia au aomata.

M'akuri 16:13

N te Taabati ao ti oti nako mani mataroan te kawai n rin n te kaawa arei nako rarikin te karaanga teuana are ti taku b'a e mena iai te ne n tataro; ao ti tekateka n taetae nakoia aine ake a roko ni botaki iai.

M'akuri 16:18

Ao e kakaraoa aei ni boong aika bati n te aro are e a un i rouna B'auro. E rairaki, ao e kaangai nakon te tamnei are i nanon te ateiaine arei, “I tuangko n aran Iesu Kristo b'a ko na oti nako mai rouna!” Ao e a oti nako naba n te aoa arei.

M'akuri 16:19

Ngke a noria ana toka b'a e a bua te baere a onimakinna i bukin rekeni kaub'aia, ao a taua B'auro ma Tira, ni katikiia nakon te tabo ni m'akete nakoia taan-tautaeka.

M'akuri 19:24

B'a te aomata temanna ae arana Temeterio, ae te tia karaoi b'aai man te tirewa, e kakaraoi man tirewa Tembora aika taore aika uarereke aika katotongan um'antabun Nei Aritemito, ao e korakora aia m'akuri iai te koraki ake a m'akuri i rouna.

I-Karatia 5:20

te taromauri bouananti, te tabunea, taian riribai, te kauntaeka, te tauaninne, taian un, taian unra i marenaia ami botaki nako, taian i raraaure, taiani kakaokoro n iango,

1.Timoteo 6:10

B'a te baki-tianti boni ngaia ae a nako mai iai aaro nako aika buakaka. Iai tabem'aang aika rangi ni baki-tianti n te aro are a kitana iai te onimaki, ao a uruaki nanoia n te aro ae a rawawata iai.

2.Timoteo 3:8

B'a ai aroia Ianne ma Iambere ngke a eekaanako Mote, ao ai aroia naba aomata aikai n eekaanako te koaua, aomata aika babanga n iango, ao taan aki onimaki ni koaua.

2.Betero 2:3

I bukin aroia ni kani b'aib'ai ao ane a na karekei aia b'ai mai roumi n taeka n reirei ni kewe. E a kaman tauraoi ma ngkoa i bukiia motikan taekaia ni kabuakakaki, ao ae e teimatoa naba n tiku n taningaia te aro are a na kamaunaki iai.

1.Tamuera 28:3

E a tia ni mate ngkai Tamuera, ao a bane n tang Iteraera ma n tanginiwenei i bukina ao a taunna n oin ana kaawa are e buubura are Ram'a. E a tia ni kairoroia taan kaiwa Tauro ao taan tabunea b'a a na kiitana Iteraera.

1.Tamuera 28:7

E kawaekoaia ana aobitia Tauro, ao e taku, “Kam na kakaea nako iu te aine are te tia tabunea, b'a N na nako n ongora i rouna.” Ao a kaeka ni kaangai, “Iai temanna i Entora.”